ಐಪಿಎಲ್​ ಮೆಗಾ ಹರಾಜು 2022: ಎರಡನೇ ದಿನದ ಹರಾಜಿನಲ್ಲಿ ಸೇಲಾದ ಮೊದಲ ಆಟಗಾರ ಈತ

ಬೆಂಗಳೂರು: ಬಹುನಿರೀಕ್ಷಿತ ಐಪಿಎಲ್ 15ನೇ ಆವೃತ್ತಿಯ ಆಟಗಾರರ ಮೆಗಾ ಹರಾಜು ಪ್ರಕ್ರಿಯೆ ಶನಿವಾರ ಆರಂಭವಾಗಿದ್ದು, ಎರಡನೇ ಹಾಗೂ ಅಂತಿಮ ದಿನವಾದ ಇಂದು ಬೆಂಗಳೂರಿನ ಖಾಸಗಿ ಹೋಟೆಲ್‌ನಲ್ಲಿ ಹರಾಜು ಪ್ರಕ್ರಿಯೆ ಆರಂಭವಾಗಿದೆ.

ನಿನ್ನೆ ನಡೆದ ಹರಾಜಿನಲ್ಲಿ ಶ್ರೇಯಸ್ ಅಯ್ಯರ್​, ಮೊಹಮ್ಮದ್​ ಶಮಿ, ಫಾಪ್​ ಡುಪ್ಲೆಸಿಸ್​, ಶಿಖರ್​ ಧವನ್​ ಹಾಗೂ ಆರ್​ ಅಶ್ವಿನ್​ ಸೇರಿದಂತೆ ಅನೇಕ ಸ್ಟಾರ್​ ಆಟಗಾರರ ಜತೆಯಲ್ಲಿ ಕೆಲ ದೇಶಿಯ ಪ್ರತಿಭೆಗಳು ಕೂಡ ಬಿಕರಿಯಾಗಿದ್ದರು. ಇಶಾನ್​ ಕಿಶಾನ್​ 15 ಕೋಟಿ ರೂ.ಗೆ ಮುಂಬೈ ತಂಡಕ್ಕೆ ಸೇಲಾಗುವ ಮೂಲಕ ಮೊದಲ ದಿನ ಅತಿ ಹೆಚ್ಚು ಮೊತಕ್ಕೆ ಸೇಲಾದ ಆಟಗಾರನೆಂಬ ಹೆಗ್ಗಳಿಕೆ ಹೊಂದಿದ್ದಾರೆ.

ಇದೀಗ ಎರಡನೇ ದಿನ ಆರಂಭವಾಗಿರುವ ಹರಾಜಿನಲ್ಲಿ ಮೊದಲ ಆಟಗಾರನಾಗಿ ದಕ್ಷಿಣ ಆಫ್ರಿಕಾದ ಐಡೆನ್​ ಮರ್ಕ್ರಮ್​ ಬಿಕರಿಯಾಗಿದ್ದಾರೆ. ಮರ್ಕ್ರಮ್​ ಅವರನ್ನು ಸನ್​ ರೈಸರ್ಸ್​ ಹೈದರಾಬಾದ್​ ತಂಡ ಖರೀದಿಸಿದೆ. ಉಳಿದಂತೆ ಅಂಜಿಕ್ಯ ರಹಾನೆ 1 ಕೋಟಿ ರೂಪಾಯಿಗೆ ಕೆಕೆಆರ್​ ಪಾಲಾದರೆ, ಮಂದೀಪ್​ ಸಿಂಗ್​ 1.10 ಕೋಟಿಗೆ ಡೆಲ್ಲಿ ಕ್ಯಾಪಿಟಲ್ಸ್​ಗೆ ಸೇಲಾಗಿದ್ದಾರೆ.

ಮಾರ್ನಸ್ ಲ್ಯಾಬುಶೇನ್​ ಮತ್ತು ಇಯಾನ್ ಮಾರ್ಗನ್ ಡೇವಿಡ್​ ಮಲಾನ್​ ಮಾರಾಟವಾಗದೇ ಉಳಿದಿದ್ದಾರೆ. ಹರಾಜು ಪ್ರಕ್ರಿಯೆ ಮುಂದುರಿದಿದೆ. (ಏಜೆನ್ಸೀಸ್​)

https://www.vijayavani.net/r-ipl-mega-auction-2022-live-updates-kkr-buy-shreyas-iyer-faf-du-plessis-joins-rcb-and-warner-returns-to-delhi/

https://www.vijayavani.net/r-kangana-ranaut-takes-a-dig-at-karan-johars-film-says-in-the-name-of-new-age-movies-dont-sell-trash-pls/

https://www.vijayavani.net/r-davanagere-tea-shop-shop-owner-theft-money-cash-counter-money-theft/