ಅಲ್ಲು ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ಮುಖ್ಯಭೂಮಿಕೆ ನಿಭಾಯಿಸುತ್ತಿರುವ ಪುಷ್ಪ ಸಿನಿಮಾ ಒಂದಲ್ಲ ಒಂದು ಕಾರಣಕ್ಕೆ ಸುದ್ದಿ ಮಾಡುತ್ತಿದೆ. ಅಲ್ಲು ಅರ್ಜುನ್ ಫಸ್ಟ್ ಲುಕ್ ಮೂಲಕ ಗಮನ ಸೆಳೆದಿರುವುದು ಒಂದೆಡೆಯಾದರೆ, ಮೊದಲ ಬಾರಿ ಅರ್ಜುನ್ ಸಿನಿಮಾ ದಕ್ಷಿಣದ ನಾಲ್ಕು ಭಾಷೆಗಳಲ್ಲಿ ಸಿನಿಮಾ ಬಿಡುಗಡೆಯಾಗುತ್ತಿದೆ. ಹೀಗೆ ಹಲವು ವಿಶೇಷತೆಗಳನ್ನು ಒಳಗೊಂಡಿರು ಪುಷ್ಪ ಸಿನಿಮಾ ಇದೀಗ ಶೂಟಿಂಗ್ಗೂ ಮುನ್ನ ಐಟಂ ಹಾಡಿನ ಮೂಲಕ ಸದ್ದು ಮಾಡುತ್ತಿದೆ.
ಇದನ್ನೂ ಓದಿ: ಹಿಂದಿ ಬೆಲ್ ಬಾಟಂಗೆ ವಾಣಿ ರಾಣಿ
ಹೌದು, ಸುಕುಮಾರ್ ನಿರ್ದೇಶನದ ಪುಷ್ಪ ಸಿನಿಮಾ ಇದೀಗ ಚಿತ್ರದಲ್ಲಿನ ಐಟಂ ಹಾಡಿನ ವಿಚಾರವಾಗಿ ಸುದ್ದಿಯಲ್ಲಿದೆ. ದೇವಿಶ್ರೀ ಪ್ರಸಾದ್ ಕಂಪೋಸ್ ಮಾಡಿದ ಹಾಡಿಗೆ ನಟಿ ಪಾಯಲ್ ರಜಪೂತ್ ಸೊಂಟ ಬಳುಕಿಸಲಿದ್ದಾರೆ ಎನ್ನಲಾಗುತ್ತಿದೆ. ಈಗಾಗಲೇ ಚಿತ್ರೀಕರಣ ಪೂರ್ವ ಕೆಲಸ ಮುಗಿಸಿಕೊಂಡಿರುವ ಪುಷ್ಪ ಚಿತ್ರತಂಡ, ಶೀಘ್ರದಲ್ಲಿ ಶೂಟಿಂಗ್ಗೆ ಚಾಲನೆ ನೀಡಲಿದೆ. ಅದರಲ್ಲಿ ಮೊದಲಿಗೆ ಐಟಂ ಹಾಡಿನ ಶೂಟಿಂಗ್ ಮಾಡಿಕೊಳ್ಳುವ ಲೆಕ್ಕಾಚಾರ ಹಾಕಿದೆಯಂತೆ ಚಿತ್ರತಂಡ.
ಇದನ್ನೂ ಓದಿ: ರಾಗಿಣಿ ಚಂದ್ರನ್ ಲಾ… ಕುತೂಹಲ…
ದೆಹಲಿ ಮೂಲದ ಪಾಯಲ್ ರಜಪೂತ್, 2012ರಲ್ಲಿ ಸೀರಿಯಲ್ ಮೂಲಕ ಬಣ್ಣದ ಲೋಕಕ್ಕೆ ಆಗಮಿಸಿದ್ದರು. ಅದಾದ ಬಳಿಕ ಪಂಜಾಬಿಯ ಚನ್ನಾ ಮೇರೆಯಾ ಮೂಲಕ ಪಂಜಾಬಿಗೆ ಪದಾರ್ಪಣೆ ಮಾಡಿದರು. 2018ರಲ್ಲಿ ಆರ್ಎಕ್ಸ್ 100 ಚಿತ್ರದ ಮೂಲಕ ಟಾಲಿವುಡ್ಗೆ ಆಗಮಿಸಿ ಸಖತ್ ಹವಾ ಸೃಷ್ಟಿಸಿದ್ದರು. ಬಳಿಕ ಸಾಲು ಸಾಲು ಸಿನಿಮಾ ಅವಕಾಶಗಳನ್ನು ಗಿಟ್ಟಿಸಿಕೊಂಡು ಸದ್ಯ ಸೌಥ್ನಲ್ಲೇ ಸೆಟಲ್ ಆಗುವ ಪ್ಲ್ಯಾನ್ ಹಾಕಿದ್ದಾರೆ. ಹೀಗಿರುವಾಗ ಪುಷ್ಪ ಚಿತ್ರದಲ್ಲಿನ ಐಟಂ ಹಾಡಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ.
VIDEO| ಇನ್ಸ್ಟಾದಲ್ಲಿ 14 ಮಿಲಿಯನ್ ಫಾಲೋವರ್ಸ್ ಆದ್ರು ಅಂತ ಈ ನಟಿ ಹೀಗಾ ಮಾಡೋದು!