ಇಮ್ರಾನ್​ ಖಾನ್ ಬಂಧನ ಕಾನೂನು ಬಾಹಿರ; ಪಾಕಿಸ್ತಾನ ಸುಪ್ರೀಂ ಕೋರ್ಟ್​

ಲಾಹೋರ್​: ಭ್ರಷ್ಟಾಚಾರ ಪ್ರಕರಣದಲ್ಲಿ ಪಾಕಿಸ್ತಾನದ ಮಾಜಿ ಪ್ರಧಾನ ಮಂತ್ರಿ ಇಮ್ರಾನ್​ ಖಾನ್​ ಅವರನ್ನು ಅರೆಸೇನಾ ಪಡೆಗಳು ವಶಕ್ಕೆ ಪಡೆದಿದ್ದವು.

ಇಮ್ರಾನ್​ ಖಾನ್​ ಅವರನ್ನು ಇಸ್ಲಾಮಾಬಾದ್​ನ ಕೋರ್ಟ್​ ಆವರಣದಲ್ಲಿ ವಶಕ್ಕೆ ಙಡೆಯಲಾಗಿತ್ತು ಮತ್ತು ದೇಶಾದ್ಯಂತ ಅವರ ಬಂಧನದ ನಂತರ ಹಿಂಸಾಚಾರ ಭುಗಿಲೆದ್ದಿತ್ತು.

ಕಾನೂನು ಬಾಹಿರ

ಇಮ್ರಾನ್​ ಖಾನ್​ ಬಂಧನ ಪಿಟಿಐ ಪಕ್ಷವು ಪಾಕಿಸ್ತಾನದ ಸುಪ್ರೀಂ ಕೋರ್ಟ್​ಗೆ ಅರ್ಜಿ ಸಲ್ಲಿಸಿತ್ತು. ವಿಚಾರಣೆ ನಡೆಸಿದ ನ್ಯಾಯಾಪೀಠವು ವಾದ-ಪ್ರತಿವಾದವನ್ನು ಸುಧೀರ್ಘವಾಗಿ ಆಲಿಸಿದ ನ್ಯಾಯಾಲಯವು ತನ್ನ ಅಭಿಪ್ರಾಯವನ್ನು ತಿಳಿಸಿದೆ.

ಇಮ್ರಾನ್​ ಖಾನ್​ ಅವರ ಬಂಧನವು ಕಾನೂನು ಬಾಹಿರವಾಗಿದ್ದು ತಕ್ಷಣವೇ ಅವರನನ್ಉ ಬಿಡುಗಡೆ ಮಾಡುವಂತೆ ಪಾಕಿಸ್ತಾನದ ಭ್ರಷ್ಟಾಚಾರ ನಿಗ್ರಹ ದಳದ ಅಧಿಕಾರಿಗಳಿಗೆ ಸೂಚಿಸಿದೆ.

ಇದನ್ನೂ ಓದಿ: ಭ್ರಷ್ಟಾಚಾರ ಪ್ರಕರಣ; ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್​ ಖಾನ್​ ಬಂಧನ

ವ್ಯಾಪಕ ಹಿಂಸಾಚಾರ

ಮಂಗಳವಾರ ಇಮ್ರಾನ್​ ಖಾನ್​ ಬಂಧನದ ನಂತರ ಪಾಕಿಸ್ತಾನದಲ್ಲಿ ಹಿಂಸಾಚಾರ ಭುಗಿಲೆದ್ದಿದ್ದು ಇಲ್ಲಿಯವರೆಗೂ ಅನೇಕ ಸರ್ಕಾರಿ ಹಾಗು ಖಾಸಗಿ ಸ್ವತ್ತುಗಳಿಗೆ ಹಾನಿಯಾಗಿದೆ.

ಪಾಕಿಸ್ತಾನದ ಹಲವೆಡೆ ಇಮ್ರಾನ್​ ಖಾನ್​ ಬೆಂಬಲಿಗರು ಕಲ್ಲುತೂರಾಟ ಹಾಗೂ ವಾಹನಗಿಳಿಗೆ ಬೆಂಕಿ ಹಚ್ಚುವ ಮೂಲಕ ತಮ್ಮ ಆಕ್ರೋಶವನ್ನು ಹೊರಹಾಕಿದ್ದಾರೆ.

https://www.vijayavani.net/indian-army-raises-bajrang-bali-ki-jai-slogan-during-drill

https://www.vijayavani.net/4-year-old-student-molested-by-school-peon