ಬೆಂಗಳೂರು: ಕನ್ನಡ ಚಿತ್ರರಂಗದಲ್ಲಿ ಕ್ಲಾಸಿಕ್ ಎಂದು ಪರಿಗಣಿಸಲ್ಪಡುವ ಡಾ. ರಾಜಕುಮಾರ್ ಅಭಿನಯದ ‘ಬಂಗಾರದ ಮನುಷ್ಯ’ ಚಿತ್ರಕ್ಕೆ ಮೊನ್ನೆ ಮೊನ್ನೆಯಷ್ಟೇ 48 ವರ್ಷ ತುಂಬಿತ್ತು. ಇದೀಗ ಇದೇ ‘ಬಂಗಾರದ ಮನುಷ್ಯ’ನನ್ನು ಪವರ್ಸ್ಟಾರ್ ಪುನೀತ್ ರಾಜ್ಕುಮಾರ್ ನೆನೆಪು ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: ರಶ್ಮಿಕಾ ಮಂದಣ್ಣಗೆ ಮನೆಯಲ್ಲಿ ಬೇರೆಯದೇ ಹೆಸರಿದೆ; ಏನದು?
ಹಿರಿಯ ನಿರ್ಮಾಪಕ, ವಿತರಕ ಕೆಸಿಎನ್ ಗೌಡ ಅವರೊಟ್ಟಿಗೆ ಡಾ. ರಾಜ್ಕುಮಾರ್ ಇರುವ ಬ್ಲಾಕ್ ಆ್ಯಂಡ್ ವೈಟ್ ಫೋಟೋವನ್ನು ಪುನೀತ್ ಟ್ವಿಟರ್ನಲ್ಲಿ ಶೇರ್ ಮಾಡಿಕೊಂಡಿದ್ದು, ಚಿತ್ರದ ಮುಹೂರ್ತದ ವೇಳೆ ತೆಗೆದ ಮೊದಲ ದೃಶ್ಯ ಇದಾಗಿದೆ. ಆ ಫೋಟೋಕ್ಕೆ ಹಿನ್ನೆಲೆಯಲ್ಲಿ ನಗು ನಗುತಾ ನಲಿ ನಲಿ ಟ್ಯೂನ್ ಸಹ ಕಿವಿಗೆ ಮುದ ನೀಡುತ್ತದೆ.
ಇದನ್ನೂ ಓದಿ: ಅಲ್ಲಿ ಕನಸುಗಳಿವೆ, ನೂರಾರು ಕಥೆಗಳಿವೆ … ಚಿತ್ರಮಂದಿರಗಳ ಬಗ್ಗೆ ಸತೀಶ್ ಹೀಗೆ ಹೇಳುತ್ತಾರೆ ಕೇಳಿ
1972ರ ಮಾರ್ಚ್ 31ರಂದು ರಾಜ್ಯಾದ್ಯಂತ ‘ಬಂಗಾರದ ಮನುಷ್ಯ’ ಬಿಡುಗಡೆಯಾಗಿತ್ತು. ಡಾ. ರಾಜಕುಮಾರ್ ಅವರ ಆಪ್ತವಲಯದಲ್ಲಿ ಗುರುತಿಸಿಕೊಂಡಿದ್ದ ಲಕ್ಷ್ಮಣ್ ಮತ್ತು ಗೋಪಾಲ್ ನಿರ್ಮಿಸಿದ್ದ ಈ ಚಿತ್ರವನ್ನು ಸಿದ್ಧಲಿಂಗಯ್ಯ ನಿರ್ದೇಶನ ಮಾಡಿದ್ದರು. ಡಾ. ರಾಜಕುಮಾರ್, ಭಾರತಿ, ಬಾಲಕೃಷ್ಣ, ವಜ್ರಮುನಿ, ಶ್ರೀನಾಥ್, ಎಂ.ಪಿ. ಶಂಕರ್, ಆರತಿ ಮುಂತಾದವರು ಅಭಿನಯಿಸಿರುವ ಈ ಚಿತ್ರಕ್ಕೆ ಜಿ.ಕೆ. ವೆಂಕಟೇಶ್ ಸಂಗೀತ ಸಂಯೋಜಿಸಿದ್ದರು.
ಬಂಗಾರದ ಮನುಷ್ಯ First Take 👍 pic.twitter.com/w5o9t0YI51
— Puneeth Rajkumar (@PuneethRajkumar) May 9, 2020
ಕೇಬಲ್ ಚಾನಲ್ ವಿರುದ್ಧ ಲೀಗಲ್ ಆ್ಯಕ್ಷನ್ … ‘ಕೆಜಿಎಫ್’ ಚಿತ್ರತಂಡದ ನಿರ್ಧಾರ