'ವ್ಯಾಲೆಂಟೈನ್ಸ್​ ಡೇ'ಗೆ ಮುಂಚೆ ಹೀಗೊಂದು ದಿನ.... 'ಪ್ರಾಮಿಸ್ ಡೇ' !

ಬೆಂಗಳೂರು: 'ವ್ಯಾಲೆಂಟೈನ್ಸ್ ಡೇ' ಸಿದ್ಧತೆಯಲ್ಲಿರುವ ಜೋಡಿಗಳಿಗೆ ಇಂದು ಕೂಡ ವಿಶೇಷ ದಿನ. ಪರಸ್ಪರ ಪ್ರೀತಿ ಮತ್ತು ವಿಶ್ವಾಸದ ಸಂಬಂಧವನ್ನು ಜೀವನದುದ್ದಕ್ಕೂ ನಡೆಸುವುದಾಗಿ ಪ್ರಮಾಣ ಮಾಡಲು ಇವತ್ತು ಸುದಿನ! ಏಕೆಂದರೆ, 'ವಾಲೆಂಟೈನ್ಸ್​ ವೀಕ್​'ನ ಐದನೇ ದಿನವಾದ ಫೆಬ್ರವರಿ 11ಅನ್ನು ಯುವಜನರು 'ಪ್ರಾಮಿಸ್ ಡೇ' ಆಗಿ ಆಚರಿಸುತ್ತಾರೆ.

ಆದರ್ಶ ಜೋಡಿಯಾಗುವ ಆಸೆಯಲ್ಲಿ ಕೊನೆ ಉಸಿರಿರುವವರೆಗೆ ಪ್ರೀತಿಸಿದವರೊಂದಿಗೆ ಬದುಕುವುದಾಗಿ ಮಾಡುವ ಪ್ರಮಾಣಗಳಿಗೆ ಈ ದಿನ ಫೇಮಸ್. ಸಂತೋಷದಲ್ಲಿ ಜೊತೆಗಿರುವಂತೆಯೇ ಕಷ್ಟಸಮಯದಲ್ಲಿ ಕೂಡ ಬೆಂಬಲವಾಗಿ ನಿಲ್ಲುವುದಾಗಿ ಪ್ರಾಮಿಸ್​ ಮಾಡಿ ತಮ್ಮ ಸಂಬಂಧವನ್ನು ಗಟ್ಟಿ ಮಾಡಿಕೊಳ್ಳಲೂ ಇದುವೇ ಅವಕಾಶ. ಆದರೆ ಭಾವಪರವಶತೆಯಲ್ಲಿ ಇಡೀ ಜಗತ್ತನ್ನೇ ಮರೆತು ಪರಸ್ಪರ ಪ್ರೇಮದಲ್ಲಿ ಮುಳುಗುವುದಾಗಿ ಪ್ರಾಮಿಸ್ ಮಾಡುವ ಮುಂಚೆ ತಂದೆತಾಯಿ, ಬಂಧುಮಿತ್ರರ ಕಡೆಗೆ ನಿಮಗಿರುವ ಜವಾಬ್ದಾರಿಯ ಕಲ್ಪನೆಯೂ ಇರಲಿ.

ಇದನ್ನೂ ಓದಿ: ಹೊಸ ತಾಯಿ ಅನುಷ್ಕಾರ ಈ ಪೋಸ್ ನೋಡಿದ್ದೀರಾ ..?!

ಪ್ರೇಮಿಗಳು ಪರಸ್ಪರ ಮಾಡಬಹುದಾದ ಪ್ರಾಮಿಸ್​ಗಳ ಅರ್ಥಗರ್ಭಿತ ವಾಕ್ಯಗಳ ಮಹಾಪೂರವೇ ಸಾಮಾಜಿಕ ಜಾಲತಾಣಗಳಲ್ಲಿ ಇಂದು ಹರಿದಾಡುತ್ತಿದೆ. ಹಾಗಂತ, ಇದು ಕೇವಲ ಪ್ರೇಮಿಗಳಿಗೆ ಮೀಸಲಾದ ದಿನವಲ್ಲ. ಗಂಡ - ಹೆಂಡತಿ ಪರಸ್ಪರ ಮಾಡಬಹುದಾದ ಪ್ರಾಮಿಸ್​ಗಳು, ಸ್ನೇಹಿತರು ಮಾಡುವ ಪ್ರಾಮಿಸ್​ಗಳೂ ಮೂಡಿಬಂದಿವೆ.

ಅಷ್ಟೇ ಅಲ್ಲ, ಟ್ವಿಟರ್​ನಲ್ಲಿ ಜನರು ತಮ್ಮ ನೆಚ್ಚಿನ ಸೆಲೆಬ್ರಿಟಿಗಳಿಗೆ ಸದಾ ಕಾಲ ಬೆಂಬಲವಾಗಿ ನಿಲ್ಲುವುದಾಗಿ ಕೂಡ ಪ್ರಾಮಿಸ್ ಮಾಡುತ್ತಿದ್ದಾರೆ! ಚಿತ್ರರಂಗದ ನಟನಟಿಯರಿಗೆ, ಕ್ರಿಕೆಟ್ ತಾರೆಯರ ಅಭಿಮಾನಪೂರ್ವಕವಾದ ಪ್ರಾಮಿಸ್​ಗಳು ಹಲವಾದರೆ, ಕೆಲವರು ದೇಶಪ್ರೇಮದ ಪ್ರಾಮಿಸ್​ಗಳನ್ನೂ ಮಾಡಿದ್ದಾರೆ. ಮತ್ತೆ ಕೆಲವರು ಸ್ಟಾರ್ ದಂಪತಿಗಳ ಫೋಟೋಗಳನ್ನು ಹಾಕಿ ಪ್ರಾಮಿಸ್ ನಿಭಾಯಿಸುವುದು ಅಂದರೆ ಹೀಗೆ ಅಂತ ಕಾಮೆಂಟ್ ಪೋಸ್ಟ್ ಮಾಡಿದ್ದಾರೆ. ಸ್ವಂತ ಏಳಿಗೆಗೂ ಗಮನ ಕೊಡಿ ಅನ್ನೋ ಸಂದೇಶಗಳೂ ಇವೆ - "ಮೊದಲು ನಿಮ್ಮನ್ನು ನೀವೇ ಪ್ರೀತಿಸಿಕೊಳ್ಳುವುದಾಗಿ ಪ್ರಾಮಿಸ್ ಮಾಡಿಕೊಳ್ಳಿ. ಅದೂ ತುಂಬಾ ಮುಖ್ಯ" ಎಂದು ಹೇಳಿದೆ ಒಂದು ಟ್ವೀಟ್!

ಇದನ್ನೂ ಓದಿ: ಹೆಂಡತಿ ನೋಡಲು ದೂರದ ಊರಿಂದ ಬಂದ ಗಂಡನಿಗೆ ಕಾದಿತ್ತು ಬಿಗ್​ ಶಾಕ್​! ಹಿಂಬದಿ ಬಾಗಿಲಿಂದ ಬಂದವ ಹೀಗೇಕೆ ಮಾಡಿದ?

ಆದರೆ ನ್ಯೂ ಇಯರ್ ರೆಸಲ್ಯೂಷನ್ ತರಹ ಪ್ರಾಮಿಸ್​ ಕೂಡ ಕಾಲ ಕಳೆದಂತೆ ರಂಗು ಕಳೆದುಕೊಂಡರೆ ಉಪಯೋಗವಿಲ್ಲ. ಇಂಗ್ಲೀಷಿನಲ್ಲಿ "ಪ್ರಾಮಿಸಸ್ ಆರ್ ಮೆಂಟ್ ಟು ಬಿ ಬ್ರೋಕನ್" ಅಂತ ಮಾತಿದೆ. ಅರ್ಥಾತ್ ಪ್ರಾಮಿಸ್ ಇರುವುದೇ ಮುರಿಯುವುದಕ್ಕೋಸ್ಕರ ಅಂತ! ಹಾಗಾಗಿ ಮುರಿಯಲು ಸುಲಭವಾದ ಪ್ರಾಮಿಸ್​ಗಳನ್ನು ಮಾಡದೆ, ನಿಭಾಯಿಸಬಹುದಾದ ಒಳ್ಳೆಯ ಅರ್ಥವುಳ್ಳ ಪ್ರಾಮಿಸ್ ಮಾಡಿ. ಹ್ಯಾಪಿ ಪ್ರಾಮಿಸ್ ಡೇ!(ಏಜೆನ್ಸೀಸ್)

https://www.vijayavani.net/priyanka-chopras-memoir-talks-of-her-changed-nose/

https://www.vijayavani.net/s-lady-constable-saved-life-of-passanger/