ತಿರುಪತಿ: ನಟ ರಾಮ್ ಚರಣ್ ಬುಧವಾರ39 ನೇ ವಸಂತಕ್ಕೆ ಕಾಲಿಟ್ಟಿದ್ದು, ತಿರುಪತಿ – ತಿರುಮಲೆಯ ಶ್ರೀ ವೆಂಕಟರಮಣಸ್ವಾಮಿ ದೇವಸ್ಥಾನದಕ್ಕೆ ತೆರಳಿ ಸ್ವಾಮಿಯ ದರ್ಶನ ಪಡೆದರು.
ಇದನ್ನೂ ಓದಿ: ಚಲಿಸುತ್ತಿದ್ದ ಸ್ಕೂಟರ್ನಲ್ಲಿ ಹುಡುಗಿಯರ ಹೋಳಿ ರೋಮ್ಯಾನ್ಸ್.. ಪೊಲೀಸರು ಹಾಕಿದ ದಂಡ ಕೇಳಿದ್ರೆ ಹೌಹಾರ್ತೀರಾ?
ರಾಮ್ ಚರಣ್ ಜೊತೆಯಲ್ಲಿ ಪತ್ನಿ ಉಪಾಸನಾ ಕಾಮಿನೇನಿ ಮತ್ತು ಪುತ್ರಿ ಕ್ಲಿನ್ ಕಾರಾ ಕೊನಿಡೇಲಾ ಇದ್ದರು. ಉಪಾಸನಾ ತಾಯಿ ಶೋಬನಾ ಕಾಮಿನೇನಿ ಕೂಡ ಕುಟುಂಬದ ಇತರ ಸದಸ್ಯರೊಂದಿಗೆ ಭಾಗವಹಿಸಿದ್ದರು.
ರಾಮ್ ಚರಣ್ ತನ್ನ ಹುಟ್ಟುಹಬ್ಬವನ್ನು ವೆಂಕಟೇಶ್ವರ ದೇವರಿಗೆ ಪ್ರಾರ್ಥನೆ ಸಲ್ಲಿಸುವ ಮೂಲಕ ಆಚರಿಸಿಕೊಂಡಿದ್ದು, ಈ ಸಂಬಂಧದ ವೀಡಿಯೊ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೈರಲ್ ಆಗುತ್ತಿದೆ. ದೇವಸ್ಥಾನದಿಂದ ಹೊರಡುವಾಗ ದಂಪತಿ ಅಭಿಮಾನಿಗಳಿಗೆ ಕೈಬೀಸಿದರು. ದೇವಸ್ಥಾನದಿಂದ ಹೊರ ಬರುತ್ತಿದ್ದಂತೆ ಅಭಿಮಾನಿಗಳು ಸುತ್ತುವರೆದಿದ್ದರು.
ಇನ್ನು ರಾಮ್ ಮತ್ತು ಉಪಾಸನಾ ಶ್ರೀವೆಂಕಟೇಶ್ವರ ದೇವಾಲಯಕ್ಕೆ ಸಾಂಪ್ರದಾಯಿಕ ಉಡುಗೆ ಧರಿಸಿ ಬಂದಿದ್ದರು. ರಾಮ್ ಚರಣ್ ರೇಷ್ಮೆ ಕುರ್ತಾ ಮತ್ತು ಧೋತಿಯನ್ನು ಧರಿಸಿದ್ದರೆ, ವಿಶೇಷ ದರ್ಶನಕ್ಕಾಗಿ ಉಪಾಸನಾ ಕಮಲ ಗುಲಾಬಿ ಬಣ್ಣದ ಸೀರೆಯನ್ನುಟ್ಟು ಆಗಮಿಸಿದ್ದರು. ಈ ವಿಶೇಷ ದಿನದಂದು ದಂಪತಿಗಳು ಮುಂಜಾನೆ ನಸುಕಿನಲ್ಲೇ ದೇವರ ದರ್ಶನಕ್ಕೆ ಬಂದಿದ್ದುದು ವಿಶೇಷವಾಗಿತ್ತು.
ರಾಮ್ ಚರಣ್ ಮುಂಬರುವ ಚಿತ್ರ ಗೇಮ್ ಚೇಂಜರ್‌ನ ಜರಗಂಡಿ ಹಾಡನ್ನು ಅವರ ಹುಟ್ಟುಹಬ್ಬದ ಸಂದರ್ಭದಲ್ಲಿ ಬುಧವಾರ ಹಂಚಿಕೊಳ್ಳಲಾಗಿದೆ. ಶಂಕರ್ ನಿರ್ದೇಶನದ ದೊಡ್ಡ-ಬಜೆಟ್ ನ ಚಿತ್ರ ಇದಾಗಿದ್ದು, ಮುಂದಿನ ದಸರಾಗೆ ಥಿಯೇಟರ್‌ಗಳಿಗೆ ಬರಲಿದೆ. ಇದಲ್ಲದೆ. ಇತ್ತೀಚೆಗೆ ನಿರ್ದೇಶಕ ಬುಚ್ಚಿ ಬಾಬು ಸನಾ ಅವರೊಂದಿಗೆ ಮುಂಬರುವ ಚಿತ್ರವನ್ನು ಘೋಷಿಸಿದ್ದಾರೆ. ಈ ಪ್ರಾಜೆಕ್ಟ್‌ಗಾಗಿ ಅವರು ಮೊದಲ ಬಾರಿಗೆ ಜಾಹ್ನವಿ ಕಪೂರ್ ಅವರೊಂದಿಗೆ ಸ್ಕ್ರೀನ್ ಹಂಚಿಕೊಳ್ಳಲಿದ್ದಾರೆ.
ರಾಮ್ ಚರಣ್ ಅವರ ಬ್ಲಾಕ್ಬಸ್ಟರ್ ಹಿಟ್ ಮಗಧೀರ ಅವರ 39 ನೇ ಹುಟ್ಟುಹಬ್ಬದ ಸಂದರ್ಭ ಥಿಯೇಟರ್ಗಳಲ್ಲಿ ಮರು-ಬಿಡುಗಡೆಯಾಗಿದೆ.
ಮಹಾಬಲೇಶ್ವರನಿಗೆ ರುದ್ರಾಭಿಷೇಕ, ಕ್ಷೀರಾಭಿಷೇಕ ಮಾಡಿಸುತ್ತಿರುವ ಡಿ.ಕೆ ಶಿವಕುಮಾರ್