Tomato Rasam | ರೆಸ್ಟೋರೆಂಟ್​ ಶೈಲಿಯ ಟೇಸ್ಟಿ ರಸಂ ಮಾಡುವ ಸಿಂಪಲ್​​ ರೆಸಿಪಿ ಇಲ್ಲಿದೆ

ಪ್ರತಿದಿನ ಮನೆಯಲ್ಲಿ ರುಚಿಕರ ಆಹಾರ ಸೇವಿಸಿವುದೇ ಒಂದು ರೀತಿಯ ಮಜಾ. ಪಲ್ಯ, ಸಾಂಬಾರ್​, ರಸಂ, ಅನ್ನ, ಸಂಡಿಗೆಯು ಮೃಷ್ಟಾನ್ನ ಭೋಜನ. ವೆರೈಟಿ ಸಾಂಬಾರ್​ ಮತ್ತು ರಸಂ ಮಾಡುವುದೆಂದರೆ ಹೆಂಗಳೆಯರಿಗೆ ಆಸಕ್ತಿ ಜಾಸ್ತಿ. ಅವರಿಗಾಗಿ ಇಲ್ಲಿ ರೆಸ್ಟೋರೆಂಟ್ ಶೈಲಿಯ ಟೊಮೆಟೊ ರಸಂ(Tomato Rasam) ಮಾಡುವ ಸುಲಭ ವಿಧಾನವನ್ನು ಇಲ್ಲಿ ತಿಳಿಸಲಾಗಿದೆ. ಥಟ್​​ ಅಂತಾ ಹತ್ತೇ ನಿಮಿಷದಲ್ಲಿ ಮಾಡಬಹುದಾದ ರೆಸಿಪಿ ಇದಾಗಿದೆ.

ಇದನ್ನು ಓದಿ: ಗೋಲ್ಡನ್ ಮಿಲ್ಕ್' ಮಾಡುವ ಸರಿಯಾದ ವಿಧಾನ ಇಲ್ಲಿದೆ; ಉತ್ತಮ ಆರೋಗ್ಯಕ್ಕಾಗಿ ಈ Recipe

ಬೇಕಾಗುವ ಪದಾರ್ಥಗಳು

• ಅಡುಗೆ ಎಣ್ಣೆ - ಅರ್ಧ ಬೌಲ್
• ಟೊಮೆಟೊ - 2
• ಜೀರಿಗೆ - 1 ಚಮಚ
• ಬೆಳ್ಳುಳ್ಳಿ - 4 ಎಸಳು
• ಕರಿಬೇವು
• ಇಂಗು - ಒಂದು ಚಿಟಿಕೆ
• ಕಾಳು ಮೆಣಸು
• ಧನಿಯಾಪುಡಿ - 1 ಚಮಚ
• ಹುಣಸೆಹಣ್ಣು - ಸ್ವಲ್ಪ
• ಕೆಂಪುಮೆಣಸಿನಕಾಯಿ - 4
• ತುರಿದ ತೆಂಗಿನಕಾಯಿ-ಅರ್ಧ ಬೌಲ್
• ಕೊತ್ತಂಬರಿ - ಸ್ವಲ್ಪ
• ಉಪ್ಪು - ರುಚಿಗೆ ತಕ್ಕಷ್ಟು

ಟೊಮೊಟೋ ರಸಂ ಮಾಡುವ ವಿಧಾನ

ಮೊದಲು ಟೊಮೆಟೊ, ಜೀರಿಗೆ, ಮೆಣಸು, ಧನಿಯಾಪುಡಿ, ಹುಣಸೆಹಣ್ಣು ಮತ್ತು ಕೆಂಪುಮೆಣಸಿಕಾಯಿ ಹಾಕಿ ರುಬ್ಬಿಕೊಳ್ಳಿ. ಒಂದು ಬಾಣಲಿಯಲ್ಲಿ ಎಣ್ಣೆ ಹಾಕಿ ಕಾದ ಬಳಿಕ ಹಚ್ಚಿದ ಟೊಮೊಟೊವನ್ನು ಸೇರಿಸಿ. ಬಳಿಕ ಜೀರಿಗೆ, ಬೆಳ್ಳುಳ್ಳಿ, ಕರಿಬೇವು, ಇಂಗು ಸೇರಿಸಿ ಫ್ರೈ ಮಾಡಿ. ನಂತರ ರುಬ್ಬಿರುವ ಮಸಾಲೆ ಮಿಶ್ರಣವನ್ನು ಸೇರಿಸಿ ನೀರು ಹಾಕಿ 2 ನಿಮಿಷ ಬೇಯಿಸಿ. ನಂತರ ತುರಿದ ತೆಂಗಿನಕಾಯಿ ಮತ್ತು ಕೊತ್ತಂಬರಿ ಸೊಪ್ಪನ್ನು ಹಾಕಿ. ಈಗ ಸವಿಯಲು ರುಚಿಕರ ಟೊಮೊಟೊ ರಸಂ ಸಿದ್ಧ.

https://www.vijayavani.net/bharfi-recipe-here-is-the-simple-bharfi-recipe