ಸೋಷಿಯಲ್ ಮೀಡಿಯಾದಲ್ಲಿ ಸಿನಿಮಾ ಮಂದಿ ನಾನಾ ವಿಚಾರಕ್ಕೆ ಟ್ರೋಲ್ ಆಗುತ್ತಾರೆ. ಆಡುವ ಮಾತಿನಿಂದ ಹಿಡಿದು ಧರಿಸುವ ಬಟ್ಟೆಯೂ ಅವರನ್ನು ಒಮ್ಮೊಮ್ಮೆ ಟ್ರೋಲ್ಗೆ ಆಹಾರವನ್ನಾಗಿಸುತ್ತದೆ. ಇದೀಗ ಅದೇ ಕಣ್ಸನ್ನೇ ಹುಡುಗಿ ಪ್ರಿಯಾ ಪ್ರಕಾಶ್ ವಾರಿಯರ್ ಸಹ ಧರಿಸಿದ ಬಟ್ಟೆಯಿಂದಲೇ ಸುದ್ದಿಯಾಗಿದ್ದಾರೆ.
ಇದನ್ನೂ ಓದಿ: ನನ್ನ ನಿಜವಾದ ಹೆಸರು ಇಂಕ್ವಿಲಾಬ್ ಅಲ್ಲ … ಅಮಿತಾಭ್ ಬಚ್ಚನ್ ಸ್ಪಷ್ಟನೆ
ಎದೆ ಭಾಗ ಗೋಚರವಾಗುವಂತಹ ಹೊಸ ಬಗೆಯ ವಿನ್ಯಾಸದ ದಿರಿಸಿನ ಫೋಟೋವೊಂದನ್ನು ಪ್ರಿಯಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಆ ರೀತಿಯ ಫೋಟೋ ಹಾಕಿದ್ದೇ ತಡ ನೆಟ್ಟಿಗರು ಬಗೆಬಗೆ ರೀತಿಯಲ್ಲಿ ಕಮೆಂಟ್ಗಳನ್ನು ಹರಿಬಿಟ್ಟಿದ್ದಾರೆ. ಅಶ್ಲೀಲವಾಗಿ ಮತ್ತು ಕೆಟ್ಟಕೆಟ್ಟದಾಗಿ ಕಮೆಂಟ್ ಮಾಡುತ್ತಿದ್ದಾರೆ.
ಆ ಕಮೆಂಟ್ಗಳಿಗೆ ಪ್ರತಿಕ್ರಿಯಿಸಿರುವ ಅವರು, ಟ್ರೋಲಿಗರ ಬಾಯಿ ಮುಚ್ಚಿಸಿದ್ದಾರೆ. ‘ಹೇ ಗಾಯ್ಸ್.. ನಿಮ್ಮ ಬಹುತೇಕ ಎಲ್ಲ ಕಮೆಂಟ್ಗಳನ್ನು ನಾನು ನೋಡಿದ್ದೇನೆ. ಹಾಗೇ ಕೆಟ್ಟಕೆಟ್ಟದಾಗಿ ಕಮೆಂಟ್ ಮಾಡಿದ ನಿಮಗೆಲ್ಲ ಒಂದು ಚಪ್ಪಾಳೆ ನೀಡಲೇಬೇಕು. ಇಷ್ಟೆಲ್ಲ ಏರಿಳಿತಗಳನ್ನು ದಾಟಿಕೊಂಡು ನಾನು ಇಲ್ಲಿಯವರೆಗೂ ಬಂದಿದ್ದೇನೆ. ಅದು ನನಗೆ ಹೆಮ್ಮೆಯ ವಿಷಯ. ಹೀಗೆ ಬೆದರಿಸುವ ಕಮೆಂಟ್ ಮಾಡುವವರನ್ನು ನಾನು ನಿತ್ಯ ನೋಡುತ್ತೇನೆ. ಅದರಿಂದ ಏನೂ ಸಾಧ್ಯವಾಗದು. ಮೊಡಲು ನಿಮ್ಮ ಮನಸ್ಥಿತಿ ಬದಲಾಯಿಸಿಕೊಳ್ಳಿ’ ಎಂಬರ್ಥದಲ್ಲಿ ಟಾಂಗ್ ನೀಡಿದ್ದಾರೆ.
ಕನ್ನಡದ ವಿಷ್ಣುಪ್ರಿಯಾ ಸಿನಿಮಾ ಸೇರಿ ತೆಲುಗಿನಲ್ಲಿಯೂ ಹಲವು ಪ್ರಾಜೆಕ್ಟ್ಗಳಲ್ಲಿ ಪ್ರಿಯಾ ಬಿಜಿಯಾಗಿದ್ದಾರೆ. ಜತೆಗೆ ಜಾಹೀರಾತುಗಳಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ಮಲಯಾಳಂ ಚಿತ್ರರಂಗದಲ್ಲೂ ಸಕ್ರಿಯರಾಗಿದ್ದಾರೆ. (ಏಜೆನ್ಸೀಸ್)
ಬಾಯ್ಫ್ರೆಂಡ್ ಬಗ್ಗೆ ಮಾತನಾಡದ ತಾಪ್ಸಿ, ಈಗ ಬಾಯ್ಫ್ರೆಂಡ್ ಜತೆಗೇ ಸಿಕ್ಕಿಬಿದ್ದಿದ್ದಾರೆ!