ಹಿಮಾಚಲ ಪ್ರದೇಶ: ವಿಶ್ವದಲ್ಲೇ ಅತ್ಯಂತ ಹೆಚ್ಚು ಬೇಡಿಕೆ ಇರುವ, ದುಬಾರಿ ಬೆಲೆಯ ಮಶ್ರೂಮ್ಗಳು ಇದೀಗ ಉತ್ತರ ಭಾರತದ ಮಾರುಕಟ್ಟೆಯಲ್ಲಿ ಬೇಡಿಕೆ ಹೆಚ್ಚಿಸಿಕೊಂಡಿವೆ. ಹಿಮಾಚಲ ಪ್ರದೇಶದ ಹಿಮಭರಿತ ಇಳಿಜಾರುಗಳಲ್ಲಿ ಸ್ವಾಭಾವಿಕವಾಗಿ ಬೆಳೆಯುವ ಫಂಗೈ ಬೆಳೆ ತನ್ನ ವಿನ್ಯಾಸ, ಪರಿಮಳ ಮತ್ತು ಹೆಚ್ಚು ಸಮಯ ಬಾಳುವಿಕೆಯಿಂದಾಗಿ ಪ್ರಸಿದ್ಧಿ ಹೊಂದಿದೆ.
ಇದನ್ನೂ ಓದಿ: ವಿದ್ಯಾರ್ಥಿನಿ ಅಪಹರಣ! ತನಿಖೆ ನಡೆಸಿದ ಪೊಲೀಸರಿಗೆ ಕಾದಿತ್ತು ಶಾಕ್
ಚಳಿಗಾಲದ ನಂತರದಲ್ಲಿ ಉಂಟಾದ ಮಳೆಯಿಂದಾಗಿ ಫಂಗೈ ಬೆಳೆ ಈ ಬಾರಿ ಉತ್ತರ ಭಾರತದ ಕೆಲವೆಡೆ ಈ ಬಾರಿ ಸಮೃದ್ಧವಾಗಿ ಬೆಳೆದಿದೆ. ಇವುಗಳಲ್ಲಿ ಸುಮಾರು 90 ಶೇ. ಬ್ರಿಟನ್, ಜರ್ಮನಿ, ಇಟಲಿ, ಫ್ರಾನ್ಸ್ ಮತ್ತು ನೆದರ್ಲ್ಯಾಂಡ್ಸ್ ದೇಶಗಳಿಗೆ ರಫ್ತು ಮಾಡಲಾಗುತ್ತಿದೆ. ಯುರೋಪಿಯನ್ ದೇಶದ ಸಸ್ಯಾಹಾರಿಗಳು ಪ್ರಾಣಿಗಳ ಪ್ರೋಟೀನ್ಗಾಗಿ ಮೊರ್ಚೆಲ್ಲಾ ತಳಿ ಮುಶ್ರೂಮ್ಗಳನ್ನು ಹೆಚ್ಚು ಸೇವಿಸುತ್ತಾರೆ. ಹೀಗಾಗಿ ಬೇಡಿಕೆ ಹೆಚ್ಚಿದೆ ಎಂದು ವ್ಯಾಪಾರಿಗಳು ಹೇಳಿಕೊಂಡಿದ್ದಾರೆ.
ಪ್ರತಿ ಕಿ.ಗ್ರಾಂ ಗೆ 41,128 ರೂಪಾಯಿ!
ಸ್ವಾಭಾವಿಕವಾಗಿ ಬೆಳೆಯುವ ಗುಚ್ಚಿ ಅಥವಾ ಮೊರ್ಚೆಲ್ಲಾ ಎಸ್ಕುಲೆಂಟಾ ಪ್ರಭೇದದ ಈ ಮಶ್ರೂಮ್ಗಳು ಹೆಚ್ಚಿನ ಬೆಲೆಗೆ ಮಾರಾಟವಾಗುತ್ತಿದೆ. ಒಂದು ಕೆ.ಜಿ ಒಣಗಿದ ಮಶ್ರೂಮ್ಗೆ ದೇಶೀಯ ಮಾರುಕಟ್ಟೆಯಲ್ಲಿ ಗುಣಮಟ್ಟ ಮತ್ತು ಗಾತ್ರದ ಆಧಾರದ ಮೇಲೆ 8,000 ರಿಂದ 12,000 ರೂ.ವರೆಗೆ ಮಾರಾಟವಾಗುತ್ತಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪ್ರತಿ ಕಿ.ಗ್ರಾಂ ಗೆ 41,128 ರೂಪಾಯಿಗೆ ಮಶ್ರೂಮ್ ರಫ್ತಾಗುತ್ತಿದೆ.
ಇದನ್ನೂ ಓದಿ: ಪಿಎಫ್ಐ ಸಂಘಟನೆ ಜತೆಗೆ ಬಜರಂಗದಳ ಹೋಲಿಕೆ; ಖರ್ಗೆಗೆ ಸಮನ್ಸ್ ನೀಡಿದ ಕೋರ್ಟ್!
ಹೆಚ್ಚಿದ ಬೇಡಿಕೆ
ನೈಸರ್ಗಿಕ ಪರಿಸ್ಥಿತಿಯಲ್ಲಿ ಒಣಗಿದ ನಂತರ ಹೊಸ ಕೊಯ್ಲಿನ ಮಶ್ರೂಮ್ನ್ನು 80-100 ಗ್ರಾಂ.ಗಳಾಗಿ ವಿಂಗಡಿಸಿ ದೇಶೀಯ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ಮೇ ತಿಂಗಳಿನಿಂದ ಜೂನ್ ಅಂತ್ಯದ ವರೆಗೆ ಮಶ್ರೂಮ್ನ ಕೊಯ್ಲು ನಡೆಸಲಾತ್ತದೆ. ಹಿಮಾಚಲದ ತೋಟಗಳಲ್ಲಿ ಕೆಲಸ ಮಾಡುತ್ತಿರುವ ಹೆಚ್ಚಿನ ಸಂಖ್ಯೆಯ ನೇಪಾಳಿಗರು ಕಾಡಿನಲ್ಲಿ ಮುಶ್ರೂಮ್ ಸಂಗ್ರಹಿಸುವ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದಾರೆ. ಶಿಮ್ಲಾ, ಚಂಬಾ, ಕುಲು ಮತ್ತು ಮಂಡಿ ಜಿಲ್ಲೆಗಳ ಒಳಭಾಗದ ದಟ್ಟವಾದ ದೇವದಾರು ಕಾಡುಗಳಲ್ಲಿ ಮೊರ್ಚೆಲ್ಲಾ ತಳಿ ಮುಶ್ರೂಮ್ಗಳನ್ನು ಬೆಳೆಯಲಾಗುತ್ತದೆ. (ಏಜೆನ್ಸೀಸ್)