ವಿವಾಹಿತ ಮಹಿಳೆಯನ್ನು ಸಿವಾನ್ ಜಿಲ್ಲೆಯ ಭಗವಾನ್ಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ಮಘರ್ ಗ್ರಾಮದ ಸಂತು ಪ್ರಸಾದ್ ಅವರ ಪತ್ನಿ ಗುಡ್ಡಿ ದೇವಿ (25) ಎಂದು ಗುರುತಿಸಲಾಗಿದೆ. ವಾಸ್ತವವಾಗಿ, ವಿವಾಹಿತ ಮಹಿಳೆ ಸಂತು ಪ್ರಸಾದ್ ಎಂಬಾತನನ್ನು 2009ರಲ್ಲಿ ಮದುವೆಯಾಗಿದ್ದಳು. ಆ ಬಳಿಕ ಈ ದಂಪತಿಗಳಿಗೆ ಹೆಣ್ಣು ಮಗು ಜನಿಸಿತ್ತು.
ಆದರೆ ನಾಲ್ಕು ವರ್ಷಗಳ ಹಿಂದೆ ಅಣ್ಣನ ಪತ್ನಿ ಹಾಗೂ ಸಂತುವಿನ ನಡುವೆ ಅಕ್ರಮ ಸಂಬಂಧ ಏರ್ಪಟ್ಟಿತ್ತು. ಇದು ಗುಡ್ಡಿಗೆ ಗೊತ್ತಾಗಿದ್ದು, ಅತ್ತಿಗೆಯೊಂದಿಗೆ ಪತಿಗೆ ಇರುವ ಸಂಬಂಧದ ಬಗ್ಗೆ ತಿಳಿದು ಆಕೆ ಪ್ರತಿಭಟನೆಗೆ ಮುಂದಾದಳು. ಯಾವಾಗಲೂ ಜಗಳ ನಡೆಯುತ್ತಿತ್ತು. ಈ ನಡುವೆ, ಸಂತು ಆಕೆಯ ಪತ್ನಿಯನ್ನು ಸೈಕಲ್ ಮೇಲೆ ಸವಾರಿ ಹೋಗುವ ನೆಪದಲ್ಲಿ ಕಬ್ಬಿನ ಗದ್ದೆಗೆ ಕರೆದುಕೊಂಡು ಬಂದು ಟವೆಲ್ನಿಂದ ನೇಣು ಬಿಗಿದು ಕೊಲ್ಲಲು ಯತ್ನಿಸಿದ್ದು ಆಕೆ ಮೂರ್ಛೆ ಹೋಗಿದ್ದಾಳೆ. ಆಕೆ ಸತ್ತಿದ್ದಾಳೆಂದು ಭಾವಿಸಿದ ಸಂತು ಆಕೆಯನ್ನು ಬಿಟ್ಟು ಓಡಿ ಹೋಗಿದ್ದಾನೆ.
ಈ ವೇಳೆ ಆಕೆಯ ತಮ್ಮ ವಿಕ್ಕಿ ತನ್ನ ಅಕ್ಕ ಮನೆಯಲ್ಲಿ ಕಾಣದ ಹಿನ್ನೆಲೆಯಲ್ಲಿ ಹುಡುಕಾಡಿದ್ದು, ಮರದ ಕೆಳಗೆ ಅಕ್ಕನನ್ನು ಕಂಡು ಗಾಬರಿಯಾಗಿ ಕೂಡಲೇ ಆಕೆಯನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದಾನೆ. ನಂತರ ಪೊಲೀಸರಿಗೆ ಮಾಹಿತಿ ನೀಡಲಾಗಿದ್ದು, ಆಕೆಯ ಚೇತರಿಕೆಗಾಗಿ ಪೊಲೀಸರು ಕಾಯುತ್ತಿದ್ದಾರೆ.(ಏಜೆನ್ಸೀಸ್)
