ಆಗ್ರಾ: ಲಾಕ್ಡೌನ್ ನಂತರ ಅಕ್ಷರಶಃ ಕಾಲಿಗೆ ಚಕ್ರ ಕಟ್ಟಿಕೊಂಡಂತೆ ತಿರುಗುತ್ತಿರುವ ಅಕ್ಷಯ್ ಕುಮಾರ್, ಈಗಾಗಲೇ ‘ಬೆಲ್ ಬಾಟಮ್’ ಚಿತ್ರದ ಚಿತ್ರೀಕರಣವನ್ನು ಮುಗಿಸಿದ್ದಾರೆ. ‘ಪೃಥ್ವಿರಾಜ್’ ಚಿತ್ರದ ಒಂದು ಹಂತದ ಚಿತ್ರೀಕರಣದಲ್ಲೂ ಭಾಗವಹಿಸಿರುವ ಅವರು, ಆನಂದ್ ಎಲ್ ರೈ ನಿರ್ದೇಶನದ ‘ಅತರಂಗಿ ರೇ’ ಚಿತ್ರದ ಸೆಟ್ಗೆ ಬಂದಿದ್ದಾರೆ.
ಇದನ್ನೂ ಓದಿ: ಮತ್ತೊಂದು ಚಿತ್ರ ಒಪ್ಪಿಕೊಂಡ ಶಶಿಕುಮಾರ್ ಪುತ್ರ …
ಈಗಾಗಲೇ, ‘ಅತರಂಗಿ ರೇ’ ಚಿತ್ರದ ಚಿತ್ರೀಕರಣ ದೆಹಲಿಯಲ್ಲಿ ಮುಗಿದಿದೆ. ಅಕ್ಷಯ್ ಮತ್ತು ಸಾರಾ ಈ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದು, ಈಗ ಚಿತ್ರ ಆಗ್ರಾದಲ್ಲಿ ತಾಜ್ ಮಹಲ್ ಎದುರು ಚಿತ್ರೀಕರಣ ಮಾಡುವಲ್ಲಿ ನಿರತವಾಗಿದೆ.
ಕಳೆದೆರೆಡು ದಿನಗಳಿಂದ ತಾಜ್ ಮಹಲ್ ಎದುರು ಚಿತ್ರೀಕರಣ ನಡೆಯುತ್ತಿದ್ದು, ಅಕ್ಷಯ್ ಕುಮಾರ್ ಅವರು ಮೊಘಲರ ಗೆಟಪ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಸಾರಾ ಅಲಿ ಖಾನ್ ಸಹ ಪಿಂಕ್ ಗಾಗ್ರಾ ಚೋಲಿಯಲ್ಲಿ ಮಿಂಚುತ್ತಿದ್ದಾರೆ. ಸನ್ನಿವೇಶವೇನು ಮತ್ತು ಅಕ್ಷಯ್ ಹಾಗೂ ಸಾರಾ ಯಾಕೆ ಆ ಕಾಸ್ಟ್ಯೂಮ್ನಲ್ಲಿ ಕಾಣಿಸಿಕೊಳ್ಳುತ್ತಾರೆ ಎಂಬ ವಿಷಯ ಬಹಿರಂಗವಾಗಿಲ್ಲ. ಇದನ್ನು ರಹಸ್ಯವಾಗಿಟ್ಟಿರುವ ಚಿತ್ರತಂಡವು, ಪ್ರಮುಖ ಸನ್ನಿವೇಶಗಳನ್ನು ಚಿತ್ರೀಕರಿಸಿಕೊಳ್ಳುತ್ತಿದೆ. ಇನ್ನು ತಮಿಳು ನಟ ಧನುಶ್ ಸಹ ಈ ಭಾಗದ ಚಿತ್ರೀಕರಣದಲ್ಲಿ ಭಾಗಿಯಾದ್ದಾರೆ.
ಇದನ್ನೂ ಓದಿ: ನಮ್ಮ ಫ್ಲಿಕ್ಸ್ ಓಟಿಟಿಯಲ್ಲಿ ಡಿ.25ಕ್ಕೆ ‘ಭೂಮಿಕಾ’ ಸಿನಿಮಾ ಬಿಡುಗಡೆ
ಈ ಹಿಂದೆ, ಶಾರೂಖ್ ಖಾನ್ ಅಭಿನಯದ ‘ಜೀರೋ’ ಚಿತ್ರವನ್ನು ನಿರ್ದೇಶಿಸಿದ್ದ ಆನಂದ್ ರೈ, ಇದೇ ಮೊದಲ ಬಾರಿಗೆ ಅಕ್ಷಯ್ ಕುಮಾರ್ ಮತ್ತು ಸಾರಾ ಅಲಿ ಖಾನ್ ಜೊತೆಗೆ ಕೆಲಸ ಮಾಡುತ್ತಿದ್ದಾರೆ. ಈ ವರ್ಷದ ಆರಂಭದಲ್ಲೇ ‘ಅತರಂಗಿ ರೇ’ ಚಿತ್ರದ ಚಿತ್ರೀಕರಣ ಪ್ರಾರಂಭವಾಗಿದ್ದು, ಇನ್ನೇನು ಮುಗಿಯುವ ಹಂತಕ್ಕೆ ಬಂದಿದೆ.
ಹೊಸ ರೂಪಾಂತರ ಕರೊನಾ ವೈರಸ್ ಭೀತಿ: ಲಂಡನ್ನಿಂದ ಬಂದ ಮೇಲೆ ಕ್ವಾರಂಟೈನ್ ಆಗದ ಹರ್ಷಿಕಾ!