ಶಾಲೆಯಿಂದ ಕೇಳಿ ಬಂದಿತ್ತು ಮಗುವಿನ ಅಳು ಶಬ್ದ: ಬಂದು ನೋಡಿದವರು ಶಾಕ್​..

ಜೈಪುರ: ಸರ್ಕಾರಿ ಶಾಲೆಯ ಶಿಕ್ಷಕಿಯೊಬ್ಬರು ಮಗುವನ್ನು ತರಗತಿಯಲ್ಲೇ ಬಿಟ್ಟುಕೊಂಡು ಬಾಗಿಲು ಹಾಕಿಕೊಂಡು ಹೋಗಿರುವ ಆಘಾತಕಾರಿ ಘಟನೆಯೊಂದು

ಇದನ್ನೂ ಓದಿ: ಪತ್ನಿಯ ಹತ್ಯೆಗೆ ಯತ್ನಿಸಿದ ಪತಿ: ಮೂರ್ಛೆ ಹೋಗಿದ್ದವಳನ್ನು ಕಂಡು ಗಂಡ ಎಸ್ಕೇಪ್..

ರಾಜಸ್ಥಾನದ ದೌಸಾದಲ್ಲಿ ನಡೆದಿದೆ.

ದೌಸಾದ ರಾಮಸಿಂಗ್‌ಪುರದ ಮಹಾತ್ಮ ಗಾಂಧಿ ಶಾಲೆಯಲ್ಲಿ ಈ ಘಟನೆ ನಡೆದಿದೆ. ಎಂದಿನಂತೆ ಶಾಲೆ ಮುಗಿದ ತಕ್ಷಣ ಟೀಚರ್ ಬಾಗಿಲು ಹಾಕಿಕೊಂಡು ಹೊರ ನಡೆದಿದ್ದು, ಎರಡನೇ ತರಗತಿಯಲ್ಲಿ ಓದುತ್ತಿರುವ್ ಕ್ರಿಶ್ ಕುಮಾರ್ ಎಂಬ ವಿದ್ಯಾರ್ಥಿ ಒಳಗೆಯೇ ಇದ್ದನು. ಇತ್ತ, ಶಾಲೆ ಮುಗಿಸಿ ಬಹಳ ಸಮಯ ಕಳೆದರೂ ಬಾಲಕ ಮನೆಗೆ ಬಾರದೇ ಇದ್ದುದರಿಂದ ಮನೆಯವರು ಆತನಿಗಾಗಿ ಹುಡುಕಾಟ ಆರಂಭಿಸಿದ್ದರು.

ಈ ನಡುವೆ ಅಷ್ಟರಲ್ಲಿ ಶಾಲೆಯ ಕೊಠಡಿಯಲ್ಲಿ ಯಾರೋ ಅಳುತ್ತಿರುವ ಸದ್ದು ಕೇಳಿಸುತ್ತಿದೆ ಎಂದು ದಾರಿಹೋಕರು ಹೇಳಿದ್ದು. ಕೂಡಲೇ ಕುಟುಂಬಸ್ಥರು ಶಾಲೆಗೆ ಧಾವಿಸಿದ್ದಾರೆ. ಈ ವೇಳೆ ಕಿಟಕಿಯ ಬಳಿ ಅಳುತ್ತಾ ಕುಳಿತಿದ್ದ ಬಾಲಕನನ್ನು ನೋಡಿ ಕುಟುಂಬಸ್ಥರು ನಿಟ್ಟುಸಿರು ಬಿಟ್ಟಿದ್ದು, ಮಗುವನ್ನು ಸಮಾಧಾನಪಡಿಸಿದ್ದಾರೆ.

ಘಟನೆ ಬಗ್ಗೆ ತಿಳಿದ ಗ್ರಾಮಸ್ಥರು ರೊಚ್ಚಿಗೆದ್ದಿದ್ದು, ಕೂಡಲೇ ಶಾಲಾ ಆಡಳಿತ ಮಂಡಳಿ ಹಾಗೂ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ನಂತರ ರಾಜಾವತನ್ ಪೊಲೀಸ್ ಠಾಣೆ ಸಿಬ್ಬಂದಿ ಸ್ಥಳಕ್ಕೆ ಬಂದಿದ್ದು, ಶಾಲಾ ಸಿಬ್ಬಂದಿಯನ್ನು ವಾಪಸ್ ಕರೆಸಿಕೊಂಡು ಬಾಗಿಲನ್ನು ತೆಗೆದಿದ್ದಾರೆ. ಘಟನೆಯ ಕುರಿತು ಶಿಕ್ಷಣ ಇಲಾಖೆಯ ಹಿರಿಯ ಅಧಿಕಾರಿಗಳು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.(ಏಜೆನ್ಸೀಸ್​)

https://www.vijayavani.net/pitbull-dog-attack-on-child-while-playing-in-the-park-at-ghaziabad

https://www.vijayavani.net/mentally-challenged-man-chains-drags-body-for-500-mts-on-highway-in-bhagalpur