ರಾಮಲಲ್ಲಾ ನೋಡಲು ಅನುಮತಿ ನೀಡಿ; ಯುಪಿ ಸರ್ಕಾರದ ಮೊರೆ ಹೋದ ಪಾಕ್​ ಮಹಿಳೆ ಸೀಮಾ ಹೈದರ್

ಉತ್ತರಪ್ರದೇಶ: ಅಕ್ರಮವಾಗಿ ಭಾರತವನ್ನು ಪ್ರವೇಶಿಸಿದ ಪಾಕಿಸ್ತಾನ ಪ್ರಜೆ ಸೀಮಾ ಹೈದರ್, ರಾಮಲಲ್ಲಾನನ್ನು ನೋಡಲು ಅಯೋಧ್ಯೆಗೆ ತೆರಳಲು ಬಯಸಿದ್ದು, ಯುಪಿ ಸರ್ಕಾರದಿಂದ ಅನುಮತಿ ಕೋರಿದ್ದಾರೆ.

ಪಾಕಿಸ್ತಾನದ ಸೀಮಾ ಹೈದರ್ ಅಯೋಧ್ಯೆಯಲ್ಲಿ ಪ್ರತಿಷ್ಠಾಪಿಸಲಾಗಿರುವ ರಾಮ್ ಲಲ್ಲಾ ಅವರನ್ನು ಭೇಟಿ ಮಾಡಲು ಪಾದಯಾತ್ರೆ ಕೈಗೊಳ್ಳಲು ನಿರ್ಧರಿಸಿದ್ದಾರೆ. ಇದಕ್ಕಾಗಿ ಉತ್ತರ ಪ್ರದೇಶ ಸಿಎಂ ಯೋಗಿ ಅವರಿಂದ ಅನುಮತಿ ಕೋರಿ ಅರ್ಜಿ ಸಲ್ಲಿಸಿದ್ದರು.

ಉತ್ತರ ಪ್ರದೇಶ ನಿವಾಸಿ ಸಚಿನ್ ಮೇಲೆ ಪ್ರೀತಿಯಿಂದ ಪಾಕಿಸ್ತಾನದಿಂದ ಭಾರತಕ್ಕೆ ಬಂದಿರುವ ಸೀಮಾ ಹೈದರ್ ಹಿಂದೂ ಧರ್ಮವನ್ನು ತುಂಬಾ ಗೌರವಿಸುತ್ತೇನೆ ಎಂದು ಹೇಳಿದ್ದಾರೆ. ಸೀಮಾ ಹೈದರ್ ಅವರು ಕೃಷ್ಣನ ಭಕ್ತೆ ಎಂದು ಹೇಳುತ್ತಾರೆ. ಸೀಮಾ ಹೈದರ್ ಅವರು ಕೃಷ್ಣನ ಭಕ್ತೆ ಎಂದು ಹೇಳುತ್ತಾರೆ. ಸೀಮಾ ಹೈದರ್ ತಾನು ಹಿಂದೂ ಆಗಿದ್ದೇನೆ ಎಂದು ಹೇಳುತ್ತಾರೆ. ಪಾಕಿಸ್ತಾನದಲ್ಲಿದ್ದಾಗಲೂ ಹಿಂದೂ ಹಬ್ಬಗಳನ್ನು ಆಚರಿಸುತ್ತಿದ್ದಳು. ಸೀಮಾ ಹೈದರ್ ಸೋಷಿಯಲ್ ಮೀಡಿಯಾದಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ.

ಸೀಮಾ ಹೈದರ್ ಮತ್ತು ಅವರ ನಾಲ್ಕು ಮಕ್ಕಳು ನೇಪಾಳದ ಮೂಲಕ ಅಕ್ರಮವಾಗಿ ಭಾರತಕ್ಕೆ ವಲಸೆ ಬಂದರು. ಸದ್ಯ ಆಕೆ ಸಚಿನ್ ಜೊತೆ ನೋಯ್ಡಾದಲ್ಲಿ ನೆಲೆಸಿದ್ದಾಳೆ. ಕಾಲ್ನಡಿಗೆಯಲ್ಲಿ ಅಯೋಧ್ಯೆಗೆ ತೆರಳಲು ಬಯಸಿರುವ ಸೀಮಾ ಹೈದರ್ ಇದಕ್ಕಾಗಿ ಯೋಗಿ ಸರ್ಕಾರದಿಂದ ಅನುಮತಿ ಕೋರಿದ್ದಾರೆ.

ಸೀಮಾ ಹೈದರ್ ಅವರ ವಕೀಲರು ಭಾರತೀಯ ಪೌರತ್ವ ಪಡೆಯಲು ಪ್ರಯತ್ನಿಸುತ್ತಿದ್ದಾರೆ. ಸೀಮಾ ಅಯೋಧ್ಯೆಗೆ ತೆರಳುವ ಕಾನೂನು ಪ್ರಕ್ರಿಯೆ ಶೀಘ್ರದಲ್ಲೇ ಪೂರ್ಣಗೊಳ್ಳಲಿದೆ ಎಂದು ಅವರ ವಕೀಲ ಎಪಿ ಸಿಂಗ್ ಹೇಳಿದ್ದಾರೆ.

https://www.vijayavani.net/old-video-of-radhika-apte-calling-tollywood-patriarchal-and-male-dominated-industry-leaves-social-media-divided