ತಿರುವನಂತಪುರ: ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಸೆಲೆಬ್ರಿಟಿಗಳನ್ನು ಟ್ರೋಲ್ ಮಾಡುವ ಚಾಳಿ ಸಾಮಾನ್ಯವಾಗಿ ಬಿಟ್ಟಿದೆ. ಅದರಲ್ಲೂ ನಟಿಯರ ಮನಸ್ಸು ಕದಡುವಂತಹ ಕಾಮೆಂಟ್ ಮಾಡುವುದು ಕೆಲ ನೆಟ್ಟಿಗರಿಗೆ ಅಭ್ಯಾಸವಾಗಿದೆ. ಒಂದಿಷ್ಟು ನಟಿಯರು ಕಾಮೆಂಟ್ಗಳನ್ನು ನಿರ್ಲಕ್ಷಿಸಿದರೆ, ಇನ್ನೊಂದಿಷ್ಟು ನಟಿಯರು ತಮ್ಮ ವಿರುದ್ಧದ ಕಾಮೆಂಟ್ಗಳಿಗೆ ತಕ್ಕ ಉತ್ತರ ನೀಡುವುದನ್ನು ನೋಡಿದ್ದೇವೆ. ಅದೇ ರೀತಿ ಇದೀಗ ಮಲಯಾಳಂ ಬ್ಯೂಟಿ ನವ್ಯಾ ನಾಯರ್ ತಮ್ಮ ವಿರುದ್ಧದ ಕಾಮೆಂಟ್ಗೆ ತಿರುಗೇಟು ನೀಡಿದ್ದಾರೆ.
ನವ್ಯಾ ನಾಯರ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ಇತ್ತೀಚೆಗೆ ಅವರು ರೆಸಾರ್ಟ್ ಒಂದರಲ್ಲಿ ತೆಗೆದ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದರು. ಅದಕ್ಕೆ ನೀವು ನಿರ್ಭೀತರಾಗಲು ಬಯಸಿದರೆ, ಪ್ರೀತಿಯನ್ನು ಆರಿಸಿ ಎಂದು ಫೋಟೋಗೆ ಅಡಿಬರಹ ನೀಡಿದ್ದರು.
ಫೋಟೋಗೆ ಸಾಕಷ್ಟು ಧನಾತ್ಮಕ ಕಾಮೆಂಟ್ಗಳ ನಡುವೆ ಕೆಲ ನಟ್ಟಿಗರ ಋಣಾತ್ಮಕ ಕಾಮೆಂಟ್ ಸಹ ಮಾಡಿದ್ದಾರೆ. ಅದರಲ್ಲೊಬ್ಬ ನೆಟ್ಟಿಗ, ಗಂಡನನ್ನು ಬಿಟ್ಟು, ಹಣ ಮತ್ತು ಅಭಿಮಾನಿಗಳ ಹಿಂದೆ ಬಿದ್ದ ನಿಮ್ಮ ಬಗ್ಗೆ ನಾನೇನು ಹೇಳಲಿ, ಇರುವುದು ಒಂದೇ ಒಂದು ಜೀವನ. ಖುಷಿಯಾಗಿರಿ ಎಂದು ಕಾಮೆಂಟ್ ಮಾಡಿದ್ದಾನೆ.
ನೆಟ್ಟಿಗನ ಕಾಮೆಂಟ್ಗೆ ಪ್ರತ್ಯುತ್ತರ ನೀಡಿರುವ ನವ್ಯಾ ನಾಯರ್, ಇದೆಲ್ಲವನ್ನು ನಿಮಗೆ ಯಾರು ಹೇಳಿದ್ದು? ಆದರೂ ನೀವು ಹೇಳಿದ ಕೊನೆಯ ಸಾಲು ಸರಿಯಿದೆ. ಇರುವುದೊಂದೆ ಜೀವನ. ನೀವು ಕೂಡ ಖುಷಿಯಾಗಿರಿ. ಅದನ್ನು ಬಿಟ್ಟು ಅನವಶ್ಯಕವಾಗಿ ಯಾಕೆ ದ್ವೇಷವನ್ನು ಹರಡುತ್ತಿದ್ದೀರಾ ಎಂದು ತಿರುಗೇಟು ನೀಡಿದ್ದಾರೆ. (ಏಜೆನ್ಸೀಸ್)
ಅಂಕಿತಾ ಭಂಡಾರಿ ಕೊಲೆ ಪ್ರಕರಣ: ಸ್ಫೋಟಕ ಮಾಹಿತಿ ಬಿಚ್ಚಿಟ್ಟ ಉತ್ತರಾಖಂಡದ ಮಾಜಿ ಡಿಜಿಪಿ
VIDEO| ಭೂತದ ಹಿಂದೆ ಬಿದ್ದ ವಾರಣಾಸಿ ಪೊಲೀಸರು: ಏರಿಯಾ ಪೂರ್ತಿ ಗಸ್ತು, ದೆವ್ವದ ವಿಡಿಯೋ ವೈರಲ್
ಹೆಬ್ಬುಲಿ ಚಿತ್ರದ ಖಳನಟ, ಬಿಜೆಪಿ ಸಂಸದ ರವಿ ಕಿಶನ್ಗೆ 3.5 ಕೋಟಿ ರೂ. ವಂಚನೆ: ದೂರು ದಾಖಲು