'ಅದರ ಹೆಸರಲ್ಲಿ ದೇಹ ತೋರಿಸಲು ಇಷ್ಟಪಡಲ್ಲ': ಪ್ರಿಯಾ ಭವಾನಿ ಹೀಗೆನ್ನಲು ಕಾರಣವಿದೆ ನೋಡಿ.. | priya bhavani

ಚೆನ್ನೈ: ಗ್ಲಾಮರ್ ಪಾತ್ರಗಳಿಂದ ದೂರ ಉಳಿದಿರುವ ಪ್ರಿಯಾ ಭವಾನಿ ಶಂಕರ್(priya bhavani) ತನ್ನದೇ ಆದ ಸೌಂದರ್ಯ ಮತ್ತು ನಟನೆಯಿಂದ ಪ್ರೇಕ್ಷಕರನ್ನು ಆಕರ್ಷಿಸುತ್ತಿದ್ದಾರೆ. 2017ರಲ್ಲಿ ತಮಿಳು ಇಂಡಸ್ಟ್ರಿಯಿಂದ ಬೆಳ್ಳಿತೆರೆಗೆ ಪರಿಚಯವಾದ ಈ ಚೆಲುವೆ ಉತ್ತಮ ನಟಿಯಾಗಿ ಮನ್ನಣೆ ಗಳಿಸಿದ್ದಾಳೆ.

ಇದನ್ನೂ ಓದಿ: Salman Khan ‘ರೇಸ್ 4’ ನಿಂದ ಬ್ಯಾಡ್ ಬಾಯ್ ಔಟ್​.. ಹೀರೋ ಆದ ಸ್ಟಾರ್​ನಟ ಯಾರು ಗೊತ್ತಾ?

2022 ರಲ್ಲಿ ಕಲ್ಯಾಣಂ ಕಮನೀಯಂ ಕಿರುಚಿತ್ರದೊಂದಿಗೆ ತೆಲುಗು ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸಿದ ಈ ಚೆಲುವೆ ಇತ್ತೀಚೆಗೆ ಡಿಮಾಂಟಿ ಕಾಲೋನಿ 2 ಮೂಲಕ ಅಭಿಮಾನಿಗಳ ಮನಗೆದ್ದಿದ್ದಳು. ಸದ್ಯಕ್ಕೆ ಕರಿಯ ಚಿತ್ರದ ಮೂಲಕ ಪ್ರೇಕ್ಷಕರ ಮನಸೂರೆಗೊಳ್ಳಲು ತಯಾರಿ ನಡೆಸಿದ್ದಾಳೆ ಪ್ರಿಯಾ. ಈ ಹಿನ್ನೆಲೆಯಲ್ಲಿ ಇತ್ತೀಚೆಗೆ ಮಾಧ್ಯಮಗಳಿಗೆ ನೀಡಿದ ಸಂದರ್ಶನದಲ್ಲಿ ಹಲವು ಕುತೂಹಲಕಾರಿ ಕಾಮೆಂಟ್‌ಗಳನ್ನು ಮಾಡಿದ್ದಾರೆ.

ಅದರಲ್ಲೂ ಗ್ಲಾಮರ್ ವಿಚಾರದಲ್ಲಿ ತಮ್ಮದೇ ಶೈಲಿಯಲ್ಲಿ ಪ್ರತಿಕ್ರಿಯಿಸಿದ್ದಾಳೆ. ಗ್ಲಾಮರಸ್ ಪಾತ್ರಗಳಲ್ಲಿ ನಟಿಸುತ್ತಿರುವ ಬಗ್ಗೆ ಪ್ರಿಯಾ ಭವಾನಿ ಅಸಹನೆ ವ್ಯಕ್ತಪಡಿಸಿದ್ದು, ಫ್ಯಾಷನ್ ಹೆಸರಿನಲ್ಲಿ ದೇಹವನ್ನು ತೋರಿಸಲು ಇಷ್ಟಪಡುವುದಿಲ್ಲ ಎಂದು ಅವರು ಹೇಳಿದ್ದಾರೆ. ತನ್ನ ದೇಹವನ್ನು ಎಂದಿಗೂ ವಸ್ತುವಾಗಿ ಪರಿಗಣಿಸುವುದಿಲ್ಲ ಎಂದು ನಿರ್ಧರಿಸಿರುವ ಪ್ರಿಯಾ, ಪ್ರೇಕ್ಷಕರನ್ನು ಸೆಳೆಯಲು ಗ್ಲಾಮರಸ್ ಆಗಿ ಕಾಣಿಸಿಕೊಳ್ಳಲು ಇಷ್ಟಪಡುವುದಿಲ್ಲ ಎಂದಿದ್ದಾರೆ. ಅಂತಹ ವಿಷಯಗಳನ್ನು ಯಾವುದೇ ಸಂದರ್ಭದಲ್ಲೂ ಒಪ್ಪಿಕೊಳ್ಳಬಾರದು ಎಂದು ನಿರ್ಧರಿಸಿರುವುದಾಗಿ ಆಕೆ ಹೇಳಿದ್ದಾರೆ.

ಇನ್ನು ವೃತ್ತಿ ವಿಚಾರದಲ್ಲಿ ಹಿಂತಿರುಗಿ ನೋಡಿದರೆ ಯಾವುದರ ಬಗ್ಗೆಯೂ ಬೇಸರಿಸಿಕೊಳ್ಳಲು ಬಯಸುವುದಿಲ್ಲ, ಅದಕ್ಕೆ ತಕ್ಕಂತೆ ಯೋಚಿಸಿ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತೇನೆ. ಆದರೆ ನೆಗೆಟಿವ್ ಪಾತ್ರದಲ್ಲಿ ನಟಿಸಲು ಹಿಂಜರಿಯುವುದಿಲ್ಲ, ಅದೇ ನನ್ನ ವೃತ್ತಿ. ಫ್ಯಾಷನ್ ಹೆಸರಿನಲ್ಲಿ ಕೆಲವು ವಿಷಯಗಳನ್ನು ಪ್ರಚಾರ ಮಾಡಲು ಸಾಧ್ಯವಿಲ್ಲ ಎಂದು ಆಕೆ ಬಹಿರಂಗಪಡಿಸಿದ್ದಾಳೆ.

ಪ್ರಿಯಾ ತನ್ನ ವೃತ್ತಿಜೀವನದ ಆರಂಭಿಕ ದಿನಗಳಿಂದಲೂ ಗ್ಲಾಮರ್ ಪಾತ್ರಗಳಿಂದ ದೂರ ಉಳಿದಿದ್ದಾಳೆ. ಈ ಹಿಂದೆಯೂ ಗ್ಲಾಮರ್ ಪಾತ್ರಗಳ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದ ಈ ಚೆಲುವೆ, ಸಂದರ್ಶನವೊಂದರಲ್ಲಿ ತನ್ನನ್ನು ಗ್ಲಾಮರಸ್ ಪಾತ್ರದಲ್ಲಿ ನೋಡಲು ಪ್ರೇಕ್ಷಕರು ಕೂಡ ಇಷ್ಟಪಡುವುದಿಲ್ಲ ಎಂದು ಆಸಕ್ತಿದಾಯಕ ಕಾಮೆಂಟ್‌ ಮಾಡಿದ್ದಳು.

https://www.vijayavani.net/tirupati-laddu-row-bcy-party-leader-write-a-letter-to-chandrababu-about-ttd-establish-dairy