ಸದ್ಯ, ಇಡೀ ದೇಶದಲ್ಲಿ ನಟ ಅಲ್ಲು ಅರ್ಜುನ್ ಮತ್ತು ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅವರ ‘ಪುಷ್ಪಾ: ದಿ ರೈಸ್‘ ಸಿನಿಮಾದೆ ಸದ್ದು ಮತ್ತು ಸುದ್ದಿ. ಹಿಂದಿಯ ’83’, ಹಾಲಿವುಡ್ನ ‘ಸ್ಪೈಡರ್ ಮ್ಯಾನ್: ನೋ ವೇ ಹೋಮ್‘ ಚಿತ್ರಗಳ ಪೈಪೋಟಿಯ ಹೊರತಾಗಿಯೂ ಬಾಕ್ಸ್ ಆಫೀಸ್‌ನಲ್ಲಿ ‘ಪುಷ್ಪಾ: ದಿ ರೈಸ್‘ ಸೂಪರ್ ಹಿಟ್ ಎನಿಸಿಕೊಂಡು, ಜೊತೆಗೆ ಕೋಟಿ ಕೋಟಿ ಬಾಚಿಕೊಳ್ಳುತ್ತಿದೆ. ಹಲವು ವರದಿಗಳ ಪ್ರಕಾರ, ಸಿನಿಮಾ 350ಕ್ಕೂ ಹೆಚ್ಚು ಕೋಟಿ ರೂಪಾಯಿ ಗಳಿಸಿದ್ದು, 400 ಕೋಟಿಯ ಗಳಿಕೆಯತ್ತ ಹೆಜ್ಜೆ ಹಾಕುತ್ತಿದೆ. ಹಿಂದಿಯ ’83’ ಚಿತ್ರ ಗಳಿಸಿದ್ದು 175 ಕೋಟಿಯಾದರೇ, ಮತ್ತೊಂದೆಡೆ ಹಾಲಿವುಡ್ನ ‘ಸ್ಪೈಡರ್ ಮ್ಯಾನ್: ನೋ ವೇ ಹೋಮ್‘ ಸಿನಿಮಾ ಕೇವಲ 150 ಕೋಟಿ ಗಳಿಸಿದೆ.
ಈಗ, ‘ಪುಷ್ಪ: ದಿ ರೈಸ್‘ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ತಮಿಳು, ತೆಲುಗು, ಮಲಯಾಳಂ ಮತ್ತು ಕನ್ನಡ ಎಂಬ ನಾಲ್ಕು ಭಾಷೆಗಳಲ್ಲಿ ಸ್ಟ್ರೀಮ್ ಆಗುತ್ತಿದೆ. ಜತೆಗೆ, OTTಯಲ್ಲಿ ‘ಪುಷ್ಪ‘ದ ಹಿಂದಿ ಆವೃತ್ತಿ ಜನವರಿ 14 ರಂದು ರಿಲೀಸ್ ಆಗಲಿದೆ ಎಂಬ ಸುದ್ದಿಗಳು ಹರಿದಾಡುತ್ತಿವೆ. ಸುಕುಮಾರ್ ನಿರ್ದೇಶನದ ‘ಪುಷ್ಪ: ದಿ ರೈಸ್‘ ಡಿಸೆಂಬರ್ 17 ರಂದು ಥಿಯೇಟರ್‌ಗೆ ಅಪ್ಪಳಿಸಿತು. ಅಂದಿನಿಂದ, ಚಿತ್ರವು ವಿಶ್ವದಾದ್ಯಂತ ಯಶಸ್ವಿಯಾಗಿ ಓಡುತ್ತಿದೆ.
ರಣವೀರ್ ಸಿಂಗ್ ಅವರ ’83’ ರ ಸ್ಪರ್ಧೆಯ ಹೊರತಾಗಿಯೂ ‘ಪುಷ್ಪ‘ ಹಿಂದಿ ಬೆಲ್ಟ್‌ನಲ್ಲಿ ವಿಶೇಷವಾಗಿ, ಉತ್ತಮವಾಗಿ ಸ್ವೀಕರಿಸಲ್ಪಟ್ಟಿದೆ. ಬರೀ ಹಿಂದಿ ಭಾಷೆಯ ‘ಪುಷ್ಪ‘ 100 ಕೋಟಿಗೂ ಅಧಿಕ ಗಳಿಸಿದೆ ಎನ್ನಲಾಗಿದೆ. ಈ ಮೂಲಕ ಬಾಲಿವುಡ್ ಸ್ಟಾರ್ ನಟರಿಗೂ ಅಲ್ಲು ಅರ್ಜುನ್ ಸಿನಿಮಾ ನಡುಕ ಹುಟ್ಟಿಸಿದೆ. ಬಾಲಿವುಡ್ನ ಖಾನ್ ಗಳಿಗಿಂತ ಅಲ್ಲು ಅರ್ಜುನ್ ಗ್ರೇಟ್ ಎಂಬ ಮಾತುಗಳು ಕೇಳಿಬರುತ್ತಿವೆ. ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಮತ್ತು ಫಹಾದ್ ಫಾಸಿಲ್ ಸಿನಿಮಾದಲ್ಲಿ ನಿಜಕ್ಕೂ ತುಂಬಾ ಚೆನ್ನಾಗಿ ನಟಿಸಿದ್ದಾರೆ ಎಂಬ ಖ್ಯಾತಿ ಪಡೆದಿದ್ದಾರೆ. ಈ ಚಿತ್ರವನ್ನು ಮೈತ್ರಿ ಮೂವೀ ಮೇಕರ್ಸ್ ಮತ್ತು ಮುತ್ತಂಶೆಟ್ಟಿ ಮೀಡಿಯಾ ಜಂಟಿಯಾಗಿ ನಿರ್ಮಿಸಿದೆ.
ರಶ್ಮಿಕಾಗೆ ವಿಜಯ್ ಮೇಲೆ ಏಷ್ಟು ಪ್ರೀತಿ ಗೊತ್ತಾ? ಗೋವಾ ವಿಡಿಯೋಸ್ ವೈರಲ್…
ಬಿಕಿನಿ ಫೋಟೋಗೆ ರೇಷ್ಮೆ ಸೀರೆ, ಬುರ್ಕಾ! ಹಿಗ್ಗಾ-ಮುಗ್ಗಾ ಟ್ರೋಲ್ ಆದ ನಟಿ ದಿಶಾ ಪಟಾನಿ…