ಇದು ನಡೆದಿದ್ದು 19ನೇ ವಯಸ್ಸಿನಲ್ಲಿ. ಈ ವೇಳೆ ನಾನು ಬಾಲಿವುಡ್ ಸಿನಿಮಾವೊಂದರಲ್ಲಿ ಕೆಲಸ ಮಾಡಬೇಕಿತ್ತು. ನಿರ್ದೇಶಕರೊಬ್ಬರು ನನ್ನನ್ನು ಸಂಪರ್ಕಿಸಿದರು. ನನ್ನ ಪಾತ್ರಕ್ಕೆ ಬೇಕಾದ ವೇಷಭೂಷಣದ ಬಗ್ಗೆ ನನ್ನ ಸ್ಟೈಲಿಸ್ಟ್ ಜೊತೆ ಮಾತನಾಡಲು ನಿರ್ದೇಶಕರನ್ನು ಕೇಳಿಕೊಂಡೆ. ನನ್ನ ಸ್ಟೈಲಿಸ್ಟ್ ಫೋನ್ ತೆಗೆದುಕೊಂಡಾಗ ಆ ಕಡೆಯಿಂದ ಮಾತನಾಡಿದ ನಿರ್ದೇಶಕ, ಕೇಳು ಅವಳು (ಪ್ರಿಯಾಂಕಾ ಚೋಪ್ರಾ) ತನ್ನ ಒಳಉಡುಪನ್ನು ತೋರಿಸಿದರೆ ಮಾತ್ರ ಜನರು ಅವಳನ್ನು ನೋಡಲು ಚಿತ್ರಮಂದಿರಕ್ಕೆ ಬರುತ್ತಾರೆ. ಆದ್ದರಿಂದ ಅವಳು ಧರಿಸುವ ಒಳಉಡುಪು ನಿಜವಾಗಿಯೂ ಚಿಕ್ಕದಾಗಿರಬೇಕು. ಆದ್ದರಿಂದ ನಾನು ಅವಳನ್ನು ಒಳಉಡುಪಿನಲ್ಲಿ ನೋಡಬಹುದೇ. ನಿಮಗೆ ಮುಂದೆ ಕುಳಿತಿರುವ ಜನರು ಗೊತ್ತಾ? ಅವರಿಗೂ ಅವಳ ಒಳಉಡುಪು ಕಾಣಬೇಕು. ಈ ಮಾತನ್ನು ಅವನು ನಾಲ್ಕು ಬಾರಿ ಹೇಳಿದನು. ಅದು ಕೂಡ ಹಿಂದಿಯಲ್ಲಿ. ಅದನ್ನು ಹೇಳೋದಕ್ಕೂ ಆಗುವುದಿಲ್ಲ. ಅಷ್ಟು ಕೆಟ್ಟದಾಗಿದೆ ಎಂದು ಪ್ರಿಯಾಂಕಾ ಹೇಳಿಕೊಂಡಿದ್ದಾರೆ.
