ಚೆನ್ನೈ: ಚಸ್ಮಾ ಸುಂದರಿ ಹಾಗೂ ನ್ಯಾಷನಲ್ ಕ್ರಷ್ ಎಂದೇ ಖ್ಯಾತಿಯಾಗಿರುವ ನಟಿ ರಶ್ಮಿಕಾ ಮಂದಣ್ಣರ ನಟನೆ ಮತ್ತು ಸೌಂದರ್ಯಕ್ಕೆ ಸಾಕಷ್ಟು ಮಂದಿ ಫಿದಾ ಆಗಿದ್ದಾರೆ. ರಶ್ಮಿಕಾರ ಕ್ಯೂಟ್ ವಿಡಿಯೋಗಳು ಸಾಕಷ್ಟು ವೈರಲ್ ಆಗುತ್ತಿರುತ್ತವೆ. ಆದರೆ, ಇದೀಗ ತಲೆ ಬೋಳಿಸಿರುವ ರಶ್ಮಿಕಾರ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಫೋಟೋ ನೋಡಿದ ಅನೇಕರಿಗೆ ಶಾಕ್ ಆಗಿದ್ದರೆ, ಅಭಿಮಾನಿಗಳ ಆಕ್ರೋಶದ ಕಟ್ಟೆ ಒಡೆದಿದೆ. ಅಂದಹಾಗೆ ರಶ್ಮಿಕಾ ತಲೆ ಬೋಳಿಸಿರುವ ಫೋಟೋಗಳು ಕಂಡುಬಂದಿರುವುದು ತಮಿಳುನಾಡಿನಲ್ಲಿ. ಅದರಲ್ಲೂ ಸಲೂನ್ಗಳ ಜಾಹಿರಾತು ಫಲಕಗಳಲ್ಲಿ ಈ ಫೋಟೋಗಳು ರಾರಾಜಿಸುತ್ತಿವೆ. ತಮ್ಮ ಸಲೂನ್ ಉದ್ಯಮದ ಜಾಹಿರಾತಿಗಾಗಿ ಫೋಟೋ ಅಳವಡಿಸಿದ್ದಾರೆಂದು ತಿಳಿದುಬಂದಿದೆ.
ಇನ್ನೊಂದೆಡೆ ರಶ್ಮಿಕಾರ ಇದೇ ಫೋಟೋ ಮೀಮ್ಸ್ ಹಾಗೂ ಟ್ರೋಲಿಗರ ದಾಳವಾಗಿದೆ. ರಶ್ಮಿಕಾರೇ ಮೊದಲಲ್ಲ. ಈ ಹಿಂದೆ ಕೀರ್ತಿ ಸುರೇಶ್ ಮತ್ತು ನಯನತಾರಾರ ತಲೆ ಬೋಳಿಸಿರುವ ಫೋಟೋಗಳು ಸಹ ವೈರಲ್ ಆಗಿದ್ದವು.
ರಶ್ಮಿಕಾ ಅಭಿನಯದ ಕಾಲಿವುಡ್ನ ಮೊದಲ ಚಿತ್ರ ಸುಲ್ತಾನ್ ಗಲ್ಲಾಪೆಟ್ಟಿಗೆಯಲ್ಲಿ ಸದ್ದು ಮಾಡದ ಕಾರಣ ಈ ರೀತಿ ಮಾಡಿದ್ದಾರೆಂಬ ಆರೋಪಗಳು ಸಹ ಕೇಳಿಬಂದಿದೆ. ಸದ್ಯ ಅಭಿಮಾನಿಗಳು ಸಾಕಷ್ಟು ಆಕ್ರೋಶವನ್ನು ಹೊರಹಾಕಿದ್ದು, ರಶ್ಮಿಕಾರ ಪ್ರತಿಕ್ರಿಯೆಗೆ ಎದುರು ನೋಡುತ್ತಿದ್ದಾರೆ. (ಏಜೆನ್ಸೀಸ್)