ರಣವೀರ್​​ ಪ್ರೊಡಕ್ಷನ್​ ಕಂಪನಿ ಹೆಸರು ಕೇಳಿದ್ರೆ ಶಾಕ್​ ಆಗ್ತೀರ!

ಸಿನಿಮಾ ನಟ-ನಟಿಯರೆಲ್ಲಾ ಒಂದಲ್ಲ ಒಂದು ಹಂತದಲ್ಲಿ ನಿರ್ಮಾಣಕ್ಕಿಳಿಯುವುದು ಸಹಜ. ಈಗಾಗಲೇ ಬಾಲಿವುಡ್​ನಲ್ಲಿ ಹಲವು ನಾಯಕ-ನಾಯಕಿಯರು ಚಿತ್ರ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಶಾರೂಖ್​ ಖಾನ್​, ಸಲ್ಮಾನ್​ ಖಾನ್​, ಅನುಷ್ಕಾ ಶರ್ಮಾ ಸೇರಿದಂತೆ ಹಲವು ಸೆಲೆಬ್ರಿಟಿಗಳು ನಿರ್ಮಾಣದಲ್ಲಿ ಸಕ್ರಿಯರಾಗಿದ್ದಾರೆ.

ಚಿತ್ರರಂಗಕ್ಕೆ ಇತ್ತೀಚೆಗೆ ಬಂದವರೆಲ್ಲಾ ನಿರ್ಮಾಣದಲ್ಲಿ ತೊಡಗಿಸಿಕೊಳ್ಳುತ್ತಿರುವಾಗ, ರಣವೀರ್​ ಸಿಂಗ್​ ಮಾತ್ರ ತಮಗೆ ನಿರ್ಮಾಣ ಬೇಡ ಎಂದು ದೂರವಿದ್ದರು. ಕೇಳಿದಾಗಲೆಲ್ಲಾ ತಮಗೆ ಬ್ಯುಸಿನೆಸ್​ ತಲೆ-ಬುಡ ಅರ್ಥವಾಗುವುದಿಲ್ಲ ಎಂದು ಹೇಳಿಕೊಳ್ಳುತ್ತಿದ್ದರು. ಈಗ ಅವರು ಸದ್ದಿಲ್ಲದೆ ಒಂದು ಪ್ರೊಡಕ್ಷನ್​ ಕಂಪನಿಯೊಂದನ್ನು ಶುರು ಮಾಡಿರುವ ಸುದ್ದಿ ಇದೆ.

ಇದನ್ನೂ ಓದಿ: ಅರ್ನಬ್​ ಗೋಸ್ವಾಮಿ ಬಗ್ಗೆ ಚಿತ್ರ ಮಾಡ್ತಾರಂತೆ ವರ್ಮಾ!

ಈ ಕಂಪನಿ ಹೊಸದಾಗಿ ಶುರುವಾಗಿದ್ದೇನೂ ಅಲ್ಲ, ಸುಮಾರು ಮೂರು ವರ್ಷಗಳ ಹಿಂದೆಯೇ ರಣವೀರ್​, ಒಂದು ನಿರ್ಮಾಣ ಸಂಸ್ಥೆ ಪ್ರಾರಂಭಿಸಿದ್ದಾರೆ. ಆದರೆ, ಇದುವರೆಗೂ ಯಾವುದೇ ಹೊಸ ಚಿತ್ರವನ್ನೂ ಅದರಿಂದ ನಿರ್ಮಿಸುತ್ತಿಲ್ಲ. ಮುಂದಿನ ದಿನಗಳಲ್ಲಿ ಆ ಕಂಪನಿಯಿಂದ ಹೊಸ ಚಿತ್ರ ನಿರ್ಮಿಸುವ ಸಾಧ್ಯತೆ ಇದೆ.

ಇಷ್ಟಕ್ಕೂ ಆ ಪ್ರೊಡಕ್ಷನ್​ ಕಂಪನಿ ಹೆಸರೇನು ಗೊತ್ತಾ? ಮಾ ಕಸಮ್​ ಪ್ರೊಡಕ್ಷನ್ಸ್​. ಎಲ್ಲರಿಗೂ ಗೊತ್ತಿರುವಂತೆ, ರಣವೀರ್​ ಒಬ್ಬ ವರ್ಣರಂಜಿತ ವ್ಯಕ್ತಿ. ಅವರೊಬ್ಬ ಮಾಸ್​ ಹೀರೋ. ಏನು ಮಾಡಿದರೂ ಅವರು ಫಿಲ್ಮಿಯಾಗಿಯೇ ಮಾಡುತ್ತಾರೆ ಮತ್ತು ಈ ಚಿತ್ರದ ಹೆಸರನ್ನೂ ಅವರು ಬಹಳ ಫಿಲ್ಮಿಯಾಗಿಯೇ, ಅದರಲ್ಲೂ ಸಖತ್​ ಕಮರ್ಷಿಯಲ್​ ಆಗಿ ಇಟ್ಟಿದ್ದಾರೆ ಎಂದು ಚರ್ಚೆಯಾಗುತ್ತಿದೆ. ಮಾ ಕಸಮ್​ (ತಾಯಾಣೆ) ಎನ್ನುವುದು ಬಾಲಿವುಡ್​ನ ಕಮರ್ಷಿಯಲ್​ ಚಿತ್ರಗಳಲ್ಲಿ ಹೆಚ್ಚು ಕೇಳಿ ಬರುವ ಪದ. ಈಗ ಅಂಥದ್ದೇ ಹೆಸರನ್ನು ರಣವೀರ್​ ತಮ್ಮ ಚಿತ್ರಕ್ಕೆ ಇಟ್ಟಿರುವುದು ವಿಶೇಷ.

ಇದನ್ನೂ ಓದಿ: ದೇಹ ಮನೇಲಿದೆ; ಮನಸ್ಸು ಮಾತ್ರ ಆಸ್ಪತ್ರೆಯಲ್ಲಿದೆ … ‘ಬಿಗ್​​ ಬಿ’ ಹೀಗೆ ಹೇಳಿದ್ದ್ಯಾಕೆ?

ಅಂದಹಾಗೆ, ಈ ಸಂಸ್ಥೆಯಡಿ ಮುಂದಿನ ದಿನಗಳಲ್ಲಿ ಒಂದಿಷ್ಟು ಹೊಸ ಕಮರ್ಷಿಯಲ್​ ಚಿತ್ರಗಳನ್ನು ನಿರ್ಮಾಣ ಮಾಡುವ ಯೋಚನೆಯಲ್ಲಿದ್ದಾರೆ. ಇದಲ್ಲದೆ ಇಂಕಿಂಕ್​ ಎಂಬ ಇನ್ನೊಂದು ಸಂಸ್ಥೆಯ ಜತೆಗೆ ಅವರು ಪಾಲುದಾರರಾಗಿದ್ದಾರೆ. ಅಷ್ಟೇ ಅಲ್ಲ, ಹೆಂಡತಿ ದೀಪಿಕಾ ಪಡುಕೋಣೆ ಜತೆಗೆ ಸೇರಿ ಚಾಕ್​ ಅಂಡ್​ ಚೀಸ್​ ಎಂಟರ್​ಪ್ರೈಸಸ್ ಎಂಬ ಸಂಸ್ಥೆಯನ್ನೂ ಪ್ರಾರಂಭಿಸಿದ್ದಾರೆ.

ಮುಂದಿನ ದಿನಗಳಲ್ಲಿ ರಣವೀರ್​ ಈ ಎಲ್ಲಾ ಸಂಸ್ಥೆಗಳಲ್ಲಿ ಸಕ್ರಿಯವಾಗಿ ನಿರ್ಮಾಣದಲ್ಲಿ ತೊಡಗಿಸಿಕೊಳ್ಳುವ ಸಾಧ್ಯತೆ ಇದ್ದು, ಯಾವೆಲ್ಲಾ ಸಿನಿಮಾಗಳು ಅವರ ಸಂಸ್ಥೆಯಡಿ ನಿರ್ಮಾಣವಾಗುತ್ತವೆ ಎಂಬ ಕುತೂಹಲ ಎಲ್ಲರಿಗೂ ಇದೆ.

https://www.vijayavani.net/siva-koratalas-remuneration-in-new-film-with-allu-arjun/