ಕೊಚ್ಚಿ: ಆನ್ಲೈನ್ನಲ್ಲಿ ಬುಕ್ ಮಾಡಿದ ಪ್ರಾಡಕ್ಟ್ ಬದಲಾಗಿ ಬೇರೆ ಪ್ರಾಡಕ್ಟ್ ಕೈ ಸೇರುವ ಸಾಕಷ್ಟು ಉದಾಹರಣೆಗಳನ್ನು ಈಗಾಗಲೇ ನೋಡಿದ್ದೇವೆ. ಇದೀಗ ಅಂಥದ್ದೇ ಮತ್ತೊಂದು ಪ್ರಕರಣ ಬೆಳಕಿಗೆ ಬಂದಿದೆ. ಆನ್ಲೈನ್ಲ್ಲಿ ವಾಚ್ ಬುಕ್ ಮಾಡಿದ ಗ್ರಾಹಕನಿಗೆ ಆರ್ಡರ್ ಡೆಲಿವರಿ ಬಳಿಕ ಶಾಕ್ ಕಾದಿತ್ತು.
ಈ ಘಟನೆ ಕೇರಳದ ಎರ್ನಾಕುಲಂನಲ್ಲಿ ನಡೆದಿದೆ. ಥಟ್ಟಂಪಾಡಿ ನಿವಾಸಿ ಅನಿಲ್ ಕುಮಾರ್ ಎಂಬುವರು ಪ್ರಮುಖ ಇ-ಕಾಮರ್ಸ್ ಕಂಪನಿಯಲ್ಲಿ 2,200 ರೂಪಾಯಿ ಬೆಲೆ ಬಾಳುವ ವಾಚ್ ಅನ್ನು ಬುಕ್ ಮಾಡಿದ್ದರು.
ಶನಿವಾರ ಮಧ್ಯಾಹ್ನ ಇಬ್ಬರು ಡೆಲಿವರಿ ಏಜೆಂಟ್ಗಳು ಅನಿಲ್ ಕುಮಾರ್ ಅವರ ಮನೆಗೆ ಬಂದು ವಾಚ್ ಡೆಲಿವರಿ ಮಾಡಿದ್ದಾರೆ. ಆದರೆ, ಪ್ಯಾಕೇಜ್ ತುಂಬಾ ತೂಕ ಇರುವುದನ್ನು ನೋಡಿ ಅನುಮಾನಗೊಂಡ ಅನಿಲ್, ತಕ್ಷಣ ಅದನ್ನು ತೆರೆದು ನೋಡಿದ್ದಾರೆ. ಅದರಲ್ಲಿ ವಾಚ್ ಬದಲಾಗಿ ಕಾಂಡೋಮ್ ಜತೆಯಲ್ಲಿ ಕೆಲವು ವಸ್ತುಗಳು ಇರುವುದನ್ನು ನೋಡಿ ಅನಿಲ್ ಶಾಕ್ ಆಗಿದ್ದಾರೆ.
ಇದಾದ ತಕ್ಷಣ ಡೆಲಿವರಿ ಏಜೆಂಟ್ಗಳನ್ನು ತಮ್ಮ ಮನೆಯ ಆವರಣದಲ್ಲೇ ತಡೆದು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪ್ರಕರಣವನ್ನು ದಾಖಲಿಸಿಕೊಂಡಿರುವ ಪೊಲೀಸರು ಇದು ಕಂಪನಿ ಮಾಡಿದ ಎಡವಟ್ಟ? ಅಥವಾ ಸಂಚು ರೂಪಿಸಿ ಮಾಡಿದ ವಂಚನೆಯಾ? ಎಂಬುದನ್ನು ತನಿಖೆ ನಡೆಸುತ್ತಿದ್ದಾರೆ. ಸದ್ಯ ಇಬ್ಬರು ಡಿಲಿವರಿ ಏಜೆಂಟ್ ಪೊಲೀಸ್ ವಶದಲ್ಲಿದ್ದಾರೆ. (ಏಜೆನ್ಸೀಸ್)
18 ವರ್ಷಗಳ ದಾಂಪತ್ಯ ಜೀವನಕ್ಕೆ ಗುಡ್ ಬೈ ಹೇಳಿದ ನಟ ಧನುಷ್: ರಜಿನಿ ಪುತ್ರಿ ಐಶ್ವರ್ಯಾ ಜತೆ ಡಿವೋರ್ಸ್
ಕಾಲಿವುಡ್ಗೆ ಮತ್ತೆ ರಾಗಿಣಿ; ಎಂಟು ವರ್ಷಗಳ ನಂತರ ತಮಿಳು ಚಿತ್ರರಂಗಕ್ಕೆ
ಮೌನಕ್ಕೆ ಜಾರಿದ ಮಾಯಾ: ಪಕ್ಷದಲ್ಲಿ ಕಾಣದ ಉತ್ಸಾಹ; ಬಿಜೆಪಿ-ಎಸ್ಪಿ ನೇರ ಹಣಾಹಣಿ