ಮೂರು ಮಹಡಿ ಏರಿ ಬಂದು ಬೆಡ್​ರೂಮ್​ನಲ್ಲಿ ಮಲಗಿದ ಗೂಳಿ: ಮನೆಯವರಿಗೆ ಕಾದಿತ್ತು ಶಾಕ್​!

ಭೋಪಾಲ್​: ನಾಯಿ ಮತ್ತು ಬೆಕ್ಕು ಸೇರಿದಂತೆ ಕೆಲವೊಂದು ಸಾಕು ಪ್ರಾಣಿಗಳು ಮನುಷ್ಯರಂತೆಯೇ ಮನೆಯಲ್ಲಿ ಆರಾಮವಾಗಿ ಓಡಾಡಿಕೊಂಡು ಇರುತ್ತವೆ. ವಿಶೇಷವಾಗಿ ನಾಯಿ ಹಾಗೂ ಬೆಕ್ಕು ಮಾಲೀಕರ ಹಿಂದೆ ಸುತ್ತವುದು, ಕಾಲಿಗೆ ಸಿಕ್ಕಿಕೊಳ್ಳುವುದು ಸಾಮಾನ್ಯ. ಇಂತಹ ಪ್ರಾಣಿಗೆ ಬೃಹತ್​ ಗಾತ್ರದ ಕಟ್ಟಡಗಳನ್ನು ಸುಲಭವಾಗಿ ಏರುತ್ತವೆ. ಇಂತಹ ಪ್ರಾಣಿಗಳು ಮನೆಯಲ್ಲಿದ್ದರೆ ಅಚ್ಚರಿಯೇನಿಲ್ಲ.

ಆದರೆ, ಮನೆಯ ಹೊರಗೆ ಕೊಟ್ಟಿಗೆಯಲ್ಲಿ ವಾಸಿಸುವ ಎತ್ತು ಅಥವಾ ಗೂಳಿ ಮನೆಯೊಳಗಿನ ಬೆಡ್​ರೂಮ್​ನಲ್ಲಿ ಕುಳಿತಿದೆ ಅಂದರೆ ಯಾರು ನಂಬಲಾರರು. ಸಾಮಾನ್ಯವಾಗಿ ಗೃಹಪ್ರವೇಶದ ದಿನಗಳಲ್ಲಿ ಮಾತ್ರ ಈ ಪ್ರಾಣಿಗಳನ್ನು ಮನೆಯೊಳಗೆ ಕರೆತರುತ್ತಾರೆ. ಆದರೆ, ಇನ್ನಿತರ ದಿನಗಳಲ್ಲಿ ಅದರ ಸ್ಥಾನವೇನಿದ್ದರೂ ಮನೆಯ ಹೊರಗಡೆಯಷ್ಟೇ. ಆದರೆ, ಇಲ್ಲೊಂದು ಗೂಳಿ ಕಟ್ಟಡದ ಮೂರನೇ ಮಹಡಿಯನ್ನು ಏರಿ ಬೆಡ್​ರೂಮ್​ನಲ್ಲಿ ಕುಳಿತಿದೆ ಅಂದರೆ ಯಾರು ನಂಬುವುದಿಲ್ಲ. ಆದರೆ ನಾವು ಹೇಳುತ್ತಿರುವುದು ಸತ್ಯ.

ಮಧ್ಯಪ್ರದೇಶದಲ್ಲಿ ರೇವಾ ಏರಿಯಾದಲ್ಲಿ ಘಟನೆ ನಡೆದಿದ್ದು, ಮೂರನೇ ಮಹಡಿ ಏರಿ ಬಂದ ಎತ್ತು, ಸುಸ್ತಾಗಿ ಮನೆಯೊಂದರ ಬೆಡ್​ ರೂಮಿಗೆ ತೆರಳಿ ವಿಶ್ರಾಂತಿ ಪಡೆದಿದೆ. ಮನೆಯವರು ಟಿವಿ ನೋಡುವುದರಲ್ಲಿ ನಿರತರಾಗಿದ್ದ ಸಮಯದಲ್ಲಿ ಎತ್ತು ಮನೆಯೊಳಗೆ ಬಂದಿದೆ. ಆದರೆ, ಇದು ಯಾರ ಗಮನಕ್ಕೂ ಬಂದಿಲ್ಲ. ಎತ್ತು ಇಕ್ಕಟಾದ ಮೆಟ್ಟಿಲುಗಳನ್ನು ಏರಿ ಬಂದಿದ್ದು ನಿಜಕ್ಕೂ ಅಚ್ಚರಿ. ಮೊದಲೇ ಸುಸ್ತಾಗಿದ್ದ ಹಸು ಮನೆಯೊಳಗೆ ನುಗ್ಗಿ ಬೆಡ್​ ಮೇಲೆ ಮಲಗಿದೆ.

ಟಿವಿ ನೋಡುತ್ತಿದ್ದವರಲ್ಲಿ ಒಬ್ಬರು ಕೆಲ ಸಮಯದ ಬಳಿಕ ಕೋಣೆಗೆ ಬಂದಾಗ ಎತ್ತನ್ನು ನೋಡಿ ಗಾಬರಿಯಾಗಿದ್ದಾರೆ. ಬಳಿಕ ಎತ್ತನ್ನು ಮನೆಯಿಂದ ಹೊರಗೆ ಓಡಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. (ಏಜೆನ್ಸೀಸ್​)

https://www.vijayavani.net/sharwari-inamdar-doctor-do-fitness-activities-in-saree/

https://www.vijayavani.net/indian-sentenced-to-3-years-jail-for-violating-corona-quarantine-in-bahrain/

https://www.vijayavani.net/woman-found-dead-near-railway-track-in-mp/