ವಾಟ್ಸ್​ಆ್ಯಪ್​ಗೆ ಬಾಯ್​ ಬಾಯ್​, ಟೆಲಿಗ್ರಾಮ್​ಗೆ ಹಾಯ್​ ಹಾಯ್​: ಯಾಕೆ, ಏನಾಯಿತು?

ಬೆಂಗಳೂರು: ಒಂದೇ ವಾರದೊಳಗೆ ಅದೆಷ್ಟೋ ಮಂದಿ ವಾಟ್ಸ್​ಆ್ಯಪ್​ಗೆ ಬೈಯುವ ಜತೆಗೆ ಬಾಯ್​ ಹೇಳಲೂ ಆರಂಭಿಸಿದ್ದಾರೆ. ಮಾತ್ರವಲ್ಲ, ಟೆಲಿಗ್ರಾಮ್​ಗೆ ಹಾಯ್​ ಹೇಳಲು ಹಾಗೂ ಸಿಗ್ನಲ್ ಕೊಡಲು ಮುಂದಾಗಿದ್ದಾರೆ. ಅರ್ಥಾತ್ ವಾಟ್ಸ್ಆ್ಯಪ್​ ಬದಲಿಗೆ ಹಲವರು ಟೆಲಿಗ್ರಾಮ್​ ಡೌನ್​ಲೋಡ್ ಮಾಡಿಕೊಂಡು ಬಳಸಲಾರಂಭಿಸಿದ್ದರೆ ಇನ್ನು ಕೆಲವರು 'ಸಿಗ್ನಲ್​' ಆ್ಯಪ್​ ಬಳಸುವುದು ಉತ್ತಮ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.

ಅಷ್ಟಕ್ಕೂ ಹೀಗಾಗಿದ್ದೇಕೆ ಎಂದರೆ, ಇದು ವಾಟ್ಸ್​ಆ್ಯಪ್​ನ ಸ್ವಯಂಕೃತ ಅಪರಾಧ. ಅಂದರೆ, ಇತ್ತೀಚೆಗಷ್ಟೇ ವಾಟ್ಸ್​ಆ್ಯಪ್​ ತನ್ನ ಪ್ರೈವೆಸಿ ಪಾಲಿಸಿ ಪರಿಷ್ಕರಿಸಿದ್ದು, ಇದರ ಬಗ್ಗೆ ಅಸಮಾಧಾನಗೊಂಡಿರುವ ಬಳಕೆದಾರರು ಈ ಬದಲಾವಣೆಗೆ ಮುಂದಾಗಿದ್ದಾರೆ. ವಾಟ್ಸ್​ಆ್ಯಪ್​ನ ಹೊಸ ಪ್ರೈವೆಸಿ ಪಾಲಿಸಿ ಬಳಕೆದಾರರ ಖಾಸಗಿತನಕ್ಕೆ ಧಕ್ಕೆ ತರಲಿದೆ ಎಂಬ ಹಿನ್ನೆಲೆಯಲ್ಲಿ ಹಾಗೂ ವೈಯಕ್ತಿಕ ಮಾಹಿತಿಗಳು ಸುರಕ್ಷಿತವಲ್ಲ ಎಂಬ ಕಾರಣಕ್ಕೆ ಈಗಾಗಲೇ ಹಲವಾರು ಬಳಕೆದಾರರು ವಾಟ್ಸ್​ಆ್ಯಪ್​ನಿಂದ ವಿಮುಖರಾಗಿ ಟೆಲಿಗ್ರಾಮ್​ನತ್ತ ಮುಖ ಮಾಡಿದ್ದಾರೆ.

ಇದನ್ನೂ ಓದಿ: ಸೆಕ್ಸ್​ ಮಾಡುವಾಗ ಉಸಿರುಗಟ್ಟಿ ಸತ್ತೇ ಹೋದಳು… ಬ್ಯಾಚಲರ್​ ಮನೆಯಲ್ಲಿ ವಿವಾಹಿತೆ ಸಾವು!

ಫೇಸ್​ಬುಕ್ ಮಾಲೀಕತ್ವದಲ್ಲಿರುವ ವಾಟ್ಸ್​ಆ್ಯಪ್​ನ ಹೊಸ ಪ್ರೈವೆಸಿ ಪಾಲಿಸಿ ಫೆಬ್ರವರಿ 8ರಿಂದ ಅನ್ವಯಿಸಲಿದೆ. ಹೊಸ ಪಾಲಿಸಿಯಿಂದ ಫೇಸ್​ಬುಕ್​ ಸಂಸ್ಥೆಗೆ ವಾಟ್ಸ್​ಆ್ಯಪ್​ ಡಾಟಾ ಮೇಲೆ ಕಣ್ಣು ಹಾಕಲು ಅನುಕೂಲವಾಗಲಿದೆ ಎನ್ನಲಾಗಿದೆ. ಅಲ್ಲದೆ ಫೇಸ್​ಬುಕ್​ ಈ ಹಿಂದೆಯೇ ಡೇಟಾ ಕಳವು ಆರೋಪ ಎದುರಿಸಿರುವುದರಿಂದ ಈಗ ಬಳಕೆದಾರರಲ್ಲಿ ಈ ಅಭದ್ರತೆ ಕಾಡಲಾರಂಭಿಸಿದೆ. ಇನ್ನು ಫೆಬ್ರವರಿ 8ರ ಬಳಿಕ ವಾಟ್ಸ್​ಆ್ಯಪ್​ ಬಳಸಬೇಕಿದ್ದರೆ ಬಳಕೆದಾರರು ಈಗಿನ ಹೊಸ ಪ್ರೈವೆಸಿ ಪಾಲಿಸಿಯನ್ನು ಒಪ್ಪಿಕೊಳ್ಳಬೇಕಾದ್ದು ಅನಿವಾರ್ಯ.

ಹೀಗಾಗಿ ಬಹಳಷ್ಟು ಮಂದಿ ವಾಟ್ಸ್​ಆ್ಯಪ್ ಡಿಲೀಟ್ ಮಾಡಿ ಟೆಲಿಗ್ರಾಮ್​ ಹಾಗೂ ಸಿಗ್ನಲ್ ಆ್ಯಪ್​ಗಳನ್ನು ಇನ್​ಸ್ಟಾಲ್ ಮಾಡಿಕೊಳ್ಳಲು ಆರಂಭಿಸಿದ್ದಾರೆ. ಮಾತ್ರವಲ್ಲ ವಾಟ್ಸ್​ಆ್ಯಪ್​ ಹೊಸ ಪ್ರೈವೆಸಿ ಪಾಲಿಸಿ ಬಗ್ಗೆ ಬಹಿರಂಗವಾಗಿಯೇ ಅಸಮಾಧಾನ ತೋಡಿಕೊಂಡಿದ್ದಾರೆ. ಇನ್ನು ಕೆಲವರು ವಾಟ್ಸ್​ಆ್ಯಪ್​ಗಿಂತಲೂ ಟೆಲಿಗ್ರಾಮ್​ ಹೇಗೆ ವಿಶೇಷ ಹಾಗೂ ಉತ್ತಮ ಮತ್ತು ಅದರಲ್ಲಿರುವ ಫೀಚರ್ಸ್ ತಾಳೆ ಹಾಕಿ ಟೆಲಿಗ್ರಾಮ್​ ಬಳಸುವುದು ಉತ್ತಮ ಎಂದು ಸಾರಲಾರಂಭಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/person-dies-ten-days-after-taking-corona-vaccine/

https://www.vijayavani.net/man-was-allegedly-set-on-fire-by-his-daughter-and-other-family-members/