ಅತ್ಯಾಚಾರ ಪ್ರಕರಣ: ಕೇವಲ 61 ದಿನಗಳಲ್ಲಿ ಮರಣ ದಂಡನೆ ಶಿಕ್ಷೆ ವಿಧಿಸಿದ ಕೋರ್ಟ್​

ಪಶ್ಚಿಮ ಬಂಗಾಳ: ಕಳೆದ ಅಕ್ಟೋಬರ್​ನಲ್ಲಿ​ 9 ವರ್ಷದ ಬಾಲಕಿ ಮೇಲೆ 19 ವರ್ಷ ಯುವಕ ಅತ್ಯಾಚಾರ ಎಸಗಿ ಕೊಲೆ ಮಾಡಿದ್ದಕ್ಕಾಗಿ ಇಲ್ಲಿನ ಕೋರ್ಟ್​ ಮರಣ ದಂಡನೆ ವಿಧಿಸಿದ್ದು, ಅಪರಾಧ ನಡೆದ ಕೇವಲ 61 ದಿನಗಳಲ್ಲಿ(ರಾಜ್ಯದ ತ್ವರಿತಗತಿ ಪ್ರಕರಣ) ಶಿಕ್ಷೆ ನೀಡಿದ ಪ್ರಕರಣ ಇದಾಗಿದೆ.

ಪಶ್ಚಿಮ ಬಂಗಾಳದ 24 ಪರಗಣ ಪ್ರದೇಶದ ಜಯನಗರದಲ್ಲಿ ಇದೇ ಅಕ್ಟೋಬರ್​ 4 ರಂದು ಟ್ಯೂಷನ್​ ಮುಗಿಸಿ ಮನೆಗೆ ಮರಳುತ್ತಿದ್ದ ವೇಳೆ ಘಟನೆ ನಡೆದಿದೆ. ಆರೋಪಿಯನ್ನು ಮುಸ್ತಾಕಿನ್​ ಸರ್ದಾರ್​ ಎಂದು ಗುರುತಿಸಲಾಗಿದೆ. ಪ್ರಕರಣ ನಡೆದ ಕೆಲವೇ ಕ್ಷಣಗಳಲ್ಲಿ ಪಾಲಕರು ದೂರು ನೀಡಿದ್ದು, ಸುತ್ತಮುತ್ತಲಿನ ಸಿಸಿಟಿವಿಗಳು ಆಧಾರಿಸಿ 2.5 ಗಂಟೆಗಳಲ್ಲಿ ಪೊಲೀಸರು ಆರೋಪಿಯನ್ನು ಪತ್ತೆಹಚ್ಚಿದ್ದಾರೆ.

ಇದನ್ನೂ ಓದಿ: ಟ್ರಕ್​ಗೆ ಸ್ಲೀಪರ್​ ಬಸ್​​ ಡಿಕ್ಕಿ! 8 ಜನರ ದುರ್ಮರಣ, 19ಕ್ಕೂ ಅಧಿಕ ಮಂದಿಗೆ ಗಂಭೀರ ಗಾಯ | Sleeper Bus

ವಿಚಾರಣೆ ಸಮಯದಲ್ಲಿ ಆರೋಪಿ ಅಪರಾಧ ಒಪ್ಪಿಕೊಂಡಿದ್ದು, 25 ದಿನಗಳಲ್ಲಿ ಪ್ರಕರಣ ಪೂರ್ಣಗೊಳಿಸಿ ನ್ಯಾಯಾಲಕ್ಕೆ ಆರೋಪ ಪಟ್ಟಿ ಸಲ್ಲಿಸಿದ್ದಾರೆ. ಇದೇ ನ.04ರಂದು ಕೋರ್ಟ್​ ವಿಚಾರಣೆ ಪ್ರಾರಂಭವಾಗಿ 36 ಸಾಕ್ಷ್ಯಳನ್ನು ಆಧಾರಿಸಿ ಪೀಠ ಶಿಕ್ಷೆ ವಿಧಿಸಿದೆ.

ಕೋರ್ಟ್​ ನೀಡಿರುವ ತೀರ್ಪನ್ನು ವೆಸ್ಟ್​ ಬೆಂಗಾಲ್​ ಸಿಎಂ ಮಮತಾ ಬ್ಯಾನರ್ಜಿ ಶ್ಲಾಘೀಸಿದ್ದಾರೆ. ಕೇವಲ ಎರಡು ತಿಂಗಳ ಅವಧಿಯಲ್ಲಿ ಇಂತಹ ಪ್ರಕರಣದಲ್ಲಿ ಅಪರಾಧಿ ಮತ್ತು ಮರಣದಂಡನೆ ರಾಜ್ಯದ ಇತಿಹಾಸದಲ್ಲಿ ಅಭೂತಪೂರ್ವವಾಗಿದೆ ಎಂದು ಹೇಳಿದರು,(ಏಜೆನ್ಸೀಸ್​).

https://www.vijayavani.net/sri-lankan-navy-arrests-14-indian-fishermen-on-charges-of-illegal-fishing