ಬೇಸಿಗೆ ಶುರುವಾಗಿದೆ. ಎಲ್ಲವೂ ಸರಿಯಾಗಿಯೇ ನಡೆದಿದ್ದರೆ, ಇಷ್ಟೊತ್ತಿಗೆ ಬೀಚ್ಗಳೆಲ್ಲ ಪ್ರವಾಸಿಗರಿಂದ ತುಂಬಿ ತುಳುಕುತ್ತಿದ್ದವು. ಆದರೆ, ಕರೊನಾ ಮಹಾಮಾರಿ ಆ ಸಂಭ್ರಮಕ್ಕೂ ರೇಖೆ ಎಳೆದಿದೆ. ಇಂಥ ಸಂದರ್ಭದಲ್ಲಿ ಬೀಚ್ನಲ್ಲಿ ಕಳೆದ ಕ್ಷಣಗಳನ್ನು ನೆನಪು ಮಾಡಿಕೊಳ್ಳುತ್ತ, ಹಳೇಯ ಫೋಟೋಗಳನ್ನು ಶೇರ್ ಮಾಡಿಕೊಳ್ಳುತ್ತ ಕರೊನಾಗೆ ಹಿಡಿ ಶಾಪ ಹಾಕುತ್ತಿದ್ದಾರೆ. ಅದರಲ್ಲೂ ಬಾಲಿವುಡ್ ನಟಿ ರವೀನಾ ಟಂಡನ್ ಸಹ ಸೂರ್ಯ ಮುತ್ತಿಕ್ಕಿದ ಆ ಕ್ಷಣಗಳನ್ನು ನೆನಪು ಮಾಡಿಕೊಂಡಿದ್ದಾರೆ. ಅಷ್ಟೇ ಅಲ್ಲ ಕರೊನಾ ಕ್ಲಿಯರ್ ಆದ್ರೆ ಮೊದಲು ಬೀಚ್ನತ್ತ ಮುಖ ಮಾಡುತ್ತಾರಂತೆ ರವೀನಾ!
ಇದನ್ನೂ ಓದಿ: ಇರ್ಫಾನ್ ನೆನಪಲ್ಲಿ ಹೀಗೊಂದು ಒಳ್ಳೆಯ ಕೆಲಸ …
ಹೌದು, ಕಳೆದ ವರ್ಷದ ವಿಯೆಟ್ನಾಂ ಬೀಚ್ನಲ್ಲಿ ಪತಿ ಅನಿಲ್ ಥಡಾನಿ ಜತೆಗಿರುವ ಎರಡು ಫೋಟೋಗಳನ್ನು ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿರುವ ನಟಿ ರವೀನಾ, ಬೀಚ್ ಡೇಸ್ಗಳನ್ನು ತುಂಬ ಮಿಸ್ ಮಾಡಿಕೊಳ್ಳುತ್ತಿದ್ದಾರಂತೆ. ‘ಮತ್ತೆ ಸಮುದ್ರ ಕರೆಯುತ್ತಿದೆ. ಬೀಚ್, ಸೂರ್ಯರಶ್ಮಿ, ಅಲೆಗಳು, ಮರಳು ಎಲ್ಲವೂ ನೆನಪಾಗುತ್ತಿದೆ’ ಎಂದು ನೆನಪುಗಳನ್ನು ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಹೈದರಾಬಾದ್‌ಗೆ ವಾಪಸ್ಸು ಬಾ ಅಂತ ರಶ್ಮಿಕಾಗೆ ಹೇಳಿದ್ದು ಯಾರು?
ಸದ್ಯ ರಾಕಿಂಗ್ ಸ್ಟಾರ್ ಯಶ್ ನಾಯಕತ್ವದ ‘ಕೆಜಿಎಫ್’ ಸಿನಿಮಾದಲ್ಲಿ ರಮಿಕಾ ಸೇನ್ ಹೆಸರಿನ ಪಾತ್ರ ನಿಭಾಯಿಸಿರುವ ರವೀನಾ, ಈಗಾಗಲೇ ತಮ್ಮ ಪಾಲಿನ ಶೂಟಿಂಗ್ ಮುಗಿಸಿದ್ದಾರೆ. ಇನ್ನುಳಿದಂತೆ ಹಲವು ಬಾಲಿವುಡ್ ಪ್ರಾಜೆಕ್ಟ್ಗಳಲ್ಲೂ ರವೀನಾ ನಟಿಸಲಿದ್ದು, ಲಾಕ್ಡೌನ್ ಹಿನ್ನೆಲೆಯಲ್ಲಿ ಮನೆಯಲ್ಲಿಯೇ ಕಾಲ ಕಳೆಯುತ್ತಿದ್ದಾರೆ. (ಏಜೆನ್ಸೀಸ್)
ಕೊಂಚ ಜಾಗರೂಕತೆಯಿಂದಲೇ ‘ರಾಬರ್ಟ್’ ಬೆಡಗಿಯ ಸಿಂಗಿಂಗ್ ಟ್ಯಾಲೆಂಟ್ ನೋಡಿ..