ದುಬಾರಿ ಆ್ಯಪಲ್ ವಾಚ್​ ಬುಕ್​ ಮಾಡಿದ್ದ ಖ್ಯಾತ ನಟನಿಗೆ ಶಾಕ್​ ಕೊಟ್ಟ ಆನ್​ಲೈನ್​ ಕಂಪನಿ: ಕೋರ್ಟ್​ನಲ್ಲಿ ಕೇಸ್​ ರಿವರ್ಸ್​ ​

ನವದೆಹಲಿ: ಆನ್​ಲೈನ್​ನಲ್ಲಿ ಬುಕ್​ ಮಾಡಿದ ಪ್ರಾಡಕ್ಟ್​ ಬದಲಾಗಿ ಬೇರೆ ಪ್ರಾಡಕ್ಟ್​ ಕೈ ಸೇರುವ ಸಾಕಷ್ಟು ಉದಾಹರಣೆಗಳನ್ನು ಈಗಾಗಲೇ ನೋಡಿದ್ದೇವೆ. ಫೋನ್​ ಬದಲಿಗೆ ಸೋಪ್​ ಅಥವಾ ಖಾಲಿ ಬಾಕ್ಸ್​ ಪಡೆದುಕೊಂಡಿರುವುದನ್ನು ಕಂಡಿದ್ದೇವೆ. ಇಂತಹ ಕಹಿ ಅನುಭವ ಸಾಮಾನ್ಯ ವ್ಯಕ್ತಿಗೆ ಮಾತ್ರ ಎಂದು ನಾವು ತಿಳಿದುಕೊಂಡಿದ್ದೇವೆ. ಆದರೆ, ಸೆಲೆಬ್ರಿಟಿಗಳು ಕೂಡ ಇದರಿಂದ ಹೊರತಾಗಿಲ್ಲ ಎಂಬುದು ಈ ಸ್ಟೋರಿ ಓದಿದ ಬಳಿಕ ನಿಮಗೆ ತಿಳಿಯುತ್ತದೆ.

ಪ್ರಖ್ಯಾತ ಕಲಾವಿದನ ಹೆಸರು ಮುರಿಲ್ಲೋ ಬೆನಿಸಿಯೋ (50). ಆನ್​ಲೈನ್​ನಲ್ಲಿ ಆ್ಯಪಲ್​ 6ನೇ ಸರಣಿಯ ಸ್ಮಾರ್ಟ್​ವಾಚ್​ ಬುಕ್​ ಮಾಡಿದ್ದರು. ಅದಕ್ಕಾಗಿ ಅವರು 530 ಡಾಲರ್​ (40 ಸಾವಿರ) ಕೂಡ ಪಾವತಿಸಿದ್ದರು. ಬುಕ್​ ಮಾಡಿದ 12 ದಿನಗಳ ಬಳಿಕ ವಾಚ್​ ಪಾರ್ಸೆಲ್​ ಡೆಲಿವರಿಯಾಯಿತು. ಖುಷಿಯಿಂದಲೇ ಬಾಕ್ಸ್​ ತೆರೆದ ಕಲಾವಿದನಿಗೆ ಆಘಾತ ಎದುರಾಗಿತ್ತು. ಏಕೆಂದರೆ, ಅಲ್ಲಿ ವಾಚ್​ ಬದಲಿಗೆ ಕಣ್ಣಿಗೆ ಕಂಡಿದ್ದು ಕಲ್ಲು.

ಬಳಿಕ ಮುರಿಲ್ಲೋ ಬೆನಿಸಿಯೋ ಅವರು ಕೊರ್ರೆಫೊರ್​ ಹೆಸರಿನ ಆನ್​ಲೈನ್​ ಕಂಪನಿಯನ್ನು ಸಂಪರ್ಕಿಸಿದ್ದಾರೆ. ಆದರೆ, ಪ್ರತಿಕ್ರಿಯೆ ನೀಡಲು ಕಂಪನಿ ನಿರಾಕರಿಸಿದೆ. ಹೀಗಾಗಿ ಕಂಪನಿ ವಿರುದ್ಧ ಬೆನಿಸಿಯೋ ನ್ಯಾಯಾಲಯದಲ್ಲಿ ಮೊಕದ್ದಮೆ ಹೂಡಿದ್ದರು. ಹಲವು ಬ್ರ್ಯಾಂಡ್​ಗಳಿಗೆ ರಾಯಭಾರಿಯಾಗಿರುವ ಓರ್ವ ಸೆಲೆಬ್ರಿಟಿಗೆ ಸ್ಟಾರ್ ಹೀರೋಗೆ ಕಿರುಕುಳ ನೀಡುವುದು ಸರಿಯಲ್ಲ ಎಂದು ಅವರ ವಕೀಲರು ನ್ಯಾಯಾಲಯದಲ್ಲಿ ವಾದ ಮಂಡಿಸಿದ್ದು, ಕೊನೆಗೆ ಬೆನಿಸಿಯೋ ಅವರು ಕೇಸ್​ ಗೆದ್ದಿದ್ದಾರೆ. ಮೊದಲೇ ಪಾವತಿಸಿದ್ದ 530 ಡಾಲರ್​ಗೆ ಹೆಚ್ಚುವರಿಯಾಗಿ 1500 ಡಾಲರ್​ ಕೊಡುವಂತೆ ಕೋರ್ಟ್​ ಕಂಪನಿಗೆ ಆದೇಶಿಸಿದೆ. (ಏಜೆನ್ಸೀಸ್​)

https://www.vijayavani.net/r-samantha-ruth-prabhu-replies-to-twitter-user-who-trolled-her-about-divorce-said-she-robbed-50-crore/

https://www.vijayavani.net/fake-news-website-and-youtube-channels-are-blocked/

https://www.vijayavani.net/pro-kabaddi-league-season-8-starts-from-wednesday/

https://www.vijayavani.net/is-the-caste-based-corporation-board-is-against-the-secular-system/