ಗುರು-ಶಿಷ್ಯ ಪರಂಪರೆ ನಮ್ಮ ಭೂತ-ವರ್ತಮಾನ-ಭವಿಷ್ಯವನ್ನು ಸಂಪರ್ಕಿಸುವ ಸೇತುವೆ: ನೀತಾ ಅಂಬಾನಿ

ಮುಂಬೈ: ಗುರು-ಶಿಷ್ಯ ಪರಂಪರೆಯು ಭಾರತದ ಕಲಾತ್ಮಕ ಮತ್ತು ಸಾಂಸ್ಕೃತಿಕ ಪರಂಪರೆಯ ಹೃದಯ ಮತ್ತು ಆತ್ಮವಾಗಿದೆ ಎಂದು ರಿಲಯನ್ಸ್ ಫೌಂಡೇಷನ್​ನ ಅಧ್ಯಕ್ಷೆ ನೀತಾ ಅಂಬಾನಿ ಹೇಳಿದ್ದಾರೆ.

ಮುಂಬೈನಲ್ಲಿನ ನೀತಾ ಮುಖೇಶ್ ಅಂಬಾನಿ ಕಲ್ಚರಲ್ ಸೆಂಟರ್​ನಲ್ಲಿ ಗುರು ಪೂರ್ಣಿಮೆ ಪ್ರಯುಕ್ತ ಹಮ್ಮಿಕೊಂಡಿರುವ 'ಪರಂಪರಾ' ವಾರ್ಷಿಕ ಸಮಾರಂಭದಲ್ಲಿ ಅವರು ಮಾತನಾಡಿದರು.

ಗುರು-ಶಿಷ್ಯ ಪರಂಪರೆ ನಮ್ಮ ರಾಷ್ಟ್ರದ ಶ್ರೀಮಂತ ಪರಂಪರೆಯ ಅಡಿಪಾಯ. ಇದು ನಮ್ಮ ಭೂತ, ವರ್ತಮಾನ ಮತ್ತು ಭವಿಷ್ಯವನ್ನು ಸಂಪರ್ಕಿಸುವ ಸೇತುವೆಯಾಗಿ ಕಾರ್ಯನಿರ್ವಹಿಸುತ್ತದೆ. ಅಲ್ಲದೆ ಇದು ನಮ್ಮ ಮೌಲ್ಯಗಳ ಸಾರವನ್ನು ಸಾಕಾರಗೊಳಿಸುವ ಸಂಪ್ರದಾಯ ಎಂದು ನೀತಾ ಅಂಬಾನಿ ಹೇಳಿದರು.

'ಪರಂಪರಾ: ಗುರು ಪೂರ್ಣಿಮಾ ಸ್ಪೆಷಲ್' ಮೂಲಕ ಗುರು-ಶಿಷ್ಯರ ಕಾಲಾತೀತ ಪರಂಪರೆಯನ್ನು ನಾವು ಗೌರವಿಸುತ್ತೇವೆ ಎಂದು ಸಭಿಕರನ್ನುದ್ದೇಶಿಸಿ ಮಾತನಾಡಿದ ನೀತಾ ಅಂಬಾನಿ ಹೇಳಿದರು.

ಈ ಕಾರ್ಯಕ್ರಮವನ್ನು ಇಂದು ನೀತಾ ಅಂಬಾನಿ ದೀಪ ಬೆಳಗುವ ಮೂಲಕ ಉದ್ಘಾಟಿಸಿದರು. ಪದ್ಮವಿಭೂಷಣ ಪಂಡಿತ್ ಹರಿಪ್ರಸಾದ್ ಚೌರಾಸಿಯಾ, ಪಂಡಿತ್ ಕಾರ್ತಿಕ್ ಕುಮಾರ್, ಶಿಷ್ಯರಾದ ರಾಕೇಶ್​ ಚೌರಾಸಿಯಾ ಮತ್ತು ನೀಲಾದ್ರಿ ಕುಮಾರ್ ಉಪಸ್ಥಿತರಿದ್ದರು.

ಪ್ರತಿಯೊಬ್ಬರ ಜೀವನದಲ್ಲೂ ಪಾಲಕರೇ ಮೊದಲ ಗುರು, ಶಿಕ್ಷಕ ಹಾಗೂ ಮಾರ್ಗದರ್ಶಕರು ಎಂದ ನೀತಾ ಅಂಬಾನಿ, ಅವರ ಮಾವ ಧೀರೂಭಾಯಿ ಅಂಬಾನಿ ತಮ್ಮ ಜೀವನದ ಮೇಲೆ ಬೀರಿದ ಪ್ರಭಾವನ್ನು ಸ್ಮರಿಸಿಕೊಂಡರು. ಸುಮಾರು 2 ಸಾವಿರ ಮಂದಿ ನೆರೆದಿದ್ದ ಈ ಸಮಾರಂಭದಲ್ಲಿ ನೀತಾ ಅಂಬಾನಿ ಗುರುವಂದನೆ ಶ್ಲೋಕಗಳನ್ನು ಪಠಿಸಿದರು.

ಈ ವರ್ಷ ಎರಡು ದಿನಗಳ ವಾರಾಂತ್ಯದ ಈ ವಿಶೇಷ ಕಾರ್ಯಕ್ರಮವು ನೀತಾ ಮುಖೇಶ್ ಅಂಬಾನಿ ಸಾಂಸ್ಕೃತಿಕ ಕೇಂದ್ರದಲ್ಲಿ ಭಾರತೀಯ ಶಾಸ್ತ್ರೀಯ ಸಂಗೀತದ ದಿಗ್ಗಜರು ಮತ್ತು ಅವರ ಪ್ರಸಿದ್ಧ ಶಿಷ್ಯರನ್ನು ಒಟ್ಟುಗೂಡಿಸುತ್ತಿದೆ. ಭಾರತದ ಅತ್ಯುತ್ತಮತೆಯನ್ನು ಜಗತ್ತಿಗೆ ಪ್ರದರ್ಶಿಸುವ ದೃಷ್ಟಿಕೋನದಿಂದ ನೀತಾ ಅಂಬಾನಿಯವರ ನಿರ್ದೇಶನದಂತೆ ಈ ವಿಶೇಷ ಕಾರ್ಯಕ್ರಮ ಪ್ರಸ್ತುತಿ ಪಡಿಸಲಾಗುತ್ತಿದೆ.

https://www.vijayavani.net/cm-siddaramaiah-said-government-doctor-will-not-stay-in-his-hometown-phc

https://www.vijayavani.net/mother-and-her-two-children-died-in-a-river