ಹೊಂಬಾಳೆ ಫಿಲಂಸ್​ ನಿರ್ಮಾಣದ ಚಿತ್ರ ಯಾವುದು ಗೊತ್ತಾ?

ಬೆಂಗಳೂರು: ಹೊಂಬಾಳೆ ಫಿಲಂಸ್​ ಸಂಸ್ಥೆಯು ಬುಧವಾರ ಹೊಸ ಚಿತ್ರವೊಂದನ್ನು ಘೋಷಿಸುವುದಾಗಿ ಸೋಷಿಯಲ್​ ಮೀಡಿಯಾದಲ್ಲಿ ಸೋಮವಾರವಷ್ಟೇ ಹೇಳಿಕೊಂಡಿದೆ. ಯಾವಾಗ ಹೊಂಬಾಳೆ ಫಿಲಂಸ್​ನಿಂದ ಹೊಸ ಚಿತ್ರ ಘೋಷಣೆಯಾಗಲಿದೆ ಎಂಬ ಸುದ್ದಿ ಹೊರಬಿತ್ತೋ, ಆ ಚಿತ್ರ ಯಾವುದಿರಬಹುದು, ಯಾರು ನಟಿಸಬಹುದು ಮತ್ತು ಯಾರು ನಿರ್ದೇಶಿಸಬಹುದು ಎಂಬ ಕುತೂಹಲ ಎಲ್ಲರಲ್ಲೂ ಇದೆ.

ಇದನ್ನೂ ಓದಿ: ಕುಮಟಾದಲ್ಲಿ ‘ರಾಜವೀರ ಮದಕರಿ ನಾಯಕ’; ಎರಡನೇ ಹಂತದ ಶೂಟಿಂಗ್​ಗೆ ಲೊಕೇಷನ್​ ಫಿಕ್ಸ್

ಪ್ರಮುಖವಾಗಿ, ಈ ಚಿತ್ರದಲ್ಲಿ ಪ್ರಭಾಸ್​ ನಟಿಸುತ್ತಾರಾ ಮತ್ತು ಈ ಚಿತ್ರವನ್ನು ಪ್ರಶಾಂತ್​ ನೀಲ್​ ನಿರ್ದೇಶಿಸುತ್ತಾರಾ ಎಂಬ ಪ್ರಶ್ನೆಯೊಂದು ಎಲ್ಲರನ್ನೂ ನಿದ್ದೆಗೆಡಿಸಿದೆ. ಕಾರಣ, 'ಕೆಜಿಎಫ್​ 2' ಚಿತ್ರದ ಚಿತ್ರೀಕರಣಕ್ಕಾಗಿ ಪ್ರಶಾಂತ್​ ನೀಲ್​ ಇದೀಗ ಹೈದರಾಬಾದ್​ನಲ್ಲಿ ಬೀಡುಬಿಟ್ಟಿದ್ದು, ಕೆಲವು ದಿನಗಳ ಹಿಂದೆ ಅವರು ಪ್ರಭಾಸ್​ ಅವರನ್ನು ಭೇಟಿಯಾಗಿದ್ದಾರಂತೆ. ಹಾಗಾಗಿ, ಹೊಂಬಾಳೆ ಫಿಲಂಸ್​ ಸಂಸ್ಥೆಯು ನಿರ್ಮಿಸುತ್ತಿರುವ ಈ ಚಿತ್ರದಲ್ಲಿ ಪ್ರಭಾಸ್​ ನಟಿಸಿದರೆ, ಪ್ರಶಾಂತ್​ ನೀಲ್​ ನಿರ್ದೇಶಿಸುತ್ತಾರೆ ಎಂಬ ನಂಬಿಕೆ ಹಲವರಲ್ಲಿದೆ.

ಈ ಮಧ್ಯೆ, ಇನ್ನೊಂದು ಸುದ್ದಿ ಕೇಳಿಬಂದಿದ್ದು, ಪ್ರಭಾಸ್​ಗಾಗಿ ಪ್ರಶಾಂತ್​ ನಿರ್ದೇಶಿಸಲಿರುವ ಚಿತ್ರವು ಕನ್ನಡದ 'ಉಗ್ರಂ' ರೀಮೇಕ್​ ಇರಬಹುದು ಎಂದು ಹೇಳಲಾಗುತ್ತಿದೆ. 'ಉಗ್ರಂ' ಚಿತ್ರವು 2014ರಲ್ಲಿ ಬಿಡುಗಡೆಯಾಗಿದ್ದು, ರಾಜ್ಯಾದ್ಯಂತ ಹಿಟ್​ ಆಗಿದ್ದಷ್ಟೇ ಅಲ್ಲ, ನಟ ಶ್ರೀಮುರಳಿಗೆ ದೊಡ್ಡ ಬ್ರೇಕ್​ ಸಹ ಕೊಟ್ಟಿದ್ದು. ಈಗ ಇದೇ ಚಿತ್ರವನ್ನು ತೆಲುಗಿಗೆ ರೀಮೇಕ್​ ಮಾಡುವುದಕ್ಕೆ ಹೊರಟಿದ್ದಾರಂತೆ ಪ್ರಶಾಂತ್​ ನೀಲ್​.

ಪ್ರಶಾಂತ್​ ನೀಲ್​ ಇದೇ ಚಿತ್ರವನ್ನು ಮಾಡುತ್ತಿರುವುದಕ್ಕೆ ಕಾರಣವಿದೆಯಂತೆ. ಪ್ರಮುಖವಾಗಿ ಚಿತ್ರಕಥೆ ಸಿದ್ಧವಾಗಿದ್ದು, ಇದನ್ನು ಶೂಟ್​ ಮಾಡುವುದಕ್ಕೆ ಹೆಚ್ಚು ಸಮಯ ಬೇಡವಂತೆ. ಇನ್ನು ಪ್ರಭಾಸ್​ ಕೂಡಾ, ಈ ಚಿತ್ರಕ್ಕೆ ಹೆಚ್ಚು ದಿನ ಬೇಕಾಗಿಲ್ಲ ಎಂಬ ಕಾರಣಕ್ಕೆ ಒಪ್ಪಿಕೊಂಡಿದ್ದಾರಂತೆ. ಹಾಗಾಗಿ ಪ್ರಭಾಸ್​ ಮತ್ತು ಪ್ರಶಾಂತ್​ ಇಬ್ಬರೂ, ಈಗ ಒಪ್ಪಿಕೊಂಡಿರುವ ಚಿತ್ರಗಳನ್ನು ಮುಗಿಸಿ, ಈ ಚಿತ್ರಕ್ಕೆ ಕೈಜೋಡಿಸುತ್ತಾರೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ‘ಶಂಭೋ ಶಿವ ಶಂಕರ’ ಬಳಗಕ್ಕೆ ‘ಸುಪ್ರೀಂ ಹೀರೋ’ ಶಶಿಕುಮಾರ್ ಎಂಟ್ರಿ

ಹೀಗೆ ಚಿತ್ರದ ಬಗ್ಗೆ ಸಾಕಷ್ಟು ಊಹಾಪೋಹಗಳು ಎದ್ದಿದ್ದು, ಉತ್ತರಕ್ಕಾಗಿ ಬುಧವಾರ ಮಧ್ಯಾಹ್ನದವರೆಗೂ ಕಾಯಲೇಬೇಕಿದೆ.

https://www.vijayavani.net/sharukh-khan-buys-another-cricket-team/