ಮಿಲಿಂದ್ ಬೆತ್ತಲೆ ಓಟ ತಪ್ಪು ಅನಿಸಿದರೆ, ನಾಗಾಸಾಧುಗಳ ಮೇಲೂ ದೂರು ದಾಖಲಿಸಿ; ಪೂಜಾ ಬೇಡಿ

ಪಣಜಿ: ಗೋವಾದ ಬೀಚ್​ನಲ್ಲಿ ಅರೆನಗ್ನ ನೃತ್ಯ ಮಾಡಿದ ಹಿನ್ನೆಲೆಯಲ್ಲಿ ಮಾಡೆಲ್​ ಪೂನಂ ಪಾಂಡೆ ವಿರುದ್ಧ ಇತ್ತೀಚೆಗಷ್ಟೇ ದೂರು ದಾಖಲಾಗಿ, ಬಳಿಕ ಜಾಮೀನನ ಮೇಲೆ ಬಿಡುಗಡೆ ಆಗಿದ್ದರು. ಬಳಿಕ ಬೀಚ್​ನಲ್ಲಿ ಬೆತ್ತಲೆ ಓಡಾಡಿ ಜನ್ಮದಿನ ಆಚರಿಸಿಕೊಂಡಿದ್ದ ಮಿಲಿಂದ್​ ಸೋಮನ್​ಗೂ ನೆಟ್ಟಿಗರು ತರಾಟೆ ತೆಗೆದುಕೊಂಡಿದ್ದರು. ಅದರಂತೆ ಮಿಲಿಂದ್​ ವಿರುದ್ಧವೂ ದೂರು ದಾಖಲಾಗಿತ್ತು. ಇದೀಗ ಹಾಗೇ ಓಡಾಡಿದ್ದರಲ್ಲಿ ತಪ್ಪೇನಿದೆ ಎಂದು ಬಾಲಿವುಡ್ ನಟಿ ಪೂಜಾ ಬೇಡಿ ಮಿಲಿಂದ್ ಪರವಾಗಿ ಮಾತನಾಡಿದ್ದಾರೆ.

ಇದನ್ನೂ ಓದಿ: ಐವರು ನಿರ್ದೇಶಕರು ಸೇರಿ ನಿರ್ದೇಶಿಸಲಿದ್ದಾರೆ ‘ಪೆಂಟಗನ್​’

ಮಿಲಿಂದ್ ಬೆತ್ತಲೆಯಾಗಿ ಓಡಿದ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿತ್ತು. ಪೂನಂಗೆ ಒಂದು ನ್ಯಾಯ, ಮಿಲಿಂದ್​ಗೆ ಬಂದು ನ್ಯಾಯವಾ.. ಮಿಲಿಂದ್​ ಮೇಲೂ ಕೇಸ್​ ದಾಖಲಿಸಿ ಎಂದು ಸಾಕಷ್ಟು ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದರು. ಗೋವಾದ ಸುರಕ್ಷಾ ಮಂಚ್​ ಈ ಸಂಬಂಧ ದೂರು ನೀಡಿತ್ತು. ದೂರು ಪರಿಗಣಿಸಿ ಮಿಲಿಂದ್ ಸೋಮನ್​ ವಿರುದ್ಧ ಐಪಿಸಿ ಸೆಕ್ಷನ್​ 294 ಮತ್ತು 67ರ ಅಡಿಯಲ್ಲಿ ಸಾರ್ವಜನಿಕ ಸ್ಥಳದಲ್ಲಿ ಅಶ್ಲೀಲತೆ ಪ್ರದರ್ಶನ ಮಾಡಿದ್ದಾರೆಂದು ಎಫ್​ಐಆರ್ ದಾಖಲಿಸಲಾಗಿತ್ತು.

ಇದೀಗ ಮಿಲಿಂದ್ ಪರವಾಗಿ ನಿಂತಿರುವ ನಟಿ ಮತ್ತು ಮಾಡೆಲ್ ಪೂಜಾ ಬೇಡಿ, ’ಹಾಗೇ ಹಂಚಿಕೊಂಡಿರುವ ಚಿತ್ರದಲ್ಲಿ ಯಾವುದೇ ತಪ್ಪಿಲ್ಲ. ಇದು ನೋಡುಗರ ದೃಷ್ಟಿಕೋನದ ಮೇಲೆ ಬಿಟ್ಟ ವಿಚಾರ. ಆತನ ಫಿಸಿಕ್​ ಚೆನ್ನಾಗಿದೆ. ಒಂದು ವೇಳೆ ಹಾಗೇ ಬೆತ್ತಲೆಯಾಗಿ ಓಡಾಡುವುದು ತಪ್ಪೇ ಎಂದರೆ, ಎಲ್ಲ ನಾಗಾಸಾಧುಗಳೂ ಇಷ್ಟೊತ್ತಿಗೆ ಜೈಲಿನಲ್ಲಿರಬೇಕಿತ್ತು’ ಎಂದು ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಇದೇನು ನದಿಯೋ ಅಥವಾ ರಕ್ತದೋಕಳಿಯೋ? ಗಾಬರಿಯಿಂದ ಕಂಗಾಲಾದ ಸ್ಥಳೀಯರು

55ನೇ ಜನ್ಮದಿನದ ಹಿನ್ನೆಲೆಯಲ್ಲಿ ಗೋವಾದ ಬೀಚ್​ನಲ್ಲಿ ಬೆತ್ತಲೆಯಾಗಿ ಓಡಾಡಿದ ಫೋಟೋವನ್ನು ಮಿಲಿಂದ್​ ಶೇರ್​ ಮಾಡಿದ್ದರು. ಆ ಫೋಟೋಕ್ಕೆ ಪತ್ನಿ ಫೋಟೋ ಕ್ರೆಡಿಟ್ ಎಂದೂ ಬರೆದುಕೊಂಡಿದ್ದರು. ಮುಜುಗರಕ್ಕೀಡು ಮಾಡುವ ಫೋಟೋ ಶೇರ್​ ಮಾಡಿಕೊಂಡು ನೆಟ್ಟಿಗರಿಂದ ಅಪಮಾನಕ್ಕೀಡಾಗಿದ್ದರು. (ಏಜೆನ್ಸೀಸ್​)

https://www.vijayavani.net/allu-arjun-and-rashmika-mandanna-to-resume-shooting-for-sukumars-film-from-november-10/