ಮೋಹನ್ (ರಾಘವೇಂದ್ರ ರಾಜಕುಮಾರ್) ಮತ್ತು ಸಾಹಿರ ಭಾನು (ಶೃತಿ), ಹಿಂದೂ ಪತಿ - ಮುಸ್ಲಿಂ ಪತ್ನಿ. ಧರ್ಮಗಳನ್ನು ಮೀರಿದ ಪ್ರೀತಿ, ಮನೆಯವರನ್ನು ವಿರೋಧಿಸಿ 10 ವರ್ಷಗಳ ಹಿಂದೆ ಮದುವೆಯಾಗಿರುತ್ತಾರೆ. ಕೊಟ್ಟಿಗೆಹಾರದಲ್ಲಿ ಮೋಹನ್ ಗುಜರಿ ಅಂಗಡಿ ಇಟ್ಟುಕೊಂಡಿದ್ದರೆ, ಸಾಹಿರಾ ಟೀ ಅಂಗಡಿ ನಡೆಸುತ್ತಿರುತ್ತಾಳೆ. ಅಕ್ಕಪಕ್ಕದಲ್ಲಿರುವ ಈ ಅಂಗಡಿಗಳಿಗೆ ‘ರಾಮ್-ರಹೀಮ್’ ಎಂದು ಹೆಸರು. ತಾವಾಯಿತು, ತಮ್ಮ ಜೀವನವಾಯಿತು ಎಂದು ಆರಾಮಾಗಿರುವ ಈ ದಂಪತಿಗೆ ಕೋಟಿಗಟ್ಟಲೆ ಹಣ ಸಿಗುತ್ತದೆ. ಅಲ್ಲಿಂದ ಸುಖಕ್ಕಿಂತ ಕಷ್ಟಗಳೇ ಹೆಚ್ಚಾಗುತ್ತವೆ. ಜತೆಗೆ ಮೋಹನ್ ಹಿನ್ನೆಲೆಯ ಬಗ್ಗೆಯೂ ತಿಳಿಯುತ್ತದೆ. ಆ ಹಣ ಯಾರದು? ಯಾರ ಬಳಿ ಇತ್ತು? ಇವರಿಗೆ ಹೇಗೆ ಸಿಕ್ಕಿತು? ಹೀಗೆ ಚಿತ್ರದಲ್ಲಿ ಎಲ್ಲ ಪ್ರಶ್ನೆಗಳಿಗೆ ಉತ್ತರ ದೊರೆಯುತ್ತದೆ. ಆದರೆ, ಮುಂದೇನು? ಎನ್ನುವುದಕ್ಕೆ ‘ಭಾಗ 2’ರಲ್ಲಿ ಲಿಂಕ್ ಕೊಟ್ಟಿದ್ದಾರೆ ನಿರ್ದೇಶಕ ನರೇಂದ್ರ ಬಾಬು.
