ಬೆಂಗಳೂರು: ಸೆ.01 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡ ಸ್ಯಾಂಡಲ್ವುಡ್ನ ಸಿಂಪಲ್ ಸ್ಟಾರ್, ನಟ ರಕ್ಷಿತ್ ಶೆಟ್ಟಿ ಮತ್ತು ನಟಿ ರುಕ್ಮಿಣಿ ವಸಂತ್ ಅಭಿನಯದ ‘ಸಪ್ತ ಸಾಗರದಾಚೆ ಎಲ್ಲೋ’ ಸಿನಿಮಾ ಇದೀಗ ಒಟಿಟಿಗೂ ಲಗ್ಗೆಯಿಟ್ಟಿದ್ದು, ಸಿನಿಪ್ರೇಕ್ಷಕರನ್ನು ಮನರಂಜಿಸುವಲ್ಲಿ ಯಶಸ್ವಿಯಾಗಿದೆ.
ಇದನ್ನೂ ಓದಿ: ರಾಜಧಾನಿಯಲ್ಲಿ ಬಸ್ ನಿಲ್ದಾಣಗಳೇ ನಾಪತ್ತೆ!; ಒಂದು ತಿಂಗಳ ಬಳಿಕ ದೂರು ದಾಖಲು!
ಈ ಸಿನಿಮಾ ವೀಕ್ಷಿಸಿದ ಕೆಲವು ಚಿತ್ರರಂಗದ ಕಲಾವಿದರು ತಮ್ಮ ಅನಿಸಿಕೆ, ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ. ಸದ್ಯ ಈ ಸಾಲಿಗೆ ನಟ ಪ್ರಕಾಶ್ ರೈ ಕೂಡ ಸೇರ್ಪಡೆಗೊಂಡಿದ್ದಾರೆ.
“ಸಪ್ತ ಸಾಗರದಾಚೆ ಎಲ್ಲೋ “.. ಆಹಾ!! ಒಂದು ಸುಂದರ .. ಹ್ರದಯಸ್ಪರ್ಶಿ ಅನುಭವ .. don’t miss . thank you @hemanthrao11 @rakshitshetty @AdvaithaAmbara @rukminitweets @Chaithra_Achar_ @charanrajmr2701 pic.twitter.com/lzyc2NytXL
— Prakash Raj (@prakashraaj) October 6, 2023
ಸೋಷಿಯಲ್ ಮೀಡಿಯಾದಲ್ಲಿ ಸದಾ ಸಕ್ರಿಯರಾಗಿರುವ ಬಹುಭಾಷಾ ನಟ ಪ್ರಕಾಶ್ ರೈ, ಇತ್ತೀಚೆಗಷ್ಟೇ ‘ಸಪ್ತ ಸಾಗರದಾಚೆ ಎಲ್ಲೋ’ ಚಿತ್ರವನ್ನು ವೀಕ್ಷಿಸಿದ್ದಾರೆ. ಸಿನಿಮಾ ನೋಡಿದ ಬಳಿಕ ಟ್ವೀಟ್ ಮಾಡಿದ ನಟ, “ಸಪ್ತ ಸಾಗರದಾಚೆ ಎಲ್ಲೋ, ಆಹಾ!! ಒಂದು ಸುಂದರ ಹ್ರದಯಸ್ಪರ್ಶಿ ಅನುಭವ. ತಪ್ಪದೇ ನೋಡಿ, ಧನ್ಯವಾದಗಳು” ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ.
ಇದನ್ನೂ ಓದಿ: ನಮ್ಮ ಮೆಟ್ರೋದಲ್ಲಿ ಮಿತಿಮೀರಿದ ರೀಲ್ಸ್ ಗೀಳು; ಯೂಟ್ಯೂಬರ್ ಪ್ರ್ಯಾಂಕ್ ವಿಡಿಯೋಗೆ ಗಾಬರಿಗೊಂಡ ಪ್ರಯಾಣಿಕರು
ಕನ್ನಡ ಭಾಷೆಯಲ್ಲಿ ಮಾತ್ರ ರಿಲೀಸ್ ಆಗಿದ್ದ ‘ಸಪ್ತ ಸಾಗರದಾಚೆ ಎಲ್ಲೋ’ ತದನಂತರದಲ್ಲಿ ತೆಲುಗು ಆವೃತ್ತಿಯಲ್ಲಿ ‘ಸಪ್ತ ಸಾಗರಾಲೂ ದಾಟಿ’ ಟೈಟಲ್ನಡಿ ಬಿಡುಗಡೆಗೊಂಡಿತು. ತೆಲುಗು ಪ್ರೇಕ್ಷಕರಿಂದಲೂ ಉತ್ತಮ ರೆಸ್ಪಾನ್ಸ್ ಪಡೆದ ಈ ಚಿತ್ರವು ಇದೀಗ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮಿಂಗ್ಗೆ ಲಭ್ಯವಿದ್ದು, ನಾಲ್ಕು ಭಾಷೆಯಲ್ಲಿ ಪ್ರಸಾರವಾಗುತ್ತಿದೆ.
ರಾಹುಲ್ ಗಾಂಧಿ ಪೋಸ್ಟರ್ ವಿವಾದ; ಬಿಜೆಪಿ ವಿರುದ್ಧ ಕಾಂಗ್ರೆಸ್ ಪ್ರತಿಭಟನೆ!