ಹೆಲ್ತಿ & ಟೇಸ್ಟಿ ಬೀಟ್ರೂಟ್ ಟಿಕ್ಕಿ ಮಾಡುವುದೇಗೆ?; ಇಲ್ಲಿದೆ ಸಿಂಪಲ್​ ವಿಧಾನ | Recipe

ಕೆಂಪು ಬಣ್ಣದ ಬೀಟ್ರೂಟ್ ಆರೋಗ್ಯಕ್ಕೆ ಹಲವು ವಿಧಗಳಲ್ಲಿ ಪ್ರಯೋಜನಕಾರಿಯಾಗಿದೆ. ದೇಹದಲ್ಲಿ ಹಿಮೋಗ್ಲೋಬಿನ್ ಮಟ್ಟವನ್ನು ಹೆಚ್ಚಿಸುವುದರ ಜತೆಗೆ ಜೀವಸತ್ವಗಳು ಮತ್ತು ಖನಿಜಾಂಶಗಳ ಉತ್ತಮ ಮೂಲವೆಂದು ಪರಿಗಣಿಸಲಾಗಿದೆ.(Recipe)

ಇದನ್ನು ಓದಿ: ಮನೆಯಲ್ಲೇ ಮಾಡಿ ಟೇಸ್ಟಿ ಚಿಲ್ಲಿ ಚೀಸ್​​ ನೂಡಲ್ಸ್​​; ಇಲ್ಲಿದೆ ಸಿಂಪಲ್​ ವಿಧಾನ | Recipe

ಬೀಟ್ರೂಟ್ ಆರೋಗ್ಯಕ್ಕೆ ಎಷ್ಟೇ ಪ್ರಯೋಜನಕಾರಿಯಾಗಿದ್ದರೂ ಎಲ್ಲರಿಗೂ ಅದರ ರುಚಿ ಇಷ್ಟವಾಗುವುದಿಲ್ಲ. ಈ ಕಾರಣದಿಂದಾಗಿ ಹೆಚ್ಚಿನ ಜನರು ಬೀಟ್ರೂಟ್​​ನಿಂದ ಅಂತರ ಕಾಯ್ದುಕೊಳ್ಳುತ್ತಾರೆ. ಆದರೆ ಬಾಲಿವುಡ್​ ಕಿಲಾಡಿ ನಟ ಅಕ್ಷಯ್ ಕುಮಾರ್ ಅವರಿಗೆ ಬೀಟ್ರೂಟ್ ಟಿಕ್ಕಿ ಎಂದರೆ ತುಂಬಾ ಇಷ್ಟವಂಥೆ, ಇದನ್ನು ಸ್ವತಃ ಅಕ್ಷಯ್​ ಅವರೇ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.

ಹಾಗಾದ್ರೆ ಬೀಟ್ರೂಟ್ ಟಿಕ್ಕಿ ಮಾಡುವುದೇಗೆ ಎಂದು ಆಲೋಚಿಸುತ್ತಿದ್ದೀರಾ.. ಕೆಲವರು ಬೀಟ್ರೂಟ್ ಟಿಕ್ಕಿ ಮಾಡಬಹುದೇ ಎಂದು ಆಶ್ಚರ್ಯ ಪಡುತ್ತಿರಬಹುದು. ಇದು ಆರೋಗ್ಯಕರ ಮತ್ತು ರುಚಿಕರವಾದ ತಿಂಡಿಯಾಗಿದ್ದು, ಇದನ್ನು ಆಲೂಗಡ್ಡೆ, ಹುರಿದ ಕಡಲೆಕಾಯಿ ಮತ್ತು ಕೆಲವು ಮಸಾಲೆಗಳನ್ನು ಬೆರೆಸಿ ತಯಾರಿಸಲಾಗುತ್ತದೆ. ಮಾಡುವ ವಿಧಾನವನ್ನು ಇಲ್ಲಿ ತಿಳಿಸಲಾಗಿದೆ.

ಬೀಟ್ರೂಟ್ ಟಿಕ್ಕಿ ಮಾಡಲು ಬೇಕಾಗುವ ಪದಾರ್ಥಗಳು

• 3 ಬೀಟ್ರೂಟ್ ಮತ್ತು 2 ಆಲೂಗಡ್ಡೆ
• 1 ಸಣ್ಣಗೆ ಹೆಚ್ಚಿದ ಈರುಳ್ಳಿ
• 2 ಟೇಬಲ್ ಸ್ಪೂನ್ ಕಡಲೆ ಹಿಟ್ಟು
• ಹುರಿದ ಕಡಲೆಕಾಯಿ
• 1 ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್
• 1.5 ಟೀಸ್ಪೂನ್ ಚಿಲ್ಲಿ ಪೌಡರ್​
• ½ ಟೀಸ್ಪೂನ್ ಜೀರಿಗೆ ಪುಡಿ
• ½ ಟೀಸ್ಪೂನ್ ಚಾಟ್ ಮಸಾಲ
• 1 ಟೀಸ್ಪೂನ್ ಧನಿಯಾ ಪುಡಿ
• ½ ಟೀಸ್ಪೂನ್ ಗರಂ ಮಸಾಲ ಪುಡಿ
• ½ ಟೀಸ್ಪೂನ್ ಒಣಗಿದ ಮಾವಿನ ಪುಡಿ
• ಅಗತ್ಯಕ್ಕೆ ತಕ್ಕಷ್ಟು ಉಪ್ಪು
• ¼ ಕಪ್ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
• 2 ಟೇಬಲ್ ಸ್ಪೂನ್ ರವೆ
• 3 ರಿಂದ 4 ಟೇಬಲ್ ಸ್ಪೂನ್ ಅಡುಗೆ ಎಣ್ಣೆ

ಬೀಟ್ರೂಟ್ ಟಿಕ್ಕಿ ಮಾಡುವ ವಿಧಾನ

ಮೊದಲನೆಯದಾಗಿ ನೀವು ಬೀಟ್ರೂಟ್ ಮತ್ತು ಆಲೂಗಡ್ಡೆಯನ್ನು ಪ್ರೆಶರ್ ಕುಕ್ಕರ್‌ನಲ್ಲಿ 2 ಸೀಟಿ ಬರುವವರೆಗೆ ಬೇಯಿಸಬೇಕು. ಬಳಿಕ ಎರಡರ ಸಿಪ್ಪೆ ತೆಗೆದು ನಂತರ ತುರಿಯಬೇಕು. ತುರಿದ ಬೀಟ್ರೂಟ್ ಮತ್ತು ಆಲೂಗಡ್ಡೆಗೆ ಈರುಳ್ಳಿ ಮತ್ತು ಹಸಿರು ಕೊತ್ತಂಬರಿ ಸೊಪ್ಪನ್ನು ಮಿಶ್ರಣ ಮಾಡಿ. ಮತ್ತೊಂದೆಡೆ ಕಡಲೆ ಹಿಟ್ಟನ್ನು ಸಣ್ಣ ಬಾಣಲೆಯಲ್ಲಿ ಹುರಿಯಿರಿ.

ಬೀಟ್ರೂಟ್ ಮಿಶ್ರಣಕ್ಕೆ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಮತ್ತು ಪದಾರ್ಥಗಳಲ್ಲಿ ಉಲ್ಲೇಖಿಸಲಾದ ಎಲ್ಲಾ ಮಸಾಲೆಗಳನ್ನು ಉಪ್ಪು ಮತ್ತು ಕಡಲೆಕಾಯಿಗಳೊಂದಿಗೆ ಸೇರಿಸಿ. ಈಗ ಮಿಶ್ರಣವನ್ನು ಸಮಾನ ಗಾತ್ರದ ಉಂಡೆಗಳಾಗಿ ವಿಂಗಡಿಸಿ ಮತ್ತು ನಿಮಗೆ ಬೇಕಾದ ಗಾತ್ರದ ಕಟ್ಲೆಟ್‌ಗಳನ್ನು ತಯಾರಿಸಿ. ಕಟ್ಲೆಟ್‌ಗಳನ್ನು ಮಾಡಿದ ನಂತರ ಅವುಗಳನ್ನು ರವೆಯಲ್ಲಿ ಒತ್ತಿ ಮತ್ತು ಎರಡೂ ಬದಿಗಳಿಂದ ಚೆನ್ನಾಗಿ ಸುತ್ತಿಕೊಳ್ಳಿ.

ಟಿಕ್ಕಿಗಳನ್ನು ಬೇಯಿಸಲುಪ್ಯಾನ್ ಅನ್ನು ಬಿಸಿ ಮಾಡಿ ಕೆಲವು ಹನಿ ಎಣ್ಣೆಯನ್ನು ಹಾಕಿ. ಈಗ ಕಟ್ಲೆಟ್‌ಗಳನ್ನು 2-3 ತುಂಡುಗಳಾಗಿ ಬಿಸಿ ಪ್ಯಾನ್‌ನಲ್ಲಿ ಇರಿಸಿ ಮತ್ತು ಎರಡೂ ಬದಿಗಳು ಚಿನ್ನದ ಬಣ್ಣಕ್ಕೆ ತಿರುಗುವವರೆಗೆ ಕಡಿಮೆ ಉರಿಯಲ್ಲಿ ಬೇಯಿಸಿ. ಬೇಯಿಸಿದ ಕಟ್ಲೆಟ್‌ಗಳನ್ನು ಪ್ಯಾನ್‌ನ ಬದಿಗಳಿಗೆ ಒತ್ತಿ, ಅಂಚುಗಳು ಗರಿಗರಿಯಾಗುವವರೆಗೆ ಕೆಲವು ನಿಮಿಷಗಳ ಕಾಲ ಬೇಯಲು ಬಿಡಿ. ನಂತರ ಚಟ್ನಿಯೊಂದಿಗೆ ಬಡಿಸಿ.

https://www.vijayavani.net/recipe-here-is-the-easy-recipe-to-make-carrot-barfi-at-home