ಬೆಂಗಳೂರು: ಕಳ್ಳರೇ ಹಾಗೇ.. ಹೇಗೋ ಬಂದು ಹೇಗೋ ವಾಪಸ್ ಹೋಗಿ ಬಿಡುತ್ತಾರೆ. ಆದರೆ ಹತ್ತು ಬಾರಿ ಕದ್ದವ ಹನ್ನೊಂದನೇ ಸಲವಾದರೂ ಸಿಕ್ಕಿಬೀಳುತ್ತಾನೆ ಎಂಬಂತೆ ಈ ಖತರ್ನಾಕ್ ಕಳ್ಳ ಕೊನೆಗೂ ಸಿಕ್ಕಿಬಿದ್ದಿದ್ದಾನೆ. ಸಂಜಯನಗರ ಪೊಲೀಸರ ಕೈಗೆ ಸಿಕ್ಕಿಬಿದ್ದಿರುವ ಈ ‘ಬೈಸಿಕಳ್ಳ’ನ ಹೆಸರು ರಫೀಕ್.
ಈ ಖತರ್ನಾಕ್ ಕಳ್ಳ ಆಟೋದಲ್ಲಿ ಬರುತ್ತಾನೆ, ಹೋಗುವಾಗ ಸೈಕಲ್ನಲ್ಲೇ ಹೋಗುತ್ತಾನೆ. ಈತನನ್ನು ಬೈಸಿಕಳ್ಳ ಎಂದರೂ ತಪ್ಪೇನಲ್ಲ. ಏಕೆಂದರೆ ದುಬಾರಿ ಬೈಸಿಕಲ್ಗಳನ್ನೇ ಕದಿಯುವ ಈತನಿಂದ ಪೊಲೀಸರು 45 ಸೈಕಲ್ಗಳನ್ನು ವಶಪಡಿಸಿಕೊಂಡಿದ್ದಾರೆ.
ರಸ್ತೆ ಬದಿಯಲ್ಲಿ ಅಥವಾ ಮನೆಯ ಆವರಣದಲ್ಲಿ ನಿಲ್ಲಿಸಿರುವ ದುಬಾರಿ ಸೈಕಲ್ಗಳನ್ನು ಈತ ಕದಿಯುತ್ತಿದ್ದ. ಬಳಿಕ ಅದನ್ನು ಅರ್ಧದರಕ್ಕೆ ಬೇರೆಯವರಿಗೆ ಮಾರಾಟ ಮಾಡುತ್ತಿದ್ದ. ಈತನಿಂದ ವಶಪಡಿಸಿಕೊಂಡಿರುವ ಸೈಕಲ್ಗಳಲ್ಲಿ ಪ್ರತಿಯೊಂದೂ 20ರಿಂದ 40 ಸಾವಿರ ರೂ. ಮೌಲ್ಯದ್ದಾಗಿದೆ.
ಜೀವಂತ ಸುಟ್ಟುಹೋದಾಕೆಯ ಸಾವಿನ ಹಿಂದಿನ ಅಸಲಿ ಕಾರಣವೇ ಇದು!; ಅಪಾರ್ಟ್ಮೆಂಟ್ ಅಗ್ನಿ ಆಕಸ್ಮಿಕದ ಹಿಂದಿನ ದುರಂತ