2008ರಿಂದ ಇಲ್ಲಿಯವರೆಗೆ ಒಂದೇ ಒಂದು ಕಪ್​ ಗೆದ್ದಿಲ್ಲ; RCB ಟ್ರೋಫಿ ಗೆಲ್ಲದಿರಲು ಇದೇ ಕಾರಣ: ಮಾಜಿ ಕ್ರಿಕೆಟಿಗ ಮುಕ್ತ ಮಾತು

RCB: ನಾಳೆ (ಮಾ.28) ಐಪಿಎಲ್​ 18ನೇ ಆವೃತ್ತಿಯ ಅತ್ಯಂತ ಕುತೂಹಲಕಾರಿ, ರೋಚಕತೆಗೆ ಸಾಕ್ಷಿಯಾಗುವಂತ ಪಂದ್ಯ ಚೆನ್ನೈನ ಚೆಪಾಕ್​ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಐಪಿಎಲ್​ ಇತಿಹಾಸದಲ್ಲಿ ಬದ್ಧ ವೈರಿ ತಂಡಗಳು ಎಂದೇ ಗುರುತಿಸಿಕೊಂಡಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಐದು ಬಾರಿ ಚಾಂಪಿಯನ್ಸ್ ಆಗಿ ಮಿಂಚಿರುವ ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಮುಖಾಮುಖಿಯಾಗಿ ಸೆಣಸಲಿದೆ. ಇದು ಕ್ರಿಕೆಟ್ ಅಭಿಮಾನಿಗಳ ಕಾತರವನ್ನು ಮತ್ತಷ್ಟು ದುಪ್ಪಟ್ಟಾಗಿಸಿದೆ.

ಇದನ್ನೂ ಓದಿ: ವಿದ್ಯುತ್​​ ದರ ಹೆಚ್ಚಳ ಮಾಡಿದ ಸರ್ಕಾರ : ಹಾಲಿನ ಬೆಲೆ ಏರಿಕೆ ಬೆನ್ನಲ್ಲೇ ಇದೀಗ ಕರೆಂಟ್​ ಶಾಕ್​! | Electricity

ಬದ್ಧ ವೈರಿಗಳ ಕದನ

ಆರ್​ಸಿಬಿ ಮತ್ತು ಸಿಎಸ್​ಕೆ ನಡುವಿನ ಒಟ್ಟು 32 ಪಂದ್ಯಗಳ ಪೈಕಿ ಆರ್​ಸಿಬಿ 11 ಪಂದ್ಯಗಳನ್ನು ಮಾತ್ರ ಗೆದ್ದಿದೆ. ಅದರಲ್ಲೂ ಚೆಪಾಕ್ ಕ್ರೀಡಾಂಗಣದಲ್ಲಿ ಚೆನ್ನೈ ಪಡೆ ಎದುರು ಆರ್​ಸಿಬಿ ಗೆದ್ದಿರುವುದು ಕೇವಲ ಒಂದೇ ಒಂದು ಪಂದ್ಯ. ಅದು 2008ರಲ್ಲಿ ನಡೆದ ಲೀಗ್​ನಲ್ಲಿ ಎಂಬುದು ಇಲ್ಲಿ ಗಮನಾರ್ಹ. ಹೀಗಿರುವಾಗ ನಾಳಿನ ಪಂದ್ಯದಲ್ಲಿ ಎರಡನೇ ಬಾರಿ ಚೆನ್ನೈನಲ್ಲೇ ಸಿಎಸ್​ಕೆಯನ್ನು ಆರ್​ಸಿಬಿ ಸೋಲಿಸಲಿದೆಯಾ? ಅಂಥಾ ಪೈಪೋಟಿ ಕೊಡಲಿದೆಯಾ ಎಂಬ ಪ್ರಶ್ನೆಗಳು ಮೂಡಿವೆ.

ಕಪ್​ ಗೆಲ್ಲದಿರಲು ಇದೇ ಕಾರಣ!

2008ರಿಂದ ಇಲ್ಲಿಯವರೆಗೆ ಐಪಿಎಲ್​ ಇತಿಹಾಸದಲ್ಲಿ ಒಂದೇ ಒಂದು ಬಾರಿಯೂ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಟ್ರೋಫಿ ಎತ್ತಿಹಿಡಿದಿಲ್ಲ ಎಂಬುದು ಅತ್ಯಂತ ಬೇಸರದ ಸಂಗತಿ. ಇದಕ್ಕೆ ಕಾರಣವೇನು ಎನ್ನುವುದನ್ನು ಯಾರೂ ಅಷ್ಟಾಗಿ ಚರ್ಚಿಸಿಲ್ಲ. ಪ್ರತಿವರ್ಷ ಫ್ರಾಂಚೈಸಿಯಲ್ಲಿ ಹೊಸಬರು ಸೇರಿದಂತೆ ಆಲ್​ರೌಂಡ್​ ಆಟಗಾರರ ಬದಲಾವಣೆಗಳು ಆಗಿದ್ದೇ ಆದರೂ ಗೆಲುವು ಮಾತ್ರ ಆರ್​ಸಿಬಿಯಿಂದ ಬಹಳ ದೂರ ಸರಿದಿದೆ. ಈ ಕುರಿತಂತೆ ಟೀಮ್ ಇಂಡಿಯಾ ಮಾಜಿ ಹಿರಿಯ ಕ್ರಿಕೆಟಿಗ ನವಜೋತ್ ಸಿಂಗ್ ಸಿಧು ಮಾತನಾಡಿ, ಏಕೆ ಟ್ರೋಫಿ ಗೆದ್ದಿಲ್ಲ ಎಂಬುದನ್ನು ಕಾರಣ ಸಹಿತ ವಿವರಿಸಿದ್ದಾರೆ.

ಇದನ್ನೂ ಓದಿ: ಮಿಸ್​ ಯೂನಿವರ್ಸ್​ ಕರ್ನಾಟಕದಲ್ಲಿ ಲಲನೆಯರ ರಾಂಪ್​ ವಾಕ್​; ಮೇ.16ಕ್ಕೆ ಅಂತಿಮ ಸುತ್ತಿನ ಸ್ಪರ್ಧೆ

ವಿರಾಟ್​ ಕೊಹ್ಲಿ ಅವರ ರನ್​ವೊಂದೇ ತಂಡವನ್ನು ಗೆಲ್ಲಿಸಲು ಸಾಧ್ಯವಿಲ್ಲ. ರನ್​ಗಳ ಹೊಳೆಯನ್ನೇ ಹರಿಸುವ ಕೊಹ್ಲಿಗೆ ತಂಡ ಕೂಡ ಸಾಥ್​ ನೀಡಬೇಕು. ಅತ್ಯಧಿಕ ರನ್​ ಐಪಿಎಲ್​ ಟ್ರೋಫಿ ಗೆದ್ದುಕೊಡುವುದಿಲ್ಲ. ಪ್ರತಿ ವರ್ಷದ ಆವೃತ್ತಿಯಲ್ಲಿಯೂ ಕೊಹ್ಲಿ ಹೆಚ್ಚುವರಿ ರನ್​ಗಳನ್ನು ದಾಖಲಿಸುತ್ತಾರೆ. ದುರಾದೃಷ್ಟ ಒಂದೇ ಒಂದು ಕಪ್ ಕೂಡ​ ಅವರ ಫ್ರಾಂಚೈಸಿಯದ್ದಾಗಿಲ್ಲ. ಒಬ್ಬರ ಕೈಯಲ್ಲಿ ಟ್ರೋಫಿ ಗೆಲ್ಲಲು ಸಾಧ್ಯವಿಲ್ಲ. ಇಲ್ಲಿ ತಂಡದ ಕಾಂಬಿನೇಷನ್​ ಬಹಳ ಮುಖ್ಯ. ಪ್ರತಿಯೊಬ್ಬರು ಕೈಜೋಡಿಸಿದರೆ ಮಾತ್ರ ಕಪ್ ಗೆಲ್ಲಲು ಸಾಧ್ಯ ಎಂದರು,(ಏಜೆನ್ಸೀಸ್).

https://www.vijayavani.net/tv-actress-dead-body-was-in-car-for-2-days