ನನ್ನಷ್ಟು ಚೆನ್ನಾಗಿ ಬೇರೆ ಯಾರಿಗೆ... RCB ವಿರುದ್ಧ ಜಯ ದಾಖಲಿಸಿದ ಬೆನ್ನಲ್ಲೇ ರಾಹುಲ್ ಹೇಳಿಕೆ ವೈರಲ್​! KL Rahul​

KL Rahul : ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಪ್ರಸಕ್ತ ಐಪಿಎಲ್​ ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶನ ನೀಡುತ್ತಿದೆ. ಸತತ ನಾಲ್ಕನೇ ಪಂದ್ಯವನ್ನು ಗೆದ್ದಿದೆ. ಗುರುವಾರ (ಏಪ್ರಿಲ್​ 10) ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ನಡೆದ ಪಂದ್ಯದಲ್ಲಿ ಡೆಲ್ಲಿ 6 ವಿಕೆಟ್‌ಗಳಿಂದ ಜಯ ಸಾಧಿಸಿತು. ಈ ಗೆಲುವಿನೊಂದಿಗೆ ಡೆಲ್ಲಿ ಐಪಿಎಲ್​ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ಜಿಗಿದಿದೆ.

ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಆರ್‌ಸಿಬಿ ನಿಗದಿತ 20 ಓವರ್‌ಗಳಲ್ಲಿ 7 ವಿಕೆಟ್‌ಗಳ ನಷ್ಟಕ್ಕೆ 163 ರನ್ ಗಳಿಸಿತು. ಬೆಂಗಳೂರು ಪರ ಫಿಲ್​ ಸಾಲ್ಟ್​ (37 ರನ್​ 17 ಎಸೆತ 4 ಬೌಂಡರಿ, 3 ಸಿಕ್ಸರ್) ಮತ್ತು ಟಿಮ್ ಡೇವಿಡ್ (ಅಜೇಯ 37 ರನ್​ 20 ಎಸೆತ, 2 ಬೌಂಡರಿ, 4 ಸಿಕ್ಸರ್) ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದರು. ವಿರಾಟ್ ಕೊಹ್ಲಿ (22) ಮತ್ತು ರಜತ್ ಪಾಟಿದಾರ್ (25) ಸಾಧಾರಣ ಪ್ರದರ್ಶನ ನೀಡಿದರು. ಪಡಿಕ್ಕಲ್ (1), ಲಿಯಾಮ್ ಲಿವಿಂಗ್‌ಸ್ಟೋನ್ (4), ಮತ್ತು ಜಿತೇಶ್ ಶರ್ಮಾ (3) ವಿಫಲರಾದರು. ದೆಹಲಿ ಬೌಲರ್‌ಗಳ ಪರ ವಿಪ್ರಜ್ ನಿಗಮ್ ಮತ್ತು ಕುಲದೀಪ್ ಯಾದವ್ ತಲಾ ಎರಡು ವಿಕೆಟ್ ಪಡೆದರು. ಮುಖೇಶ್ ಕುಮಾರ್ ಮತ್ತು ಮೋಹಿತ್ ಶರ್ಮಾ ತಲಾ ಒಂದು ವಿಕೆಟ್ ಪಡೆದರು.

ಆರ್​ಸಿಬಿ ನೀಡಿದ ಗುರಿ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್​, ಕೆಎಲ್ ರಾಹುಲ್ ( ಅಜೇಯ 93 ರನ್​, 53 ಎಸೆತ, 7 ಬೌಂಡರಿ, 6 ಸಿಕ್ಸರ್) ಸ್ಫೋಟಕ ಬ್ಯಾಟಿಂಗ್​ ಪ್ರದರ್ಶನದಿಂದಾಗಿ 17.5 ಓವರ್‌ಗಳಲ್ಲಿ 4 ವಿಕೆಟ್‌ಗಳ ನಷ್ಟಕ್ಕೆ ಗುರಿಯನ್ನು ತಲುಪಿತು. ರಾಹುಲ್ ಜೊತೆಗೆ, ಟ್ರಿಸ್ಟಾನ್ ಸ್ಟಬ್ಸ್ (ಅಜೇಯ 38 ರನ್​, 23 ಎಸೆತ 4 ಬೌಂಡರಿ, 1 ಸಿಕ್ಸರ್) ಕೂಡ ಉತ್ತಮ ಪ್ರದರ್ಶನ ನೀಡಿದರು. ಬೆಂಗಳೂರು ಬೌಲರ್‌ಗಳ ಪರ ಭುವನೇಶ್ವರ್ ಕುಮಾರ್ ಎರಡು ವಿಕೆಟ್ ಪಡೆದರು. ಯಶ್ ದಯಾಳ್ ಮತ್ತು ಸುಯಾಶ್ ಶರ್ಮಾ ತಲಾ ಒಂದು ವಿಕೆಟ್ ಪಡೆದರು.

ಇದನ್ನೂ ಓದಿ: ಬಿಗ್​ಬಾಸ್​ ಶೋ ಬದಲು ಮೆಂಟಲ್​ ಹಾಸ್ಪಿಟಲ್​ಗೆ ಹೋಗೋದೆ ಉತ್ತಮ ಎಂದ ಕುನಾಲ್ ಕಮ್ರಾ! Kunal Kamra

ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಕ್ಕಾಗಿ ರಾಹುಲ್‌ಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ನೀಡಲಾಯಿತ. ಬಳಿಕ ಮಾತನಾಡಿದ ಕೆ.ಎಲ್​. ರಾಹುಲ್​, ಬೆಂಗಳೂರು ನನ್ನ ತವರು ಮೈದಾನ. ಇಲ್ಲಿ ಹೇಗೆ ಆಡಬೇಕೆಂದು ನನ್ನಷ್ಟು ಚೆನ್ನಾಗಿ ಬೇರೆ ಯಾರಿಗೆ ಗೊತ್ತು ಎಂದರು. ವಿಕೆಟ್ ಕೀಪಿಂಗ್ ಮಾಡಿದ್ದರಿಂದ ಪಿಚ್ ಹೇಗೆ ಪ್ರತಿಕ್ರಿಯಿಸುತ್ತದೆ ಎಂಬುದನ್ನು ನೋಡಲು ನೆರವಾಯಿತು. ವಿಕೆಟ್ ಸ್ವಲ್ಪ ಸ್ಥಿರವಾಗಿದೆ ಎಂದು ನನಗೆ ಅನಿಸಿತು. ಆದರೆ, ಎಲ್ಲವೂ ಅಲ್ಲ. ಯಾವ ಬ್ಯಾಟರ್ ಯಾವ ಹೊಡೆತಗಳನ್ನು ಆಡಿದರು ಮತ್ತು ಔಟಾದರು ಎಂಬುದನ್ನು ನಾನು ಗಮನಿಸಿದೆ. ಇದು ಬ್ಯಾಟಿಂಗ್‌ನಲ್ಲಿ ತುಂಬಾ ಉಪಯುಕ್ತವಾಯಿತು ಎಂದರು.

ನನ್ನ ಸಾಮರ್ಥ್ಯಗಳೇನು ಮತ್ತು ನಾನು ಯಾವ ರೀತಿಯ ಹೊಡೆತಗಳನ್ನು ಹೊಡೆಯಬಲ್ಲೆ ಎಂಬುದರ ಬಗ್ಗೆ ನನಗೆ ಸ್ಪಷ್ಟ ಕಲ್ಪನೆ ಇದೆ. ಚೇಸಿಂಗ್‌ನಲ್ಲಿ ಆರಂಭದಲ್ಲಿ ನಾನು ಆಕ್ರಮಣಕಾರಿಯಾಗಿರಲು ಬಯಸಿದ್ದೆ. ಆ ಕ್ಯಾಚ್ ಅನ್ನು ನಾನು ತಪ್ಪಿಸಿಕೊಂಡಿದ್ದು ಅದೃಷ್ಟ. ಇದು ನನ್ನ ಮನೆ. ಇದು ನನ್ನ ಮೈದಾನ. ಇಲ್ಲಿ ಎಲ್ಲರಿಗಿಂತ ಚೆನ್ನಾಗಿ ಹೇಗೆ ಆಡಬೇಕೆಂದು ನನಗೆ ತಿಳಿದಿದೆ. ನಾನು ಇಲ್ಲಿ ಆಡುವುದನ್ನು ನಿಜವಾಗಿಯೂ ಆನಂದಿಸಿದೆ ಎಂದು ರಾಹುಲ್ ಹೇಳಿದರು.

ಕೆ.ಎಲ್. ರಾಹುಲ್ ಕರ್ನಾಟಕದವರು ಎಂದು ವಿಶೇಷವಾಗಿ ಹೇಳಬೇಕಾಗಿಲ್ಲ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ರಣಜಿ ಟ್ರೋಫಿಯಲ್ಲಿ ಅವರು ಕರ್ನಾಟಕ ಪರ ಹಲವು ಪಂದ್ಯಗಳನ್ನು ಆಡಿದ್ದಾರೆ. ಇದರರ್ಥ ಕೆ.ಎಲ್. ರಾಹುಲ್ ಚಿನ್ನಸ್ವಾಮಿ ಕ್ರೀಡಾಂಗಣದ ಪಿಚ್ ಮತ್ತು ಪರಿಸ್ಥಿತಿಗಳ ಬಗ್ಗೆ ಆರ್‌ಸಿಬಿ ಆಟಗಾರರಿಗಿಂತ ಉತ್ತಮ ತಿಳುವಳಿಕೆಯನ್ನು ಹೊಂದಿದ್ದಾರೆ. ಪಂದ್ಯದ ನಂತರ ರಾಹುಲ್ ಕೂಡ ಅದೇ ಮಾತನ್ನು ಹೇಳಿದರು. (ಏಜೆನ್ಸೀಸ್)

https://www.vijayavani.net/ncert-has-launched-poorvi-nep-class-7-textbook-includes-graphic-story-on-rani-abbakka

https://www.vijayavani.net/these-are-the-zodiac-signs-that-handle-challenging-situations-with-ease-is-your-zodiac-sign-one-of-them