ನಮಗದು ಚಿನ್ನಕ್ಕಿಂತಲೂ ಹೆಚ್ಚು; ಒಲಿಂಪಿಕ್ಸ್​ ಕುಸ್ತಿಯಲ್ಲಿ ಬೆಳ್ಳಿ ಗೆದ್ದ ರವಿಯ ಗ್ರಾಮಸ್ಥರು ಹೀಗಂದಿದ್ದೇಕೆ?

ಹರಿಯಾಣ: ಒಲಿಂಪಿಕ್ಸ್​​ನ ಕುಸ್ತಿ ವಿಭಾಗದಲ್ಲಿ ಭಾರತಕ್ಕೆ ಬೆಳ್ಳಿಯ ಪದಕವನ್ನು ಗೆದ್ದು ಹೆಮ್ಮೆ ತಂದಿರುವ ಕುಸ್ತಿಪಟು ರವಿಕುಮಾರ್ ದಾಹಿಯ ಬಗ್ಗೆ ಈಗ ಅವರ ಗ್ರಾಮಸ್ಥರು ಮಾತ್ರವಲ್ಲದೆ ದೇಶಾದ್ಯಂತ ಭರ್ಜರಿ ಮೆಚ್ಚುಗೆ ವ್ಯಕ್ತವಾಗಿದೆ. ಆದರೆ ಅವರ ಗ್ರಾಮಸ್ಥರು ರವಿಯ ಗೆಲುವನ್ನು ಅತ್ಯಂತ ವಿಶೇಷ ಎಂದು ವ್ಯಾಖ್ಯಾನಿಸಿದ್ದಾರೆ.

ನಾವು ಈ ಪಂದ್ಯವನ್ನು ನೋಡಿ ತುಂಬಾ ಸಂತೋಷ ಪಟ್ಟಿದ್ದೇವೆ. ರವಿ ಚಿನ್ನ ಗೆದ್ದಿಲ್ಲ ಎಂಬ ಬೇಸರ ನಮಗಿಲ್ಲ. ಯಾವುದೇ ಸಂಪನ್ಮೂಲ ಇಲ್ಲದೆ ಅವರು ಬೆಳ್ಳಿ ಪದಕ ಗೆದ್ದಿದ್ದಾರೆ. ಹೀಗಾಗಿ ನಮಗೆ ಅದು ಚಿನ್ನಕ್ಕಿಂತಲೂ ಹೆಚ್ಚು. ಈ ಗೆಲುವನ್ನು ಸಾಧಿಸಿರುವ ಅವರನ್ನು ನಾವು ಅದ್ಧೂರಿಯಾಗಿ ಸ್ವಾಗತಿಸುತ್ತೇವೆ ಎಂದು ಹರಿಯಾಣದಲ್ಲಿರುವ ಅವರ ಗ್ರಾಮಸ್ಥರು ವಿಶೇಷವಾದ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದಾರೆ.

ಒಲಿಂಪಿಕ್ಸ್​ ಕುಸ್ತಿ ಸೆಮಿಫೈನಲ್​​ನಲ್ಲಿ ಕಜಕಸ್ತಾನಿನ ನುರಿಸ್ಲಮ್​ ಸನಯೆವ್​ ಸೋಲಿಸಿ, ಫೈನಲ್​ ತಲುಪಿದ್ದ ರವಿಕುಮಾರ್ ದಾಹಿಯ ಫೈನಲ್​ನಲ್ಲಿ ರಷ್ಯಾ ಎದುರಾಳಿ ಜೌರ್​​ ಉಗ್ಯೂವ್​ ಎದುರು ಸೋಲಿಗೀಡಾಗಿ ಚಿನ್ನದ ಪದಕದಿಂದ ವಂಚಿತರಾದರು. ಅದಾಗ್ಯೂ ಅವರು ಬೆಳ್ಳಿ ಪದಕದ ಮೂಲಕ ಭಾರತಕ್ಕೆ ಹೆಮ್ಮೆ ತಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/man-family-who-is-about-to-got-engaged-today-faced-lots-of-problem-at-border/

https://www.vijayavani.net/persons-with-comorbidities-should-take-vaccine-as-soon-as-possible/

https://www.vijayavani.net/woman-lost-life-herself-due-to-financial-burden/