ಮೀನುಗಾರರ ಬಲೆಗೆ ಬಿತ್ತು ಇದುವರೆಗೂ ನೋಡಿರದ ಅಪರೂಪದ ಮೀನು: ಏನಿದರ ವಿಶೇಷತೆ?

ಎರ್ನಾಕುಲಂ: ಕೇರಳದ ಎರ್ನಾಕುಲಂ ಜಿಲ್ಲೆ ಚೆರೈನಲ್ಲಿ ಮೀನಾಗಾರರ ಬಲೆಗೆ ವಿರಾಳತಿ ವಿರಳ ಮೀನೊಂದು ಬಿದ್ದಿದೆ. ಇದೊಂದು ಅಪರೂಪದ ಜಾತಿಯ ಮೀನಾಗಿದ್ದು, ಅದನ್ನು ನೋಡಲು ಸ್ಥಳೀಯರು ಮುಗಿಬಿದ್ದಿದ್ದಾರೆ.

ನೋಡಲು ಜೆಲ್ಲಿಫಿಶ್​ನಂತೆಯೇ ಈ ಮೀನು ಕಾಣುತ್ತದೆ. ಕಿತ್ತಳೆ ಬಣ್ಣದಲ್ಲಿದ್ದು, ಅದರ ಕೆಂಪು ಬಣ್ಣದ ರೆಕ್ಕೆಗಳ ಮೇಲೆ ಬಿಳಿ ಪಟ್ಟೆಗಳಿವೆ. ಸಮತಟ್ಟಾದ ದೇಹವನ್ನು ಹೊಂದಿದ್ದು, ಈ ಮೀನು 8 ಇಂಚು ಉದ್ದ ಮತ್ತು 200 ಗ್ರಾಂ ತೂಕವಿದೆ.

ಶುಕ್ರವಾರ ಮೀನು ಹಿಡಿಯಲು ಕುಜುಪ್ಪೊಳ್ಳಿಯಿಂದ ಮೀನುಗಾರರು ಸಣ್ಣ ದೋಣಿಯಲ್ಲಿ ಹೋದಾಗ ಚೆರೈನಲ್ಲಿ ಈ ಮೀನು ಬಲೆಗೆ ಬಿದ್ದಿದೆ. ಅಂದಹಾಗೆ ಚೆರೈ, ವೈಪಿನ್ ದ್ವೀಪದ ಉತ್ತರ ಭಾಗದಲ್ಲಿರುವ ಚಿಕ್ಕ ಪಟ್ಟಣ. ಈ ಪಟ್ಟಣವು ಕೊಚ್ಚಿನ್, ಉತ್ತರ ಪ್ರಾವೂರ್ ಮತ್ತು ಕೊಡುಂಗಲ್ಲೂರಿಗೆ ಸಂಪರ್ಕಿಸುತ್ತದೆ. ಚೆರೈ ಎರ್ನಾಕುಲಂ ಜಿಲ್ಲೆಗೆ ಸೇರಿದೆ.

ಇದುವರೆಗೂ ಇಂತಹ ಮೀನನ್ನು ನಾವು ನೋಡಿಯೇ ಇಲ್ಲ ಎಂದು ಮೀನುಗಾರರು ಅಚ್ಚರಿಯನ್ನು ವ್ಯಕ್ತಪಡಿಸಿದ್ದಾರೆ. ಬಲೆಗೆ ಬಿದ್ದ ಮೀನನ್ನು ಒಂದು ಬಕೆಟ್​ನಲ್ಲಿ ಸಮುದ್ರದ ನೀರು ತುಂಬಿಸಿಕೊಂಡು ಅದರೊಳಗೆ ಇಟ್ಟು ಜೋಪಾನವಾಗಿ ತಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-dead-man-gets-vaccine-second-dose-of-vaccine-in-december-for-a-person-who-died-in-may/

https://www.vijayavani.net/s-pilot-saw-alien-in-sky-video-viral/

https://www.vijayavani.net/r-jr-ntr-watch-bap-ray-tarak-watch-for-four-crores/