"ಬಲವಂತಕ್ಕೆ ಮದುವೆ ಮಾಡ್ಕೊಂಡೆ, ಅವಳ ಚಾಟಿಂಗ್ ನೋಡಿ ಶಾಕ್ ಆದೆ": ಮಾಜಿ ಪತ್ನಿ ಐಶ್ವರ್ಯ ವಿರುದ್ಧ ತೇಜ್ ಪ್ರತಾಪ್ ಸ್ಫೋಟಕ ಹೇಳಿಕೆ! Tej Pratap Yadav

ಮುಂಬೈ: ಬಿಹಾರದ ಮಾಜಿ ಮುಖ್ಯಮಂತ್ರಿ ಲಾಲು ಪ್ರಸಾದ್​ ಯಾದವ್​ ಪುತ್ರ ಹಾಗೂ ಮಾಜಿ ಸಚಿವ ತೇಜ್​ ಪ್ರತಾಪ್​ ಯಾದವ್​, ರೈಸ್​ ಎಂಡ್​ ಫಾಲ್​ ಎಂಬ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿರುವುದು ಬಹುತೇಕರಿಗೆ ತಿಳಿದಿದೆ. ಈ ಕಾರ್ಯಕ್ರಮದ ಇತ್ತೀಚೆಗೆ ಬಿಡುಗಡೆಯಾದ ಎಪಿಸೋಡ್​ನಲ್ಲಿ, ತೇಜ್​ ಪ್ರತಾಪ್​ ಯಾದವ್​ ತಮ್ಮ ವೈವಾಹಿಕ ಜೀವನ ಹಾಗೂ ವಿಚ್ಛೇದನದ ಬಗ್ಗೆ ಮೌನ ಮುರಿದಿದ್ದಾರೆ.

ನಾನು ಬಲವಂತಕ್ಕೆ ಮದುವೆಯಾಗಿದ್ದೆ!

2018 ರಲ್ಲಿ ಮದುವೆಯಾಗಿದ್ದ ಮಾಜಿ ಸಚಿವ ತೇಜ್​ ಪ್ರತಾಪ್ ಹಾಗೂ ಐಶ್ವರ್ಯ ರೈ, ಮದುವೆಯಾದ ಕೇವಲ 6 ತಿಂಗಳಲ್ಲೇ ಡಿವೋರ್ಸ್​ ಪಡೆದಿದ್ದರು. ಈ ಐಶ್ವರ್ಯ ರೈ, ಬಿಹಾರದ ಪ್ರಭಾವಿ ರಾಜಕಾರಣಿ ಚಂದ್ರಿಕಾ ರಾಯ್​ ಅವರ ಪುತ್ರಿಯಾಗಿದ್ದಾಳೆ. ಐಶ್ವರ್ಯ ರೈ ಆಕೆಯ ಮಾಜಿ ಪ್ರಿಯಕರನ ಜತೆ ಸ್ನೇಹ ಬೆಳೆಸಿದ್ದು, ಹಾಗೂ ತೇಜ್​ ಪ್ರತಾಪ್​ ಜೊತೆಗೆ ನಿರಂತರವಾಗಿ ಜಗಳವಾಡುತ್ತಿದ್ದ ಹಿನ್ನಲೆ ಈ ಜೋಡಿ ವಿಚ್ಚೇದನ ಪಡೆದುಕೊಂಡಿದ್ದರೆಂದು ಹೇಳಲಾಗುತ್ತಿತ್ತು.

ಈಗ, ಈ ವಿಚಾರದ ಬಗ್ಗೆ ಮುಕ್ತವಾಗಿ ಮಾತನಾಡಿರುವ ತೇಜ್​ ಪ್ರತಾಪ್​ ಯಾದವ್​, ನಾನು ಆ ಸಮಯದಲ್ಲಿ ಬಿಹಾರದ ಆರೋಗ್ಯ ಸಚಿವನಾಗಿದ್ದೆ, ಮನೆಯವರ ಒತ್ತಾಯಕ್ಕೆ ಮಣಿದು ನಾವಿಬ್ಬರು ಮದುವೆ ಮಾಡಿಕೊಂಡೆವು. ನನ್ನ ವ್ಯಕ್ತಿವೇ ಬೇರೆಯಾಗಿತ್ತು, ಅವಳಿದ್ದಿದ್ದೇ ಬೇರೆ, ಹೀಗಾಗಿ ದಿನಾಲೂ ನಮ್ಮ ನಡುವೆ ಜಗಳವಾಗುತ್ತಿತ್ತು. ಹೀಗಾಗಿ ನಾವು ಡಿವೋರ್ಸ್​ ಪಡೆಯಬೇಕಾಯಿತು ಎಂದಿದ್ದಾರೆ.

ಅವಳು 'ಐ ಲವ್​ ಯೂ' ಎಂದಿದ್ದಳು!

ಇನ್ನೂ ಅವಳಿಗೆ ಪಾರ್ಟಿ ಮಾಡುವ ವಿಪರೀತ ಹುಚ್ಚಿತ್ತು. ಬೆಳಿಗ್ಗೆ 4-5 ಗಂಟೆವರೆಗೆ ತನ್ನ ಸ್ನೇಹಿತರೊಂದಿಗೆ ಪಾರ್ಟಿ ಮಾಡುತ್ತಾ, ಸಿಗರೇಟ್​ ಸೇದುತ್ತಾ, ಸರಾಯಿ ಕುಡಿಯುತ್ತಿದ್ದಳು. ಅವಳಿಗೆ ತಾನೊಬ್ಬಳು ಮದುವೆಯಾದವಳು ಎನ್ನುವ ಯಾವುದೇ ಪರಿವಿರಲಿಲ್ಲ. ಒಂದು ದಿನ ಅವಳು, ಆಕೆಯ ಬಾಯ್​ಫ್ರೆಂಡ್​ ಜೊತೆ ಮಾಡಿದ್ದ ಚಾಟಿಂಗ್​ ನೋಡಿದೆ. ಅದರಲ್ಲಿ ಐಶ್ವರ್ಯ ಆತನಿಗೆ, ಐ ಲವ್​ ಯೂ ಎಂದು ಮೆಸೇಜ್​ ಕಳುಹಿಸಿದ್ದಳು. ಇದನ್ನು ನೋಡಿ ನನ್ನ ಮನಸ್ಸಿಗೆ ತುಂಬಾ ನೋವಾಯಿತು ಎಂದು ತೇಜ್​ ಪ್ರತಾಪ್​ ಬಹಳ ನೊಂದುಕೊಂಡಿದ್ದಾರೆ.

ಕೆಲ ದಿನಗಳ ವರೆಗೆ ನನಗೆ ನನ್ನ ಮನೆಗೂ ಹೊಗಲು ಮನಸ್ಸಾಗುತ್ತಿರಲಿಲ್ಲ, ಗೆಳೆಯರ ಮನೆಯಲ್ಲಿಯೇ ಇದ್ದುಬಿಡುತ್ತಿದೆ. ನಂತರ ಒಂದು ದಿನ ಮನೆಗೆ ಹೋಗಿ ಅಪ್ಪ-ಅಮ್ಮನ ಬಳಿ ನನಗೆ ಅವಳೊಂದಿಗೆ ಜೀವನ ನಡೆಸಲು ಸಾಧ್ಯವಿಲ್ಲ ಎಂದು ಹೇಳಿದೆ. ನಂತರ ನಾನು ಕೋರ್ಟ್​ಗೆ ಅರ್ಜಿ ಸಲ್ಲಿಸಿದೆ, ಹಾಗೂ ಅಲ್ಲಿ, ಇವಳು ತನ್ನ ಬಾಯ್​ಫ್ರೆಂಡ್​ ಜೊತೆ ನಡೆಸಿದ್ದ ಚಾಟಿಂಗ್​ಅನ್ನು ಪ್ರಸ್ತುತ ಪಡಿಸಿದ್ದೆ ಎಂದು ತೇಜ್​ ಪ್ರತಾಪ್​ ಹೇಳಿದ್ದಾರೆ, (ಏಜೆನ್ಸೀಸ್​).