ರಾಜಸ್ಥಾನ: ಯುವಕನೊಬ್ಬ ಸಹೋದರಿಯರನ್ನು ಮದುವೆಯಾಗಿರುವ ಕುತೂಹಲಕಾರಿ ಘಟನೆ ಟೋಂಕ್ ಜಿಲ್ಲೆಯ ಮೋರ್ಜಾಲಾದ ಕುಗ್ರಾಮವಾದ ಉನಿಯಾರಾದಲ್ಲಿ ನಡೆದಿದೆ. ಸದ್ಯ ಮದುವೆಯ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇದೀಗ ಈ ಮದುವೆಯ ಬಗ್ಗೆ ಸಾಕಷ್ಟು ಚರ್ಚೆಯಾಗುತ್ತಿದ್ದು, ಸಹೋದರಿಯರು ಒಬ್ಬನನ್ನೇ ವಿವಾಹಗಿರುವ ಬಗ್ಗೆ ಕುತೂಹಲ ಮೂಡಿಸಿದೆ.
ಇದನ್ನೂ ಓದಿ: ನಿಮ್ಮ ಮುಂದಿನ ಜನಾಂಗ ಕೊಲ್ಲೂರು ದೇವಸ್ಥಾನಕ್ಕೆ ಬರಬೇಕೆಂದರೆ ‘ದಿ ಕೇರಳ ಸ್ಟೋರಿ’ ಸಿನಿಮಾ ನೋಡಿ!
ಹರಿ ಓಂ ಮೀನಾ ಎಂಬಾತ ಸಿಂದಾಳ ನಿವಾಸಿ ಬಾಬುಲಾಲ್ ಮೀನಾ ಅವರ ಪುತ್ರಿಯರಾದ ಕಾಂತಾ ಹಾಗೂ ಸುಮನ್ಳನ್ನು ವಿವಾಹವಾಗಿದ್ದಾನೆ. ಸಹೋದರಿಯನ್ನು ವಿವಾಹವಾಗಿದ್ದು, ಸಂತೋಷದಿಂದ ಇದ್ದೇನೆ ಎಂದು ವರ ಹೇಳಿಕೊಂಡಿರುವುದು ವರದಿಯಾಗಿದೆ. ವರ ಹರಿ ಓಂ ಪದವಿ ಮುಗಿಸಿದ್ದಾನೆ. ವಧು ಕಾಂತಾ ಉರ್ದುವಿನಲ್ಲಿ ಸ್ನಾತಕೋತ್ತರ ಪದವಿ ಪೂರ್ಣಗೊಳಿಸಿದ್ದು, ಆಕೆಯ ಸಹೋದರಿ ಎಂಟನೇ ತರಗತಿವರೆಗೆ ವ್ಯಾಸಾಂಗ ಮಾಡಿದ್ದಾಳೆ.
ಇದನ್ನೂ ಓದಿ: ಇದೇ ನೋಡಿ ಅತ್ಯಂತ ಹೆಚ್ಚು ಬೆಲೆಬಾಳುವ ಮಶ್ರೂಮ್; ಬೆಲೆ ಕೇಳಿದ್ರೆ ನೀವೂ ಅಚ್ಚರಿ ಪಡ್ತೀರಾ!
ಕಾಂತಾ ಎಂಬ ಯುವತಿಯನ್ನು ವಿವಾಹವಾಗುವ ಬಗ್ಗೆ ಹರಿ ಓಂ ಮೀನಾ ಕಟುಂಬಸ್ಥರಿಂದ ಮೊದಲ ಬಾರಿಗೆ ಪ್ರಸ್ತಾಪ ಬಂದಿದೆ. ಈ ವೇಳೆ ವಧು, ವರನಿಗೆ ಷರತ್ತು ಹಾಕಿದ್ದಾಳೆ. ನನ್ನ ಸಹೋದರಿ ಮಾನಸಿಕ ಅಸ್ವಸ್ಥಳಾಗಿದ್ದು, ನನ್ನೊಂದಿಗೆ ಸದಾ ಇರುತ್ತಾಳೆ. ಹೀಗಾಗಿ ಆಕೆಯನ್ನೂ ಮದುವೆ ಆಗಬೇಕು ಎಂದಿದ್ದಾಳೆ. ಇದಕ್ಕೆ ವರ ಹಾಗೂ ಆತನ ಕುಟುಂಬಸ್ಥರು ಸಮ್ಮತಿ ಸೂಚಿಸಿದ ಬಳಿಕ ಕಳೆದ ಮೇ 5 ರಂದು ವಿಧಿವಿಧಾನದ ಪ್ರಕಾರ ವಿವಾಹ ಕಾರ್ಯಕ್ರಮ ನಡೆದಿದೆ. (ಏಜೆನ್ಸೀಸ್)