ಉಸಿರುಗಟ್ಟಿಸಿದ, ಕೂದಲು ಎಳೆದ, ಗೋಡೆಗೆ ನೂಕಿದ; ಪತಿ ನೀಡಿದ ಕಿರುಕುಳ ಬಿಚ್ಚಿಟ್ಟ ಪೂನಂ

ಮುಂಬೈ: ನಟಿ, ಮಾಡೆಲ್​ ಪೂನಂ ಪಾಂಡೆ ಕಳೆದ ಕೆಲದಿನಗಳ ಹಿಂದಷ್ಟೇ ಸ್ಯಾಮ್​ ಬಾಂಬೆ ಎಂಬುವವರನ್ನು ಮದುವೆಯಾಗಿದ್ದರು. ಸಿನಿಮಾ ಶೂಟಿಂಗ್​ ಮತ್ತು ಹನಿಮೂನ್​ಗೆಂದು ಗೋವಾಕ್ಕೂ ತೆರಳಿದ್ದರು. ಆದರೆ, ಪತಿ ನನ್ನ ಮೇಲೆ ಹಲ್ಲೆ ಮಾಡಿದ್ದಾನೆಂದು ಆರೋಪಿಸಿ ಸ್ಯಾಮ್​ ವಿರುದ್ಧ ದೂರು ನೀಡಿದ ಹಿನ್ನೆಲೆಯಲ್ಲಿ ಸ್ಯಾಮ್​ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಹಾಗಾದರೆ, ಪತಿ ಸ್ಯಾಮ್​ ಮಾಡಿದ್ದಾದರೂ ಏನು? ಅದೆಲ್ಲವನ್ನು ಸ್ವತಃ ಪೂನಂ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಸದ್ದಿಲ್ಲದೇ ನಡೆಯಿತಾ ಶ್ರೀದೇವಿ ಪುತ್ರಿ ಜಾಹ್ನವಿ ಕಲ್ಯಾಣ?; ಫೋಟೋಗಳು ಇಲ್ಲಿವೆ…

‘ಗೋವಾದಲ್ಲಿ ಹನಿಮೂನ್​ ಸಂದರ್ಭದಲ್ಲಿ ನನ್ನ ಮತ್ತು ಸ್ಯಾಮ್​ ವಿರುದ್ಧ ಒಂದಷ್ಟು ವಾದ ವಿವಾದ ನಡೆಯಿತು. ಆತ ನನ್ನ ಮೇಲೆ ಪ್ರಹಾರಕ್ಕೆ ಮುಂದಾದ. ನನ್ನನ್ನು ಕೊಲೆ ಮಾಡಲು ಯತ್ನಿಸಿದ. ಮುಖಕ್ಕೆ ಹೊಡೆಯುವುದಷ್ಟೇ ಅಲ್ಲ ಬೆಡ್​ ಮೇಲೆ ನನ್ನನ್ನು ಬಿಸಾಕಿ, ಘಾಸಿಗೊಳಿಸಿದ. ಕೊನೆಗೆ ನಾನು ಆತನಿಂದ ತಪ್ಪಿಸಿಕೊಂಡು ಕೋಣೆಯಿಂದ ಹೊರಬರುತ್ತಿದ್ದಂತೆ, ಹೋಟೆಲ್​ ಸಿಬ್ಬಂದಿ ಪೊಲೀಸ್​ಗೆ ಮಾಹಿತಿ ನೀಡಿದರು. ತಕ್ಷಣ ಸ್ಯಾಮ್​ನನ್ನು ಕರೆದೊಯ್ಯಲಾಯಿತು’ ಎಂದು ಪೂನಂ ಪಾಂಡೆ ಹೇಳಿಕೊಂಡಿದ್ದಾರೆ.

ಸ್ಯಾಮ್​ ತುಂಬ ಸಿಡುಕಿನ ಸ್ವಭಾವದವನು ಮತ್ತು ಸಣ್ಣ ಸಣ್ಣ ವಿಷಯಕ್ಕೆ ಸಿಟ್ಟಾಗುತ್ತಿದ್ದ ಎಂಬ ವಿಚಾರವನ್ನೂ ಹೇಳಿಕೊಂಡಿರುವ ಪೂನಂ, ಮದುವೆಯಾದ ಮೇಲೆ ಸರಿಹೋಗಬಹುದು ಎಂದುಕೊಂಡಿದ್ದರಂತೆ. ಆದರೆ, ಇದೀಗ ಅವರಿಗೆ ಈ ಘಟನೆ ಮೂಲಕ ಪ್ರೀತಿ ಕುರುಡು ಎಂಬುದು ಅರಿವಾಗಿದೆಯಂತೆ.

ಇದನ್ನೂ ಓದಿ: ಪೊಗರು ಹಾಡಿನ ಹವಾ: ದುಬಾರಿ ವೆಚ್ಚದ ಸೆಟ್​ನಲ್ಲಿ ಇಂಟ್ರೋ ಸಾಂಗ್

ಅಂದಹಾಗೆ ಸ್ಯಾಮ್​ರನ್ನು​ ಮದುವೆಯಾಗಿರುವುದಾಗಿ ಸೆಪ್ಟೆಂಬರ್​ 11 ರಂದು ತನ್ನ ಇನ್​ಸ್ಟಾಗ್ರಾಂನಲ್ಲಿ ಪೂನಂ ತಿಳಿಸಿದ್ದರು. ಮುಂಬೈನಲ್ಲಿ ಸಾಂಪ್ರದಾಯಿಕವಾಗಿ ಮದುವೆಯಾಗಿರುವ ಬಗ್ಗೆ ತಿಳಿಸಿ, ಕೆಲ ಫೋಟೋಗಳನ್ನು ಹಂಚಿಕೊಂಡಿದ್ದರು. (ಏಜೆನ್ಸೀಸ್​)

https://www.vijayavani.net/sandalwood-actor-rockline-sudhakar-died/