ಮ್ಯಾಜಿಕ್ ನಂಬರ್‌ಗಿಂತ 15 ಸ್ಥಾನ ಹೆಚ್ಚೇ ಗೆಲ್ತೇವೆ: ಅಮಿತ್ ಷಾ ನಿಚ್ಚಳ ವಿಶ್ವಾಸ

ಕಳೆದೊಂದು ದಶಕದಲ್ಲಿ ಚುನಾವಣಾ ತಂತ್ರಗಾರ ಎಂದೇ ಖ್ಯಾತಿ ಪಡೆದುಕೊಂಡಿರುವ ಕೇಂದ್ರ ಗೃಹ ಸಚಿವ ಅಮಿತ್ ಷಾ ಈ ಬಾರಿಯ ಕರ್ನಾಟಕ ಚುನಾವಣೆಯಲ್ಲಿ ಬಿಜೆಪಿಯನ್ನು ಶತಾಯಗತಾಯ ಗೆಲ್ಲಿಸಿಕೊಂಡು ಬರಲು ಮಾಸ್ಟರ್‌ಪ್ಯಾನ್ ರೂಪಿಸಿದ್ದಾರೆ. ಚುನಾವಣೆಗೆ ಇನ್ನು ಎರಡು ದಿನವಷ್ಟೇ ಬಾಕಿಯಿದ್ದು, ಈ ಹೊತ್ತಿನಲ್ಲಿ ಅವರ ದೃಷ್ಟಿಕೋನದಲ್ಲಿ ಚುನಾವಣೆ ಯಾವ ಸ್ವರೂಪದಲ್ಲಿ ಸಾಗಿದೆ? ತಮ್ಮ ಪಕ್ಷಕ್ಕೆ ಯಾವ ರೀತಿ ಅನುಕೂಲವಾಗುತ್ತಿದೆ? ಎದುರಾಳಿಗಳ ದಾಳಗಳನ್ನು ಯಾವ ದೃಷ್ಟಿಕೋನದಲ್ಲಿ ನೋಡುತ್ತಿದ್ದಾರೆಂದು ವಿಜಯವಾಣಿಗೆ ವಿವರಿಸಿದ್ದಾರೆ. ದಿಗ್ವಿಜಯ ನ್ಯೂಸ್ ಸಂಪಾದಕ ಸಿದ್ದು ಕಾಳೋಜಿ ಅವರ ನೇರ ಪ್ರಶ್ನೆಗಳಿಗೆ ಅಮಿತ್ ಷಾ ಖಡಕ್ ಉತ್ತರ ನೀಡಿದ್ದಾರೆ.

ಕಳೆದೊಂದು ದಶಕದಲ್ಲಿ ಚುನಾವಣಾ ತಂತ್ರಗಾರ ಎಂದೇ ಖ್ಯಾತಿ ಪಡೆದುಕೊಂಡಿರುವ ಕೇಂದ್ರ ಗೃಹ ಸಚಿವ ಅಮಿತ್ ಷಾ ಈ ಬಾರಿಯ ಕರ್ನಾಟಕ ಚುನಾವಣೆಯಲ್ಲಿ ಬಿಜೆಪಿಯನ್ನು ಶತಾಯಗತಾಯ ಗೆಲ್ಲಿಸಿಕೊಂಡು ಬರಲು ಮಾಸ್ಟರ್‌ಪ್ಯಾನ್ ರೂಪಿಸಿದ್ದಾರೆ. ಚುನಾವಣೆಗೆ ಇನ್ನು ಎರಡು ದಿನವಷ್ಟೇ ಬಾಕಿಯಿದ್ದು, ಈ ಹೊತ್ತಿನಲ್ಲಿ ಅವರ ದೃಷ್ಟಿಕೋನದಲ್ಲಿ ಚುನಾವಣೆ ಯಾವ ಸ್ವರೂಪದಲ್ಲಿ ಸಾಗಿದೆ? ತಮ್ಮ ಪಕ್ಷಕ್ಕೆ ಯಾವ ರೀತಿ ಅನುಕೂಲವಾಗುತ್ತಿದೆ? ಎದುರಾಳಿಗಳ ದಾಳಗಳನ್ನು ಯಾವ ದೃಷ್ಟಿಕೋನದಲ್ಲಿ ನೋಡುತ್ತಿದ್ದಾರೆಂದು ವಿಜಯವಾಣಿಗೆ ವಿವರಿಸಿದ್ದಾರೆ. ದಿಗ್ವಿಜಯ ನ್ಯೂಸ್ ಸಂಪಾದಕ ಸಿದ್ದು ಕಾಳೋಜಿ ಅವರ ನೇರ ಪ್ರಶ್ನೆಗಳಿಗೆ ಅಮಿತ್ ಷಾ ಖಡಕ್ ಉತ್ತರ ನೀಡಿದ್ದಾರೆ.

• ಸಂಪೂರ್ಣ ಚುನಾವಣೆಯಲ್ಲಿ ತೊಡಗಿಸಿಕೊಂಡಿದ್ದೀರಿ. ಕಳೆದ 2 ತಿಂಗಳಿನಿಂದ ರಾಜ್ಯಾದ್ಯಂತ ಸುತ್ತಿದ್ದೀರಿ. ಜನರ ಮೂಡ್ ಹೇಗಿದೆ?

ಜನರ ಒಲವು ಬಿಜೆಪಿ ಮೇಲೆ ಹೆಚ್ಚಾಗಿದೆ. ನಾನು ಎಲ್ಲೆಲ್ಲಿ ಹೋಗಿದ್ದೇನೋ ಅಲ್ಲೆಲ್ಲ ಉತ್ತಮ ಪ್ರತಿಕ್ರಿಯೆ ಕಂಡುಬಂದಿದೆ. ಕಿತ್ತೂರು ಕರ್ನಾಟಕ, ಕಲ್ಯಾಣ ಕರ್ನಾಟಕಕ್ಕೆ ಹೋಗಿದ್ದೆ. ಮೈಸೂರು, ಮಂಡ್ಯ ಹೋಗಿದ್ದೆ. ಹಾಸನ, ಬೆಂಗಳೂರು.. ಎಲ್ಲ ಕಡೆಗಳಲ್ಲಿ ಬಿಜೆಪಿ ಬಗ್ಗೆ ಒಳ್ಳೆಯ ಅಭಿಪ್ರಾಯ ಜನರಲ್ಲಿದೆ. ಪ್ರತಿಯೊಂದು ಕಡೆ ನಾನು ಬಿಜೆಪಿಯ ಭರ್ಜರಿ ಅಲೆ ಕಂಡಿದ್ದೇನೆ. ಮೋದಿಗೆ ಭಾರಿ ಜನಬೆಂಬಲ ಇರುವುದನ್ನು ಗಮನಿಸಿದ್ದೇನೆ. ಎಲ್ಲ ಜನರೂ ಬಿಜೆಪಿಯ ಡಬಲ್ ಇಂಜಿನ್ ಸರ್ಕಾರ ಬಯಸುತ್ತಿದ್ದಾರೆ. ಪೂರ್ಣ ಬಹುಮತ ಪಡೆದು ನಾವು ಗೆಲುವು ಸಾಧಿಸುತ್ತೇವೆ. ಮ್ಯಾಜಿಕ್ ನಂಬರ್‌ಗಿಂತ 15 ಸ್ಥಾನ ಹೆಚ್ಚು ಗೆಲ್ಲುತ್ತೇವೆ. ಈ ಬಗ್ಗೆ ನನಗೆ ಸಂಪೂರ್ಣ ವಿಶ್ವಾಸವಿದೆ.

• ಅಮಿತ್ ಷಾ ರಾಜಕೀಯ ಸಮೀಕರಣ, ಚುನಾವಣೆ 2 ಲೆಕ್ಕಾಚಾರ ಸುಳ್ಳಾಗಲ್ಲ ಎನ್ನುವ ಮಾತಿದೆ.

ಯಾವತ್ತೂ ಸುಳ್ಳಾಗಿಲ್ಲ ಅಂತೇನಿಲ್ಲ. ಆದರೆ, ಹೆಚ್ಚು ಬಾರಿ ಲೆಕ್ಕಾಚಾರ ಸರಿಯಾಗಿದೆ.

• ಭ್ರಷ್ಟಾಚಾರ, 3 ಮುಂದಿಟ್ಟು ಬಿಜೆಪಿ ವಿರುದ್ಧ ಆಂದೋಲನ ನಡೆದಿದೆ. ಚುನಾವಣೆ ಮೇಲೆ ಅದು ಪರಿಣಾಮ ಬೀರಬಹುದೆ?

ಅದರ ಪರಿಣಾಮ ಯಾವಾಗ ಆಗಲಿದೆ ಎಂದರೆ, ಆರೋಪಿಸುತ್ತಿ ರುವವರು ಹಿಂದೆ ಅಧಿಕಾರದಲ್ಲಿದ್ದಾಗ ಸರಿಯಾಗಿ ನಿರ್ವಹಣೆ ಮಾಡಿದ್ದರೆ ಮಾತ್ರ. ಅವರಿಗಿಂತ ನಾವು ಪರಿಣಾಮಕಾರಿಯಾಗಿ ನಿರ್ವಹಿಸಿದ್ದೇವೆ.ಕರ್ನಾಟಕದ ಜನತೆ ಅದನ್ನೆಲ್ಲ ಗಮನಿಸಬೇಕು ಮತ್ತು ಯೋಚಿಸಿ ಮತ ನೀಡಬೇಕು.

• ಬಿಜೆಪಿ ಸರ್ಕಾರ ಎಸ್​ಸಿ/ಎಸ್​ಟಿ ಮೀಸಲಾತಿ ಹೆಚ್ಚಳ ಮಾಡಿದೆ ಹಾಗೂ ಮೀಸಲಾತಿ ಮರುವಿಂಗಡಣೆ ಮಾಡಿದೆ. ಚುನಾವಣೆ ಮೇಲೆ ಅದು ಪರಿಣಾಮ ಬೀರಿ ಬಿಜೆಪಿಗೆ ಬೆಂಬಲ ಸಿಗಲಿದೆ ಎಂದು ನಿಮಗೆ ಅನಿಸುತ್ತದೆಯೇ?

ಚುನಾವಣೆ ದೃಷ್ಟಿಯಿಂದ ಸರ್ಕಾರ ಈ ನಿರ್ಧಾರ ಕೈಗೊಂಡಿಲ್ಲ. ಹಾಗಂತ ಚುನಾವಣೆ ಮೇಲೆ ಅದರ ಪರಿಣಾಮ ತಳ್ಳಿ ಹಾಕುವಂತಿಲ್ಲ. ಆದರೆ ನಮ್ಮ ಉದ್ದೇಶ ಅದಲ್ಲ. ಇಲ್ಲಿ ಬಹಳ ವರ್ಷದಿಂದ ಧರ್ಮದ ಆಧಾರದಲ್ಲಿ ಮುಸ್ಲಿಮರಿಗೆ ಮೀಸಲಾತಿ ಕೊಡಲಾಗಿತ್ತು. ದೇಶದಲ್ಲಿ ಧರ್ಮದ ಆಧಾರದ ಮೇಲೆ ಮೀಸಲಾತಿ ಕೊಡಬಾರದು ಎನ್ನುವುದು ಬಿಜೆಪಿಯ ನಿಲುವು. ನಮ್ಮ ಸಂವಿಧಾನ ಕೂಡ ಧರ್ವಧಾರಿತ ಮೀಸಲಾತಿ ಒಪ್ಪುವುದಿಲ್ಲ. ಹಾಗಾಗಿ ಅದನ್ನ ರದ್ದು ಮಾಡಲಾಯಿತು. ಆ ವೇಳೆ ಮರುವಿಂಗಡಣೆ ಮಾಡಲಾಯಿತು. ಅದರಲ್ಲಿ ಉಳಿದಿದ್ದನ್ನೇ ಹಂಚಿಕೆ ಮಾಡಲಾಗಿದೆ.

• ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ಮುಸ್ಲಿಮರಿಗೆ ಮೀಸಲಾತಿ ನೀಡುವುದಾಗಿ ಮತ್ತು ಒಟ್ಟು ಮೀಸಲಾತಿ ಪ್ರಮಾಣವನ್ನು ಶೇ.75ರಷ್ಟು ಹೆಚ್ಚಿಸುವುದಾಗಿ ಭರವಸೆ ನೀಡುತ್ತಿದ್ದಾರೆ...

ಕಾಂಗ್ರೆಸ್​ನವರಿಗೂ ಗೊತ್ತಿದೆ ಶೇ.75ರಷ್ಟು ಮೀಸಲಾತಿ ಕೊಡಲು ಬರುವುದಿಲ್ಲ ಎಂದು. ಆದರೂ ಸುಳ್ಳು ಭರವಸೆ ನೀಡುತ್ತಾರೆ. ಜನರಿಗೂ ಅವರ ಬಗ್ಗೆ ಗೊತ್ತಾಗಿದೆ.

• ಬಿಜೆಪಿ ಸರ್ಕಾರ ಮತ್ತು ಸಿಎಂ ಮೇಲೆ ಶೇ.40 ಕಮಿಷನ್ ಆರೋಪ ಮಾಡಲಾಗುತ್ತಿದೆ. ಜನರ ದೃಷ್ಟಿಯಲ್ಲಿ ಅದು ಚುನಾವಣೆ ವಿಷಯ ಎನ್ನಿಸುತ್ತಾ?

ನೋಡಿ, ಯಾವುದೇ ಆರೋಪಕ್ಕೆ ಖಚಿತ ದಾಖಲೆಗಳು ಇದ್ದರೆ ಪಕ್ಷದ ಮೇಲೆ ದುಷ್ಪರಿಣಾಮ ಬೀರುತ್ತದೆ. ಉದಾಹರಣೆಗೆ 2ಜಿ, ಅದಕ್ಕೆ ಖಚಿತ ದಾಖಲೆಗಳಿದ್ದವು. ಬೊಫೋರ್ಸ್ ಹಾಗೂ ನೆಹರು ಕಾಲದಲ್ಲಿ ಜಿಕ್ಕೋ ಹಗರಣಕ್ಕೆ ದಾಖಲೆಗಳು ಇದ್ದವು. ಶೇ.40 ಕಮಿಷನ್ ಆರೋಪದ ಯಾವುದೇ ಪ್ರಕರಣ ಯಾವುದೇ ಕೋರ್ಟ್​ನಲ್ಲೂ ಬಾಕಿ ಇಲ್ಲ.

• ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಲಿಂಗಾಯತ ಸಿಎಂ ಭ್ರಷ್ಟರು ಎಂದು ಹೇಳಿದ್ದರು. ಮತದಾರರ ಮೇಲೆ ಇದು ಪರಿಣಾಮ ಬೀರುತ್ತಾ?

ಲಿಂಗಾಯತರಿಗೆ ಸಹಜವಾಗಿ ಇಂಥ ಹೇಳಿಕೆ ಸರಿ ಅನ್ನಿಸುವುದಿಲ್ಲ. ಸಿದ್ದರಾಮಯ್ಯ ಅಂದಾಕ್ಷಣ ಜನ ನಂಬುತ್ತಾರೆ ಎಂದು ನನಗೆ ಅನಿಸುವುದಿಲ್ಲ. ಏಕೆಂದರೆ ಭ್ರಷ್ಟಾಚಾರ ವಿಚಾರದಲ್ಲಿ ಅವರ ನಿರ್ಧಾರಗಳು ಶೋಚನೀಯವಾಗಿವೆ.

• ಮೋದಿ ವಿಷಸರ್ಪವಿದ್ದಂತೆ ಎಂದು ಮಲ್ಲಿಕಾರ್ಜುನ ಖರ್ಗೆ ಹೇಳಿದ್ದರು. ಜನ ಅದನ್ನ ಗಂಭೀರವಾಗಿ ಗಮನಿಸುತ್ತಾರೆ ಎನಿಸುತ್ತದೆಯೇ?

ಖರ್ಗೆಯವರನ್ನು ಬಿಡಿ. ಮೊದಲು ಸೋನಿಯಾ ಗಾಂಧಿ ಕೀಳಾಗಿ ಮಾತನಾಡಿದರು. ಬಳಿಕ ಪ್ರಿಯಾಂಕಾ, ರಾಹುಲ್ ಗಾಂಧಿ ನಿಂದಿಸಿದರು. ಆದರೆ ಕಾಂಗ್ರೆಸ್ ನಾಯಕರು ನಿಂದನೆ ಮಾಡಿದಾಗೆಲ್ಲ ಮೋದಿ ಮತ್ತಷ್ಟು ಪ್ರಬಲರಾಗಿ ಹೊರಹೊಮ್ಮಿದ್ದಾರೆ. ಕರ್ನಾಟಕದ ಜನತೆ ಮತದಾನದ ಮೂಲಕ ಅದಕ್ಕೆಲ್ಲ ಉತ್ತರ ನೀಡುತ್ತಾರೆ.

• ಜಗದೀಶ ಶೆಟ್ಟರ್ ಮತ್ತು ಲಕ್ಷ್ಮಣ ಸವದಿ ಪಕ್ಷ ತೊರೆದಿರುವುದಕ್ಕೆ ನಿಮಗೆ ಖೇದವಿದೆಯಾ ಅಥವಾ ಅವರು ಕಾಂಗ್ರೆಸ್ ಸೇರ್ಪಡೆ ಆಗಿದ್ದಕ್ಕೆ ಆಕ್ರೋಶವಿದೆಯಾ?

ನನಗೆ ಆಕ್ರೋಶವೇನಿಲ್ಲ. ರಾಜ್ಯದ ಜನ ತೀರ್ಮಾನ ಮಾಡಬೇಕಿದೆ. ಆ ಎರಡೂ ಕ್ಷೇತ್ರಗಳನ್ನು ಬಿಜೆಪಿ ಗೆಲ್ಲುವ ವಿಶ್ವಾಸವಿದೆ. ಶೆಟ್ಟರ್ ಗೆದ್ದಿದ್ದಕ್ಕಿಂತಲೂ ಹೆಚ್ಚು ಮತಗಳ ಅಂತರದಿಂದ ನಮ್ಮ ಅಭ್ಯರ್ಥಿ ಗೆಲುವು ಸಾಧಿಸಲಿದ್ದಾರೆ. ಚುನಾವಣೆಯಲ್ಲಿ ಸೋತಿದ್ದ ಸವದಿ ಅವರನ್ನು ಎಂಎಲ್​ಸಿಯಾಗಿಸಿ ಉಪಮುಖ್ಯಮಂತ್ರಿ ಮಾಡಿದ್ದೆವು. ಇದನ್ನೆಲ್ಲ ನೋಡಿ ಜನ ವೋಟ್ ಹಾಕುತ್ತಾರೆ.

• ಲಿಂಗಾಯತರ ಓಲೈಕೆಗೆ ಕಾಂಗ್ರೆಸ್ ಬಿಜೆಪಿ ವಿರುದ್ಧ ಒಂದಿಲ್ಲೊಂದು ಅಸ್ತ್ರ ಬಳಸುತ್ತಲೇ ಇರುತ್ತದೆ. ಅದನ್ನೆಲ್ಲ ಲಿಂಗಾಯತ ಸಮುದಾಯ ಒಪ್ಪಿಕೊಳ್ಳಬಹುದು ಅನಿಸಿದೆಯೇ?

ಲಿಂಗಾಯತರು ಭ್ರಷ್ಟರು ಅಂತ ಬಹುಶಃ ಇದೇ ಕಾರಣಕ್ಕೆ ಸಿದ್ದರಾಮಯ್ಯ ಹೇಳಿರಬಹುದು.

• ಕೇಂದ್ರ ಸರ್ಕಾರ ಪಿಎಫ್​ಐ ಬ್ಯಾನ್ ಮಾಡಿದೆ. ಬಿಜೆಪಿ ಮುಸ್ಲಿಂವಿರೋಧಿ ಅಂತ ಕಾಂಗ್ರೆಸ್ ಹೇಳುತ್ತಿದೆ....

ನಮ್ಮ ಸರ್ಕಾರ 2014ರಿಂದಲೂ ಆಡಳಿತ ನಡೆಸುತ್ತಿದೆ. ಪಿಎಫ್​ಐ ದೇಶವಿರೋಧಿ ಕೃತ್ಯಗಳಲ್ಲಿ ತೊಡಗಿರುವ ಬಗ್ಗೆ ದಾಖಲೆಗಳು ಸಿಕ್ಕ ಬಳಿಕವೇ ಬ್ಯಾನ್ ಮಾಡಿದ್ದೇವೆ. ಕೋರ್ಟ್ ಕೂಡ ನಿಷೇಧವನ್ನು ಎತ್ತಿಹಿಡಿದಿದೆ.

•  ರಾಹುಲ್ ಗಾಂಧಿ ಭಾರತ ಜೋಡೋ ಯಾತ್ರೆ ಕರ್ನಾಟಕದಲ್ಲೂ ಸಂಚರಿಸಿತ್ತು. ಅದರ ಪರಿಣಾಮ ಚುನಾವಣೆ ಮೇಲೆ ಆಗುತ್ತಾ?

ಭಾರತ್ ಜೋಡೋ ಯಾತ್ರೆ ಬಳಿಕ, ಕಾಂಗ್ರೆಸ್​ನ ತವರು ಎಂದು ಪರಿಗಣಿಸುವ ಈಶಾನ್ಯದ ತ್ರಿಪುರಾ, ನಾಗಾಲ್ಯಾಂಡ್ ಮತ್ತು ಮಣಿಪುರ ಮೂರೂ ರಾಜ್ಯಗಳಲ್ಲಿ ಅವರು ಸೋಲನುಭವಿಸಿದರು. ಈಗಂತೂ ಯಾತ್ರೆ ಮುಗಿದು ಬಹಳ ಸಮಯವಾಗಿದೆ.

• ಬಾರಿ ಕರ್ನಾಟಕದಲ್ಲಿ ಗೆದ್ದೇ ಗೆಲ್ಲಲು ಸೋನಿಯಾ ಗಾಂಧಿ, ರಾಹುಲ್, ಪ್ರಿಯಾಂಕಾ ಸೇರಿ ಎಲ್ಲರೂ ಪ್ರಚಾರದಲ್ಲಿ ಹೆಚ್ಚು ತೊಡಗಿಸಿಕೊಂಡಿದ್ದಾರೆ....

ಎಲ್ಲರೂ ಪ್ರಚಾರದಲ್ಲಿ ತೊಡಗಿದರೆ ಒಳ್ಳೆಯದೇ ಅಲ್ವಾ. (ವ್ಯಂಗ್ಯವಾಗಿ)

• ನೀವು ಬೆಳಗಾವಿಯನ್ನು ಹೆಚ್ಚು ಗುರಿಯಾಗಿಸಿ ಪ್ರಚಾರ ಮಾಡಿದ್ದೀರಿ. ಅಲ್ಲಿ 18 ಕ್ಷೇತ್ರಗಳಿವೆ. ಎಷ್ಟು ಸ್ಥಾನ ಗೆಲ್ಲುವ ಭರವಸೆಯಿದೆ?

ಕಳೆದ ಚುನಾವಣೆಯಲ್ಲಿ ನಮಗೆ 18ರಲ್ಲಿ 11 ಸ್ಥಾನ ಸಿಕ್ಕಿದ್ದವು. ಎಲ್ಲ 18 ಸ್ಥಾನಗಳನ್ನೂ ಗೆಲ್ಲುವುದು ನಮ್ಮ ಪ್ರಯತ್ನ ಆಗಿರುತ್ತದೆ. ಕನಿಷ್ಟ 16 ಸ್ಥಾನ ಗೆಲ್ಲುತ್ತೇವೆ.

• ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದಲ್ಲಿ ತುಂಬಾ ಜೋರಾಗಿ ಪ್ರಚಾರ ಮಾಡುತ್ತಿದ್ದಾರೆ. ಇದರಿಂದಾಗಿ ಬಿಜೆಪಿಗೆ ಎಷ್ಟು ಪ್ರಮಾಣದಲ್ಲಿ ಸೀಟುಗಳು ಪ್ಲಸ್ ಆಗಲಿದೆ?

ಬಿಜೆಪಿಗೆ ಭಾರಿ ಅನುಕೂಲ ಆಗಲಿದೆ. ದೊಡ್ಡಮಟ್ಟದಲ್ಲಿ ಅಲೆ ಎದ್ದಿದೆ. ಮೋದಿಯವರಿಗೆ ಸಿಗುತ್ತಿರುವ ಜನ ಬೆಂಬಲ ನಿರ್ಣಾಯಕ ಸ್ವರೂಪ ಪಡೆದು, ಗೆಲುವಾಗಿ ಪರಿವರ್ತನೆ ಆಗಲಿದೆ.

ಉಚಿತ ಕೊಡುಗೆ ಭರವಸೆ ಜನ ನಂಬಲ್ಲ

• ಕಾಂಗ್ರೆಸ್​ನ ಉಚಿತ ಕೊಡುಗೆಗಳ ಭರವಸೆಗೆ ಮೋದಿಯವರ ಚರಿಷ್ಮಾ ಮತ್ತು ಅಭಿವೃದ್ಧಿ ಮಂತ್ರ ಟಕ್ಕರ್ ನೀಡಲಿದೆಯೇ?

ಈ ಎರಡೂ ವಿಚಾರಗಳನ್ನು ಮಿಶ್ರಣ ಮಾಡುವುದು ಬೇಡ. ಕಾಂಗ್ರೆಸ್ ಹಿಮಾಚಲ ಪ್ರದೇಶ, ಹರಿಯಾಣ, ಉತ್ತರಾಖಂಡ, ತ್ರಿಪುರಾ, ಮಣಿಪುರ ಮತ್ತು ಅಸ್ಸಾಂನಲ್ಲೂ ಉಚಿತ ಕೊಡುಗೆ ಭರವಸೆ ನೀಡಿತ್ತು. ಅಲ್ಲೆಲ್ಲಾ ಸೋಲುಂಡಿದೆ. ಕಾಂಗ್ರೆಸ್ ಭರವಸೆಗಳ ಮೇಲೆ ಜನರಿಗೆ ನಂಬಿಕೆ ಉಳಿದಿಲ್ಲ. ಏಕೆಂದರೆ ಬಜೆಟ್ ಮೇಲೆ ಶೇ.70ರಷ್ಟು ಉಚಿತ ಘೋಷಣೆಗಳ ಹೊರೆಯಾಗುತ್ತದೆ. ಅದಕ್ಕೆ ದುಡ್ಡು ಎಲ್ಲಿಂದ ತರಲು ಸಾಧ್ಯ ಎಂಬುದು ಜನರಿಗೆ ಅರ್ಥ ಆಗಲಿದೆ.

• ಕಾಂಗ್ರೆಸ್ ಪ್ರಣಾಳಿಕೆಯಲ್ಲಿ ಬಜರಂಗದಳ ಬ್ಯಾನ್ ಮತ್ತು ಎನ್​ಇಪಿ ರದ್ದು ಮಾಡುವುದಾಗಿ ಹೇಳಿದ್ದಾರೆ. ಏನಂತೀರಿ?

ಯಾವುದೇ ರಾಜ್ಯ ಸರ್ಕಾರ ರಾಷ್ಟ್ರೀಯ ನೀತಿಯನ್ನು ಹೇಗೆ ರದ್ದು ಮಾಡುತ್ತದೆ? ನನಗಂತೂ ತಿಳಿದಿಲ್ಲ. ನಿಮ್ಮ ಹೇಳಿಕೆಯ ತಾತ್ಪರ್ಯ ಏನು ಎಂದು ಚುನಾವಣೆ ಬಳಿಕ ನಾನು ಅವರಿಗೆ ಕೇಳುತ್ತೇನೆ. ಕೇವಲ ವೋಟ್ ಬ್ಯಾಂಕ್ ದೃಷ್ಟಿಯಿಂದ ಇಂಥ ಭರವಸೆ ನೀಡಲಾಗುತ್ತದೆ. ಇನ್ನು ಅವರು ಬಜರಂಗಬಲಿಗೆ ಅವಮಾನ ಮಾಡಿದ್ದಾರೆ. ಕರ್ನಾಟಕ ಹನುಮಂತನ ಜನ್ಮಭೂಮಿ. ಕರ್ನಾಟಕದ ಜನ ಆಂಜನೇಯನ ಅವಮಾನ ಸಹಿಸುವುದಿಲ್ಲ.

https://www.vijayavani.net/special-article-about-world-laughter-day-2023

https://www.vijayavani.net/big-reduction-in-electric-two-wheelers-here-is-the-reason