ಬೆಂಗಳೂರು: ನಟ ಧ್ರುವ ಸರ್ಜಾ ಅವರ ಅಭಿಮಾನಿಗಳನ್ನು ವರ್ಣಿಸಲು ಪದಗಳನ್ನು ಹುಡುಕಬೇಕು. ಹೌದು, ಎಲ್ಲಿ ಹೋದರೂ ನಟ ಧ್ರುವ ಸರ್ಜಾ ಆ ಸ್ಥಳದಲ್ಲಿ ಕಾಣಿಸಿಕೊಂಡರೆ ಸಾಕು, ಬರೀ ಧ್ರುವ ಸರ್ಜಾಗೆ ಜೈಕಾರ ಹಾಕುತ್ತಾರೆ. ಧ್ರುವ ಅವರ ಅಭಿಮಾನಿಗಳ ಪ್ರೀತಿ ಕಂಡು ಎಲ್ಲರ ಕಣ್ತುಂಬಿಕೊಳ್ಳುತ್ತೆ. ಆದರೆ, ನಟಿ ರಚಿತಾ ರಾಮ್ ಅವರಿಗೆ ಯಾಕೋ ಧ್ರುವ ಸರ್ಜಾ ಅಭಿಮಾನಿಗಳ ಮೇಲೆ ಸಿಕ್ಕಾಪಟ್ಟೆ ಕೋಪ ಬಂದಿದೆ. ಯಾಕೆ ಅಂತೀರಾ? ಅಂದಹಾಗೆ, ನಟಿ ರಚಿತಾ ರಾಮ್ ಅವರ 'ಲವ್ ಯು ರಚ್ಚು' ಸಿನಿಮಾ ಈಗ ರಿಲೀಸ್ಗೆ ರೆಡಿಯಾಗಿದೆ. ಚಿತ್ರ ಈಗಾಗಲೇ ಬಹಳಷ್ಟು ಕಾರಣಗಳಿಗೆ ಸುದ್ದಿಯಲ್ಲಿದೆ. ಇನ್ನು, ಗುರುವಾರದಂದು 'ಲವ್ ಯು ರಚ್ಚು' ಟ್ರೈಲರ್ ರಿಲೀಸ್ ಆಗಿದೆ. ಟ್ರೈಲರ್ ರಿಲೀಸ್ ಕಾರ್ಯಕ್ರಮಕ್ಕೆ ನಟ ಧ್ರುವ ಸರ್ಜಾ ಅವರೆ ಅತಿಥಿಯಾಗಿದ್ದರು.
