ಮಗಳ ಅಕ್ರಮ ಸಂಬಂಧವನ್ನು ಒಪ್ಪದ ತಂದೆಯ ಸಜೀವ ದಹನ! ಹೆಂಡತಿ ಮಕ್ಕಳಿಂದಲೇ ನಡೆಯಿತು ದುಷ್ಕೃತ್ಯ

ಲಖನೌ: ಅಕ್ರಮ ಸಂಬಂಧ ಹೊಂದಿ ತಪ್ಪು ಮಾಡುತ್ತಿದ್ದ ಮಗಳನ್ನು ವಿರೋಧಿಸಿದ್ದಕ್ಕೆ ಮಕ್ಕಳು ಮತ್ತು ಅಮ್ಮ ಸೇರಿಕೊಂಡು ತಂದೆಯನ್ನೇ ಕೊಲೆ ಮಾಡಿರುವ ಘಟನೆ ಉತ್ತರ ಪ್ರದೇಶದ ಬದೌನ್​ ಜಿಲ್ಲೆಯಲ್ಲಿ ನಡೆದಿದೆ. ದೇಹದ ಶೇ. 30 ಭಾಗ ಸುಟ್ಟಿರುವ ವ್ಯಕ್ತಿ ಇದೀಗ ಸಾವು ಬದುಕಿನ ನಡುವೆ ಹೋರಾಟ ನಡೆಸುತ್ತಿದ್ದಾನೆ.

ಇದನ್ನೂ ಓದಿ: ‘ಹೋರಾಟನಿರತ ರೈತರನ್ನು ಬೆದರಿಸಲು ಪಂಜಾಬ್​ ಸಿಎಂ ರಾಜ್ಯದ ಪೊಲೀಸರನ್ನು ದೆಹಲಿಗೆ ಕಳಿಸಿದ್ದಾರೆ!’

ಮೊಹಮ್ಮದ್​ ಅಮೀರ್​ ಹೆಸರಿನ ವ್ಯಕ್ತಿಗೆ 21 ವರ್ಷ ಮತ್ತು 26 ವರ್ಷದ ಇಬ್ಬರು ಹೆಣ್ಣು ಮಕ್ಕಳು ಹಾಗೂ 24 ವರ್ಷದ ಮಗನೊಬ್ಬನಿದ್ದಾನೆ. ಒಬ್ಬ ಮಗಳು ಅಕ್ರಮ ಸಂಬಂಧವನ್ನು ಹೊಂದಿರುವ ವಿಚಾರ ಮೊಹಮ್ಮದ್​ಗೆ ತಿಳಿದುಬಂದಿದೆ. ಈ ವಿಚಾರವಾಗಿ ಮನೆಯಲ್ಲಿ ಕೂಗಾಡಿದ್ದಾನೆ. ಸಂಬಂಧವನ್ನು ಮುರಿದುಕೊಳ್ಳುವಂತೆ ಎಚ್ಚರಿಸಿದ್ದಾನೆ. ಆದರೆ ಸಿಟ್ಟಿಗೆದ್ದ ಮನೆಯವರು, ಮೊಹಮ್ಮದ್​ನ್ನು ಕೊಲ್ಲುವ ನಿರ್ಧಾರ ಮಾಡಿದ್ದಾರೆ.

ಇದನ್ನೂ ಓದಿ: ಮಗಳನ್ನು ಕೊಂದು ಹೊಲದಲ್ಲಿ ಎಸೆದ ಅಪ್ಪ ಅಮ್ಮ! ಇಷ್ಟಕ್ಕೆಲ್ಲ ಕಾರಣ ಆ ಯುವಕ

ಜನವರಿ 5ರಂದು ಮೊಹಮ್ಮದ್​ ದೇಹದ ಮೇಲೆ ಪೆಟ್ರೋಲ್​ ಸುರಿದು ಸುಡಲಾಗಿದೆ. ಹೆಂಡತಿ, ಮಗಳು ಮತ್ತು ಮಗ ಸೇರಿಕೊಂಡು ಈ ಕೃತ್ಯ ಮಾಡಿರುವುದಾಗಿ ಆತ ಹೇಳಿಕೊಂಡಿದ್ದಾನೆ. ಅಪ್ಪನಿಗೆ ಬೆಂಕಿ ಹಚ್ಚಿ ಮನೆಯವರೆಲ್ಲರೂ ಅಲ್ಲಿಂದ ಪರಾರಿಯಾಗಿದ್ದಾರೆ. ಸ್ಥಳೀಯರ ಮಾಹಿತಿಯ ಮೇರೆಗೆ ಮನೆಗೆ ಬಂದ ಪೊಲೀಸರಿಗೆ ಅರೆಬೆಂದ ಮೊಹಮ್ಮದ್​ನ ದೇಹ ಸಿಕ್ಕಿದೆ. ತಕ್ಷಣ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಹೇಳಿಕೆ ಪಡೆಯಲಾಗಿದೆ. ಇದೀಗ ಆರೋಪಿಗಳಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ. (ಏಜೆನ್ಸೀಸ್​)

https://www.vijayavani.net/man-died-in-nagpur-maharashtra-who-was-tied-to-a-chair-by-a-woman-during/

https://www.vijayavani.net/turkish-family-brutally-ends-her-daughter-and-lover-life-those-who-are-escape/