ಮೊದಲ ಮದುವೆ ಮರೆಮಾಚಿ ಯುವತಿಯೊಂದಿಗೆ ವಿವಾಹೇತರ ಸಂಬಂಧ ಹೊಂದಿದ್ದ ಎಸ್​ಐಗೆ ಶಾಕ್​!

ಹೈದರಾಬಾದ್​: ಮೊದಲ ಮದುವೆಯನ್ನು ಮರೆಮಾಚಿ ವಿವಾಹೇತರ ಸಂಬಂಧವನ್ನು ಮುಂದುವರಿಸಿದ್ದ ಪೊಲೀಸ್​ ಸಬ್​ ಇನ್ಸ್​ಪೆಕ್ಟರ್​ನನ್ನು ಹೈದರಾಬಾದ್​ ನಗರ ಪೊಲೀಸ್​ ಆಯುಕ್ತ ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ.

ಟಾಪ್ಪಚಬುತ್ರ ಪೊಲೀಸ್​ ಠಾಣೆಯ ಎಸ್​ಐ ಮಧು ಎಂಬುವರನ್ನು ಅಮಾನತು ಮಾಡಲಾಗಿದೆ. ಮೊದಲ ಮದುವೆಯನ್ನು ಮುಚ್ಚಿಟ್ಟು ಮದುವೆಯಾಗುವುದಾಗಿ ಮತ್ತೊಂದು ಯುವತಿಯನ್ನು ನಂಬಿಸಿ, ಆಕೆಯೊಂದಿಗೆ ದೈಹಿಕ ಸಂಬಂಧ ಇಟ್ಟುಕೊಂಡು ಇದೀಗ ವಂಚಿಸಿರುವ ಆರೋಪ ಕೇಳಿಬಂದಿದೆ. ಈ ಸಂಬಂಧ ಸಂತ್ರಸ್ತ ಯುವತಿ ಎಸ್​ಐ ಮಧು ವಿರುದ್ಧ ದೂರು ನೀಡಿದ್ದಾಳೆ.

ಮಧು ಹಿಂದೆ ಚಿಕ್ಕಲಗುಡ ಮತ್ತು ಬೆಗುಂಪೇಟೆ ಪೊಲೀಸ್​ ಠಾಣೆಗಳಲ್ಲಿ ಎಸ್​ಐ ಆಗಿ ಕೆಲಸ ಮಾಡಿದ್ದು, ಕೆಲವು ತಿಂಗಳ ಹಿಂದೆ ಟಾಪ್ಪಚಬುತ್ರಗೆ ವರ್ಗಾವಣೆ ಮಾಡಲಾಗಿತ್ತು. ಸಂತ್ರಸ್ತ ಯುವತಿ ಬೆಗುಂಪೇಟೆ ಹಾಗೂ ಟಾಪ್ಪಚಬುತ್ರ ಪೊಲೀಸ್​ ಠಾಣೆಗಳಲ್ಲಿ ದೂರು ದಾಖಲಿಸಿದ್ದಾಳೆ. ಅಲ್ಲದೆ, ಪಶ್ಚಿಮ ವಲಯದ ಡಿಸಿಪಿ ಕಚೇರಿಯಲ್ಲೂ ಪ್ರಕರಣ ದಾಖಲಿಸಿದ್ದಾಳೆ.

ಮದುವೆಯಾಗುವುದಾಗಿ ನನ್ನನ್ನು ನಂಬಿಸಿ, ವಿವಾಹೇತರ ಸಂಬಂಧವನ್ನು ಬೆಳೆಸಿದ್ದಾರೆ. ಇದೀಗ ಮದುವೆ ಆಗು ಅಂದರೆ ತಿರಸ್ಕರಿಸುತ್ತಿದ್ದಾರೆ. ಅಲ್ಲದೆ, ಮೊದಲೇ ಮದುವೆ ಆಗಿರುವುದನ್ನು ಮುಚ್ಚಿಟ್ಟು ವಂಚನೆ ಮಾಡಿದ್ದಾರೆಂದು ಯುವತಿ ದೂರಿದ್ದಾಳೆ. ಈ ಮಧ್ಯೆ ನನ್ನ ದೂರಿಗೆ ಪೊಲೀಸರು ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂದು ಇದೇ ತಿಂಗಳ 19ರಂದು ಸಿಕಂದರಬಾದ್​ ಪೊಲೀಸ್​ ಪರೇಡ್​ ಮೈದಾನದ ಬಳಿ ಕೈ ಕುಯ್ದುಕೊಂಡು ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ್ದಳು. ಬಳಿಕ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿದೆ.

ಇದಾದ ಬಳಿಕ ಬೆಗುಂಪೇಟ್​ ಠಾಣೆಯಲ್ಲಿ ಪ್ರಕರಣವನ್ನು ಗಂಭೀರವಾಗಿ ತೆಗೆದುಕೊಳ್ಳಲಾಯಿತು. ಪ್ರಕರಣ ಪೊಲೀಸ್​ ಆಯುಕ್ತರ ಗಮನಕ್ಕೆ ಬಂದಿದ್ದು, ಸದ್ಯ ಎಸ್​ಐ ಮಧುರನ್ನು ಪೊಲೀಸ್​ ಆಯುಕ್ತರು ಅಮಾನತು ಮಾಡಿದ್ದಾರೆ. ಹಿಂದೆ ಚಿಕಲಗುಡದಲ್ಲಿ ಕೆಲಸ ಮಾಡುವಾಗಲೂ ಅಮಾನತಾಗಿದ್ದರು. (ಏಜೆನ್ಸೀಸ್​)

https://www.vijayavani.net/cm-discussion-is-more-at-delhi/

https://www.vijayavani.net/arvind-and-divya-uruduga-fight/

https://www.vijayavani.net/r-priyamani-marriage-to-mustafa-raj-is-invalid-his-first-wife-alleges/