ಕಾರವಾರದ ಯುವತಿ, ಗೋವಾದ ಯುವಕನ ನಿಶ್ಚಿತಾರ್ಥ; ಗಡಿಯಲ್ಲಿ ಎರಡು ಗಂಟೆಗೂ ಅಧಿಕ ಕಾಲ ಪರದಾಟ!

ಉತ್ತರಕನ್ನಡ: ಕೋವಿಡ್​ ಮೂರನೇ ಅಲೆ ಆತಂಕ ಹೊಸ ಬದುಕಿನ ಕನಸಿನಲ್ಲಿರುವ ಇವರಿಬ್ಬರಿಗೂ ಚಿಂತೆ ತಂದಿದ್ದಲ್ಲದೆ, ಕುಟುಂಬದವರು ಎರಡು ಗಂಟೆಗೂ ಅಧಿಕ ಕಾಲ ಗಡಿಭಾಗದಲ್ಲಿ ಗಡಿಬಿಡಿಗೊಳ್ಳುವಂಥ ಪರಿಸ್ಥಿತಿ ಸೃಷ್ಟಿಯಾಗಿತ್ತು. ಕರ್ನಾಟಕ-ಗೋವಾ ಗಡಿಪ್ರದೇಶದಲ್ಲಿ ಇಂಥದ್ದೊಂದು ಸನ್ನಿವೇಶ ಸೃಷ್ಟಿಯಾಗಿತ್ತು.

ಕೋವಿಡ್​ ಮೂರನೇ ಅಲೆಯ ಪ್ರವೇಶದ ಆತಂಕದ ಹಿನ್ನೆಲೆಯಲ್ಲಿ ಉತ್ತರಕನ್ನಡ ಜಿಲ್ಲಾಡಳಿತ ಗೋವಾ-ಕಾರವಾರ ಗಡಿಯಲ್ಲಿ ಬಿಗಿಕ್ರಮ ಕೈಗೊಂಡಿದ್ದರಿಂದ ನಿಶ್ಚಿತಾರ್ಥಕ್ಕೆ ಅಣಿಯಾಗಿದ್ದ ಎರಡು ಕುಟುಂಬಗಳು ಇಂದು ಚಿಂತೆಗೆ ಒಳಗಾಗುವಂತೆ ಆಗಿದೆ. ಕಾರವಾರದ ಯುವತಿ ಹಾಗೂ ಗೋವಾದ ಯುವಕನ ಮಧ್ಯೆ ಇಂದು ಕಾರವಾರದಲ್ಲಿ ನಿಶ್ಚಿತಾರ್ಥ ನಿಗದಿಯಾಗಿತ್ತು.

ಇದನ್ನೂ ಓದಿ: ಸಾವಿಗೆ ವೈದ್ಯರೇ ಕಾರಣ, ಅವರನ್ನು ಬಂಧಿಸಿ; ಹೆರಿಗೆ ವೇಳೆ ಸತ್ತ ಗರ್ಭಿಣಿಯ ಸಂಬಂಧಿಕರ ಆಗ್ರಹ

ನಿಶ್ಚಿತಾರ್ಥದ ಹಿನ್ನೆಲೆಯಲ್ಲಿ ಯುವಕನ ಕಡೆಯವರು ಆಗಮಿಸುತ್ತಿದ್ದಾಗ ಅವರನ್ನು ಗಡಿಭಾಗದಲ್ಲೇ ತಡೆಯಲಾಗಿತ್ತು. ಯಾರ ಬಳಿಯೂ ಆರ್​ಟಿಪಿಸಿಆರ್​ ವರದಿ ಇರದ್ದರಿಂದ ಪೊಲೀಸರು ಅವರಿಗೆ ಪ್ರವೇಶ ನಿರಾಕರಿಸಿದ್ದರು. ಹೀಗಾಗಿ ಯುವಕನ ಕಡೆಯುವರು ಸುಮಾರು 2 ಗಂಟೆ ಕಾಲ ಪರದಾಡುವಂತಾಗಿತ್ತು. ಕೊನೆಯಲ್ಲಿ ಎಂಟು ಜನರಿಗೆ ಮಾತ್ರ ನಿಶ್ಚಿತಾರ್ಥಕ್ಕೆ ತೆರಳಲು ಅಧಿಕಾರಿಗಳು ಅವಕಾಶ ಮಾಡಿಕೊಟ್ಟಿದ್ದರಿಂದ ಉಳಿದವರು ಬಂದ ದಾರಿಗೆ ಸುಂಕವಿಲ್ಲ ಎಂಬಂತೆ ಗೋವಾಗೆ ಮರಳಬೇಕಾಯಿತು.

https://www.vijayavani.net/persons-with-comorbidities-should-take-vaccine-as-soon-as-possible/

https://www.vijayavani.net/woman-lost-life-herself-due-to-financial-burden/

https://www.vijayavani.net/woman-inspector-sub-inspector-and-a-police-suspended/