ಮುಂಬೈ: ದೇಶದ ಬಗ್ಗೆ ಅಪಾರ ಪ್ರೀತಿ ಇರುವ, ದೇಶದ ಬಹಳಷ್ಟು ಮಂದಿಯಿಂದ ಗೌರವಿಸಲ್ಪಡುವ ಖ್ಯಾತ ಉದ್ಯಮಿ ರತನ್ ಟಾಟಾ ಒಮ್ಮೆ ತಪ್ಪಿತಸ್ಥರ ಸ್ಥಾನದಲ್ಲಿ ನಿಂತಂತಾಗಿತ್ತು. ಏಕೆಂದರೆ ಅವರು ತಪ್ಪೇ ಮಾಡದಿದ್ದರೂ ಮುಂಬೈ ಪೊಲೀಸರು ಅವರಿಗೆ ತಪ್ಪು ಮಾಡಿದ್ದಾಗಿ ನೋಟಿಸ್ ಕಳುಹಿಸಿದ್ದರು.
ಟಾಟಾ ಕಚೇರಿಗೆ ಅಂಥದ್ದೊಂದು ನೋಟಿಸ್ ಬರುತ್ತಿದ್ದಂತೆ, ಅದನ್ನು ಪರಿಶೀಲಿಸಿದ ಕಚೇರಿ ಸಿಬ್ಬಂದಿ ಪ್ರಕರಣವನ್ನು ಅಲ್ಲಗಳೆದಿದ್ದರು. ಆ ದಿನದಂದು ಆ ಪ್ರದೇಶಕ್ಕೆ ಟಾಟಾ ಅವರು ಹೋಗೇ ಇರಲಿಲ್ಲ ಎಂದು ಸಿಬ್ಬಂದಿ ಸ್ಪಷ್ಟಪಡಿಸಿದ್ದರು. ಆಗ ನಿಜವಾಗಿಯೂ ಗೊಂದಲ ಉಂಟಾಗಿದ್ದು ಪೊಲೀಸರಿಗೆ. ಏಕೆಂದರೆ ಎಲ್ಲ ಸರಿ ಇದ್ದರೂ ಏನೋ ಎಡವಟ್ಟಾಗಿದೆ ಎಂಬುದು ಆಗ ಪೊಲೀಸರಿಗೆ ಮನದಟ್ಟಾಗಿದೆ. ಆಗಿದ್ದೇನೆಂದರೆ ರತನ್ ಟಾಟಾ ಅವರ ಎಂಎಚ್ 01 ಡಿಕೆ 0111 ನಂಬರ್ ಹೊಂದಿರುವ ಕಾರು ಸಂಚಾರ ನಿಯಮ ಉಲ್ಲಂಘಿಸಿದ್ದಾಗಿ ಮುಂಬೈ ಸಂಚಾರ ಪೊಲೀಸರು ಟಾಟಾ ಕಚೇರಿಗೆ ನೋಟಿಸ್ ಕಳಿಸಿದ್ದರು. ಆಗ ಕಾರ್ ನಂಬರನ್ನು ಯಾರಾದರೂ ದುರ್ಬಳಕೆ ಮಾಡಿಕೊಂಡಿರಬಹುದು ಎಂದು ಕಚೇರಿ ಸಿಬ್ಬಂದಿ ಅನುಮಾನ ವ್ಯಕ್ತಪಡಿಸಿದ್ದರು.
ಇದನ್ನೂ ಓದಿ: ಇದ್ದಲ್ಲೇ ಹಾರೈಸಿ … ಅಭಿಮಾನಿಗಳಿಗೆ ‘ರಾಕಿಂಗ್ ಸ್ಟಾರ್’ ಮನವಿ
ಆ ನಂತರ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ ಪೊಲೀಸರು ಮತ್ತಷ್ಟು ತನಿಖೆ ನಡೆಸಿದಾಗ ಟಾಟಾ ಅವರ ಕಾರು ಸಂಚಾರ ನಿಯಮ ಉಲ್ಲಂಘಿಸಿತ್ತು ಎನ್ನಲಾದ ಪ್ರದೇಶದಲ್ಲೇ ಅದೇ ನಂಬರ್ನ ಬೇರೆ ಕಾರು ಪತ್ತೆಯಾಗಿತ್ತು. ಮುಂಬೈನ ಮಾತುಂಗದ ಫೈವ್ ಗಾರ್ಡನ್ಸ್ ಪ್ರದೇಶದಿಂದ ಆ ಕಾರನ್ನು ವಶಕ್ಕೆ ಪಡೆದು ಪೊಲೀಸರು ತನಿಖೆ ನಡೆಸಿದಾಗ ಪ್ರಕರಣದ ಹಿಂದೆ ಮಹಿಳೆಯೊಬ್ಬಳು ಇರುವುದು ಗಮನಕ್ಕೆ ಬಂದಿತ್ತು. ಮಹಿಳೆಯೊಬ್ಬರು ಆ ಕಾರಿಗೆ ನಕಲಿ ನಂಬರ್ ಪ್ಲೇಟ್ ಹಾಕಿಕೊಂಡಿರುವುದು ಗಮನಕ್ಕೆ ಬಂದಿದ್ದು, ಪೊಲೀಸರು ಮಹಿಳೆಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ. (ಏಜೆನ್ಸೀಸ್)
ಬೀದಿನಾಯಿ ಕಚ್ಚಿದ್ರೂ ಸುಮ್ನಿರ್ಬೇಕಂತೆ; ಇಲ್ಲಂದ್ರೆ ಮೇನಕಾ ಗಾಂಧಿ ಫೋನ್ ಮಾಡಿ ಬೆದರಿಕೆ ಹಾಕ್ತಾರೆ!
ಇನ್ಶೂರೆನ್ಸ್ ಪಾಲಿಸಿ ಮಾಡಿಸೋ ಮುನ್ನ ಹುಷಾರು!; ದೊಡ್ಡ ಕಂಪನಿಗಳ ಹೆಸರಲ್ಲೇ ನಕಲಿ ಪಾಲಿಸಿ!
ಬ್ಯಾಚಲರ್ ಹುಡುಗರಿದ್ದ ಮನೆಯಲ್ಲಿ ವಿವಾಹಿತೆಯ ಶವ!; ಕೆಲಸಕ್ಕೆಂದು ಹೋಗಿದ್ದವಳು ಅಲ್ಲೇಕೆ ಹೋದಳು?