ಹೈದರಾಬಾದ್: ಪ್ರಭಾಸ್ ಮದುವೆ ಮದುವೆಯಾಗುತ್ತಾರೆ? ಇಂಥದ್ದೊಂದು ಪ್ರಶ್ನೆ ಹಲವು ವರ್ಷಗಳಿಂದ ಕೇಳಿ ಬರುತ್ತಲೇ ಇದೆ. ಅದರಲ್ಲೂ ಪ್ರಭಾಸ್ ಹಾಜರಿರುವ ಸಭೆ-ಸಮಾರಂಭಗಳಲ್ಲಿ ಈ ಪ್ರಶ್ನೆ ಮಿಸ್ ಇಲ್ಲದೆ ಎದುರಾಗುತ್ತದೆ ಮತ್ತು ಈ ಪ್ರಶ್ನೆಗೆ ಪ್ರಭಾಸ್ ನಕ್ಕು ಸುಮ್ಮನಾಗುತ್ತಾರೆ. ಈಗ ಪುನಃ ಇಂಥದ್ದೊಂದು ಪ್ರಶ್ನೆ ಎದುರಾಗಿದೆ ಮತ್ತು ಈ ಬಾರಿ ಪ್ರಭಾಸ್ ಉತ್ತರ ಕೊಟ್ಟಿದ್ದಾರೆ.
ಇದನ್ನೂ ಓದಿ: ಐವರು ಟಾಲಿವುಡ್ ಸ್ಟಾರ್ ನಟರು ರಿಜೆಕ್ಟ್ ಮಾಡಿದ ಚಿತ್ರವನ್ನು ವಿಜಯ್ ಒಪ್ಪಿದ್ದೇಕೆ?
ಆಶ್ಚರ್ಯವಾಗಬಹುದು. ಆದರೂ ಇದು ನಿಜ. ಆಹಾ ಓಟಿಟಿಯಲ್ಲಿ ಪ್ರಸಾರವಾಗುವ ತೆಲುಗಿನ ಜನಪ್ರಿಯ ರಿಯಾಲಿಟಿ ಶೋ ಆದ ‘ಅನ್ಸ್ಟಾಪಬಲ್ ವಿಥ್ ಬಾಲಕೃಷ್ಣ’ದ ಎರಡನೇ ಸೀಸನ್ ಶುರುವಾಗಿದೆ. ಈ ಕಾರ್ಯಕ್ರಮದಲ್ಲಿ ಅತಿಥಿಯಾಗಿ ಪ್ರಭಾಸ್ ಮತ್ತು ಗೋಪಿಚಂದ್ ಭಾಗವಹಿಸಿದ್ದಾರೆ. ಈ ಸಂದರ್ಭದಲ್ಲಿ ನಿರೂಪಕ ನಂದಮೂರಿ ಬಾಲಕೃಷ್ಣ ಇದೇ ಪ್ರಶ್ನೆಯನ್ನು ಕೇಳಿದ್ದಾರೆ.
‘ಇದಕ್ಕೂ ಮುನ್ನ ಈ ಕಾರ್ಯಕ್ರಮಕ್ಕೆ ಬಂದಿದ್ದ ಶರ್ವಾನಂದ್ ಅವರಿಗೆ ನಿಮ್ಮ ಮದುವೆ ಯಾವಾಗ ಅಂತ ಕೇಳಿದಾಗ, ಮೊದಲು ಪ್ರಭಾಸ್ ಅವರದ್ದಾಗಲಿ ಎಂದಿದ್ದರು. ಈಗ ಹೇಳಿ ನಿಮ್ಮ ಮದುವೆ ಯಾವಾಗ?’ ಎಂಬ ಬಾಲಕೃಷ್ಣ ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಿರುವ ಪ್ರಭಾಸ್, ‘ಮೊದಲು ಸಲ್ಮಾನ್ ಖಾನ್ ಅವರ ಮದುವೆಯಾಗಲಿ. ಆ ನಂತರ ನೋಡೋಣ’ ಎಂದು ತಮಾಷೆ ಮಾಡಿದ್ದಾರೆ. ಅಲ್ಲಿಗೆ ಪ್ರಭಾಸ್ ಮದುವೆ ಯಾವಾಗ ಎಂಬ ಪ್ರಶ್ನೆಯನ್ನು ಪ್ರಶ್ನೆಯನ್ನಾಗಿಯೇ ಉಳಿಸಿದ್ದಾರೆ.
ಇದನ್ನೂ ಓದಿ: ಹೊಸತನದ ಚಿತ್ರಗಳಿಗೆ ಮೊದಲ ಆದ್ಯತೆ … ‘ಗುಳ್ಟು’ ನವೀನ್ ಸ್ಪೀಕಿಂಗ್
ಈ ಕಾರ್ಯಕ್ರಮದಲ್ಲಿ ಪ್ರಭಾಸ್ ತಮ್ಮ ವೃತ್ತಿಜೀವನ, ಮುಂದಬರುವ ಚಿತ್ರಗಳು ಸೇರಿದಂತೆ ಸಾಕಷ್ಟು ವಿಷಯಗಳ ಕುರಿತು ಮಾತನಾಡಿದ್ದಾರೆ.
ಅಭಿಮಾನಿಗಳ ಅತಿರೇಕ: ಎಲ್ಲ ಫ್ಯಾನ್ಸ್ಗೆ ನಟಿ ರಮ್ಯಾ ಕಿವಿಮಾತು, ನಟರಿಗೆ ಸಲಹೆ; ಕೆಲ ಖಾತೆಗಳ ಬ್ಲಾಕ್ ಮಾಡಲು ಮನವಿ