ತಾಲಿಬಾನಿಗಳ ಗುಂಡಿಗೆ ಎದೆಯೊಡ್ಡಿ ನಿಂತ ಆಫ್ಘಾನ್​ ಮಹಿಳೆ: ವೈರಲ್​ ಫೋಟೋ ಸಾರಿದ ಸಂದೇಶವಿದು!

ಕಾಬುಲ್​: ಅಫ್ಘಾನಿಸ್ತಾನದ ಧೀರ ಮಹಿಳೆಯೊಬ್ಬಳು ತಮ್ಮ ವೈಯಕ್ತಿಕ ಹಕ್ಕುಗಳು ಮತ್ತು ಸ್ವಾತಂತ್ರ್ಯಗಳನ್ನು ಎತ್ತಿಹಿಡಿಯಲು ಪ್ರತಿಭಟನೆಯ ವೇಳೆ ತಾಲಿಬಾನಿಗಳು ಗುಂಡಿಗೆ ಎದೆಯೊಡ್ಡಿ ನಿಂತ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ಧೈರ್ಯ ಪ್ರದರ್ಶಿಸಿದ ಮಹಿಳೆಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.

ಆಫ್ಘಾನ್​ನ ಅನೇಕ ನಗರಗಳಲ್ಲಿ ತಾಲಿಬಾನಿಗಳ ವಿರುದ್ಧ ಭಾರೀ ಹೋರಾಟ ನಡೆಯುತ್ತಿದ್ದು, ಈ ಒಂದು ವೈರಲ್​ ಫೋಟೋ ಅದಕ್ಕೆ ಉದಾಹರಣೆಯಾಗಿದೆ. ಈ ಫೋಟೋವನ್ನು ಮಂಗಳವಾರ ಪಾಕಿಸ್ತಾನ ವಿರೋಧಿ ಪ್ರತಿಭಟನೆಯ ವೇಳೆ ಕಾಬುಲ್​ನ ಬೀದಿಯಲ್ಲಿ ಸೆರೆಹಿಡಿಯಾಗಲಿದೆ. ಪ್ರತಿಭಟನೆಯನ್ನು ಹತ್ತಿಕ್ಕಲು ಕೆಲ ತಾಲಿಬಾನ್​ ಉಗ್ರರು ಹಿಜಾಬ್​ ಧರಿಸಿದ್ದ ಪ್ರತಿಭಟನಾ ನಿರತ ಮಹಿಳೆಯತ್ತ ಗನ್​ ಹಿಡಿದು ನಿಂತರು. ಆದರೂ ಆ ಮಹಿಳೆ ಮಾತ್ರ ಯಾವುದಕ್ಕೂ ಹೆದರದೆ ಎದೆಯೊಡ್ಡಿ ನಿಂತರು. ಕಾಬುಲ್​ನಲ್ಲಿರುವ ಪಾಕಿಸ್ತಾನ ರಾಯಭಾರ ಕಚೇರಿ ಸಮೀಪವೇ ಈ ಪ್ರಸಂಗವೆಲ್ಲ ಜರುಗಿತು.

ರಾಯಿಟರ್ಸ್​ ಪತ್ರಕರ್ತ ಈ ಫೋಟೋವನ್ನು ಸರೆಹಿಡಿದಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ ಕೆಲವೇ ಕ್ಷಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದ್ದು, ಈ ಫೋಟೋ ತಾಲಿಬಾನ್​ ವಿರುದ್ಧ ಆಫ್ಘಾನ್​ ಮಹಿಳೆಯರ ನಿರ್ಣಯದ ಸಂದೇಶವನ್ನು ಸಾರಿದೆ. ತಾಲಿಬಾನ್​ ಆಡಳಿತ ಅಡಿಯಲ್ಲಿ ಜೀವಿಸುವುದು ಕಷ್ಟವೆಂದು ಅರಿತಿರುವ ಹೆಣ್ಣು ಮಕ್ಕಳು ತಮ್ಮ ಹಕ್ಕುಗಳಿಗಾಗಿ ತಾಲಿಬಾನಿಗಳ ವಿರುದ್ಧ ಹೋರಾಟಕ್ಕೆ ಇಳಿದಿದ್ದಾರೆ. ಆಫ್ಘಾನ್​ ಅನೇಕ ನಗರಗಳಲ್ಲಿ ತಾಲಿಬಾನಿಗಳ ವಿರುದ್ಧ ತೀವ್ರ ಪ್ರತಿಭಟನೆಗಳು ವ್ಯಕ್ತವಾಗುತ್ತಿವೆ.

ತಾಲಿಬಾನ್​ಗೆ ಸವಾಲಾಗಿದ್ದ ಪಂಜ್​ಶೀರ್​ ಪಾಂತ್ರವನ್ನು ಕುತಂತ್ರಿ ಪಾಕ್​ ಸಹಾಯದಿಂದ ತಾಲಿಬಾನ್​ ವಶಪಡಿಸಿಕೊಂಡ ಬೆನ್ನಲ್ಲೇ ಪಾಕ್​ ವಿರುದ್ಧ ಬೀದಿಗಳಿಗೆ ಆಫ್ಘಾನ್​ನ ನಾಗರಿಕರು, ಪಾಕ್​ ವಿರೋಧಿ ಘೋಷಣೆಗಳನ್ನು ಕೂಗಿ ಕಾಬುಲ್​ ಸೇರಿದಂತೆ ಅನೇಕ ನಗರಗಳಲ್ಲಿ ಪ್ರತಿಭಟನೆ ನಡೆಸಿದರು. ಪಾಕಿಸ್ತಾನ ರಾಯಭಾರ ಕಚೇರಿಯ ಹೊರಗಡೆ ಅನೇಕ ಆಫ್ಘಾನ್ನರು ಜಮಾಯಿಸಿದ್ದು, ಪಾಕ್​ ನಡೆಯನ್ನು ವಿರೋಧಿಸಿ ಪ್ರತಿಭಟನೆ ನಡೆಸುತ್ತಿದ್ದಾರೆ.

ಇನ್ನು ತಾಲಿಬಾನ್​ ಸದಸ್ಯರು ಪ್ರತಿಭಟನಾಕರರನ್ನು ಚದುರಿಸಲು ಪದೇಪದೆ ಗಾಳಿಯಲ್ಲಿ ಗುಂಡು ಹಾರಿಸುತ್ತಿದ್ದಾರೆಂದು ತಿಳಿದುಬಂದಿದೆ. (ಏಜೆನ್ಸೀಸ್​)

https://www.vijayavani.net/r-anchor-anushree-prashanth-sambargi-sandalwood-drugs-case-mangaluru-police/

https://www.vijayavani.net/r-mangaluru-anchor-anushree-sandalwood-drug-case-mangaluru-police/

https://www.vijayavani.net/r-tv-serial-actor-nimisha-complains-of-threat-verbal-abuse/