ಕರೊನಾಗೆ ವ್ಯಕ್ತಿ ಬಲಿ: ನೊಂದ ಹೆಂಡತಿ-ಮಕ್ಕಳಿಂದ ಆತ್ಮಹತ್ಯೆ ಯತ್ನ; ಮಗಳ ಸಾವು, ಅಮ್ಮನ ಸ್ಥಿತಿ ಚಿಂತಾಜನಕ..

ಬೆಂಗಳೂರು: ಪತಿ ಕರೊನಾಗೆ ಬಲಿಯಾದ್ದರಿಂದ ನೊಂದ ಪತ್ನಿ, ತನ್ನ ಮಗಳೊಂದಿಗೆ ಆತ್ಮಹತ್ಯೆಗೆ ಯತ್ನಿಸಿದ್ದು, ಇದರಲ್ಲಿ ಮಗಳು ಮೃತಪಟ್ಟರೆ, ತಾಯಿಯ ಪರಿಸ್ಥಿತಿ ಗಂಭೀರವಾಗಿದ್ದು, ಜೀವನ್ಮರಣ ಹೋರಾಟ ನಡೆಸುತ್ತಿದ್ದಾಳೆ.

ಯಲಹಂಕ ತಾಲೂಕಿನ ದಿಬ್ಬೂರು ಗ್ರಾಮದಲ್ಲಿ ಈ ದುರಂತ ಸಂಭವಿಸಿದೆ. ಈ ಪ್ರಕರಣದಲ್ಲಿ ಪುತ್ರಿ ದಿವ್ಯಾ(12) ಮೃತಪಟ್ಟಿದ್ದು, ತಾಯಿ ವರಲಕ್ಷ್ಮೀ (38) ಪರಿಸ್ಥಿತಿ ಚಿಂತಾಜನಕವಾಗಿದ್ದು, ರಾಜಾನುಕುಂಟೆಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಇದನ್ನೂ ಓದಿ: ಅತ್ತ ಕೋಟ್ಯಂತರ ರೂಪಾಯಿ ಸಾಲ ಪಡೆದಿದ್ದ ಕಾರ್ಖಾನೆ ಬಂದ್​; ಇತ್ತ ಬೇಕಾಬಿಟ್ಟಿಯಾಗಿ ಸಾಲ ನೀಡಿದ್ದ ಅಧಿಕಾರಿ ಸಸ್ಪೆಂಡ್..​

ವರಲಕ್ಷ್ಮೀಯ ಪತಿ ಮೂರು ತಿಂಗಳ ಹಿಂದೆ ಕರೊನಾಗೆ ಬಲಿಯಾಗಿದ್ದರು. ಇದರಿಂದ ನೊಂದು ದಿಕ್ಕುಕಾಣದಂತಾಗಿದ್ದ ಈಕೆ ತನ್ನಿಬ್ಬರು ಮಕ್ಕಳೊಂದಿಗೆ ನಿನ್ನೆ ಸಂಜೆ ಮನೆಯಲ್ಲೇ ಆತ್ಮಹತ್ಯೆಗೆ ಯತ್ನಿಸಿದ್ದಳು. ಈ ಸಂದರ್ಭದಲ್ಲಿ ಮನೆಯಿಂದ ಓಡಿಬಂದ ಕಿರಿಯ ಮಗಳು ಕಿರುಚಿಕೊಂಡಿದ್ದು, ತಕ್ಷಣ ಧಾವಿಸಿದ ಸ್ಥಳೀಯರು ಮನೆಯೊಳಗೆ ಹೋಗಿ ಹಿರಿಯ ಮಗಳು ಹಾಗೂ ತಾಯಿಯನ್ನು ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸಿದ್ದರು. ಆದರೆ ಆ ಪೈಕಿ ಹಿರಿಯ ಮಗಳು ಬೆಳಗ್ಗೆ ಸಾವಿಗೀಡಾಗಿದ್ದು, ವರಲಕ್ಷ್ಮೀ ಸದ್ಯಕ್ಕೆ ಪ್ರಾಣಾಪಾಯದಿಂದ ಪಾರಾಗಿದ್ದರೂ, ಪರಿಸ್ಥಿತಿ ಚಿಂತಾಜನಕವಾಗಿದೆ. ರಾಜಾನುಕುಂಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/main-reason-to-lose-life-is-this-it-is-the-tragedy-behind-fire-accident/

https://www.vijayavani.net/this-thief-comes-in-auto-and-goes-with-cycle/

https://www.vijayavani.net/love-jihad-attempt-at-bengaluru-that-lady-is-rescued-by-hindu-activists/