ಮುಂಬೈ: ‘ಬಿಗ್ ಬಾಸ್’ನ 14ನೇ ಸೀಸನ್ನಲ್ಲಿ ಕಾಣಿಸಿಕೊಳ್ಳುತ್ತಿರುವ ರಾಖಿ ಸಾವಂತ್, ಕಳೆದ ವರ್ಷ ಇಂಗ್ಲೆಂಡ್ ಮೂಲದ ಬ್ಯುಸಿನೆಸ್ಮ್ಯಾನ್ ರಿತೇಶ್ ಎನ್ನುವವರನ್ನು ಮದುವೆಯಾಗಿರುವ ವಿಷಯ ಗೊತ್ತಿರಬಹುದು. ಆದರೆ, ಇದುವರೆಗೂ ರಿತೇಶ್ ಯಾರು ಎಂದು ಯಾರೂ ನೋಡಿಲ್ಲ. ಮದುವೆ ಫೋಟೋಗಳಲ್ಲೂ ರಿತೇಶ್ ಕಾಣದಂತೆ ಎಡಿಟ್ ಮಾಡಿದ್ದಾರೆ.
ಇದನ್ನೂ ಓದಿ: ನಮ್ಮ ಫ್ಲಿಕ್ಸ್ ಓಟಿಟಿಯಲ್ಲಿ ಡಿ.25ಕ್ಕೆ ‘ಭೂಮಿಕಾ’ ಸಿನಿಮಾ ಬಿಡುಗಡೆ
ಇದೀಗ, ರಿತೇಶ್ ತಾವ್ಯಾರು ಎಂದು ಹೇಳುವುದಕ್ಕೆ ತಯಾರಿದ್ದಾರಂತೆ. ತಮ್ಮ ಗುರುತು ಹೇಳಿಕೊಳ್ಳುವುದರಿಂದ ವ್ಯವಹಾರಕ್ಕೆ ಕಷ್ಟವಾಗುತ್ತದೆ ಎಂಬ ಕಾರಣಕ್ಕೆ ತಮ್ಮ ನಿಜ ಗುರುತನ್ನು ಬಚ್ಚಿಟ್ಟಿದ್ದಾಗಿ ಹೇಳಿಕೊಂಡಿರುವ ರಿತೇಶ್, ಬೇಕಾದರೆ, ‘ಬಿಗ್ ಬಾಸ್’ಗೂ ಬರುವುದಕ್ಕೆ ತಯಾರಿದ್ದಾರಂತೆ.
ಈ ಕುರಿತು ಸಂದರ್ಶನವೊಂದರಲ್ಲಿ ಮಾತನಾಡಿರುವ ರಿತೇಶ್, ‘ನಾನು ರಾಖಿಯನ್ನು ಮದುವೆಯಾಗಿರುವುದಾಗಿ ಜಗತ್ತಿಗೆ ಗೊತ್ತಾದರೆ, ನನ್ನ ಬಗ್ಗೆ ಕೆಟ್ಟದಾಗಿ ಮಾತನಾಡಿಕೊಳ್ಳುತ್ತದೆ ಮತ್ತು ಇದರಿಂದ ನನ್ನ ವ್ಯವಹಾರಕ್ಕೆ ಪೆಟ್ಟು ಬೀಳುತ್ತದೆ ಎಂಬ ಭಯವಿತ್ತು. ನನ್ನ ಶೇರ್ಗಳ ಮೌಲ್ಯ ಕುಸಿಯಬಹುದು ಎಂದು ಟೆನ್ಶನ್ ಆಗಿತ್ತು. ಹಾಗಾಗಿ ಎಲ್ಲೂ ನನ್ನ ಗುರುತು ಹೇಳಿಕೊಂಡಿರಲಿಲ್ಲ’ ಎನ್ನುತ್ತಾರೆ ರಿತೇಶ್.
ಇದನ್ನೂ ಓದಿ: ಹೊಸ ರೂಪಾಂತರ ಕರೊನಾ ವೈರಸ್ ಭೀತಿ: ಲಂಡನ್ನಿಂದ ಬಂದ ಮೇಲೆ ಕ್ವಾರಂಟೈನ್ ಆಗದ ಹರ್ಷಿಕಾ!
ರಾಖಿ ತಮ್ಮನ್ನು ಮದುವೆಯಾಗಿ ದೊಡ್ಡ ಉಪಕಾರ ಮಾಡಿದ್ದಾರೆ ಎನ್ನುವ ರಿತೇಶ್, ‘ನಾನಾಗಲೀ, ನನ್ನ ಮನೆಯವರಾಗಲೀ ರಾಖಿ ಅವರ ಋಣವನ್ನು ಈ ಜನ್ಮದಲ್ಲಿ ತೀರಿಸುವುದಕ್ಕೆ ಸಾಧ್ಯವಿಲ್ಲ. ಆಕೆ ನಿಜವಾದ ಗೆಳತಿ ಮತ್ತು ಮಡದಿ. ನನ್ನನ್ನು ಬಹಳವಾಗಿ ಅರ್ಥ ಮಾಡಿಕೊಂಡಿರುವ ರಾಖಿ, ನನ್ನ ಮನವಿಯ ಮೇರೆಗೆ ಇದುವರೆಗೂ ಎಲ್ಲೂ ನನ್ನ ಬಗ್ಗೆ ಮಾತನಾಡಿಲ್ಲ. ಅಷ್ಟೇ ಅಲ್ಲ, ಎಷ್ಟು ಸಾಧ್ಯವೋ ಅಷ್ಟು ಸಪೋರ್ಟ್ ಮಾಡಿದ್ದಾರೆ. ನನ್ನ ಗುರುತು ಹೇಳದಿರುವ ತಮ್ಮ ಮಾತನ್ನು ಉಳಿಸಿಕೊಂಡಿದ್ದಾರೆ. ಅವರ ಒಳ್ಳೆಯತನಕ್ಕೆ ಬೆಲೆಕಟ್ಟುವುದಕ್ಕೆ ಸಾಧ್ಯವಿಲ್ಲ. ಹಾಗಾಗಿ ಮಾಧ್ಯಮದವರ ಮುಂದೆ ಬಂದು ನನ್ನ ಗುರುತನ್ನು ಹೇಳಿಕೊಳ್ಳುತ್ತೇನೆ. ಇನ್ನು ನಾನು ವ್ಯವಹಾರದ ಬಗ್ಗೆ ತಲೆ ಕೆಡಿಸಿಕೊಳ್ಳುವುದಿಲ್ಲ. ಲಾಭ-ನಷ್ಟದ ಬಗ್ಗೆ ಯೋಚಿಸದೆ ನಮ್ಮ ಮದುವೆಯ ವಿಷಯವನ್ನು ಜಗತ್ತಿಗೆ ಹೇಳುತ್ತೇನೆ’ ಎಂದಿದ್ದಾರೆ.