ಸಿನಿಮಾ ಇಂಡಸ್ಟ್ರಿ ಪುರುಷ ಪ್ರಧಾನವಾಗಿದೆ..ಮಹಿಳೆಯರನ್ನು ನಡೆಸಿಕೊಳ್ಳುವ ರೀತಿ ಸರಿ ಇಲ್ಲ: ರಾಧಿಕಾ ಆಪ್ಟೆ

ಮುಂಬೈ: ನಟಿ ರಾಧಿಕಾ ಆಪ್ಟೆ ಸದಾ ಏನಾದರೊಂದು ಸುದ್ದಿಯಲ್ಲಿರುತ್ತಾರೆ. ಅವರು ನೇರವಾಗಿ ಮಾತನಾಡಿ ವಿವಾದಗಳಲ್ಲಿ ಸಿಲುಕಿದ ಸಂದರ್ಭಗಳಿವೆ. ಇದೀಗ ತೆಲುಗು ಚಿತ್ರರಂಗದ ಬಗ್ಗೆ ಸೆನ್ಸೇಷನಲ್ ಕಾಮೆಂಟ್ಸ್ ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿದ್ದಾರೆ. 

ಸಂದರ್ಶನವೊಂದರಲ್ಲಿ ಭಾಗವಹಿಸಿ ಮಾತನಾಡಿದ ನಟಿ,   ''ನಾನು ಹೆಚ್ಚು ಕಷ್ಟ ಪಟ್ಟ ಇಂಡಸ್ಟ್ರಿ ತೆಲುಗು. ಏಕೆಂದರೆ ಆ ಉದ್ಯಮವು ಅತ್ಯಂತ ಪಿತೃಪ್ರಧಾನವಾಗಿದೆ. ಒಂದು ರೀತಿಯಲ್ಲಿ ಅಲ್ಲಿ ಪುರುಷತ್ವ ಜಾಸ್ತಿ. ಪುರುಷರು ಕುರುಡು ರಾಷ್ಟ್ರೀಯವಾದಿಗಳು. ಅಲ್ಲಿ ಮಹಿಳೆಯರನ್ನು ನಡೆಸಿಕೊಳ್ಳುವ ರೀತಿ ಅಸಹನೀಯ. ಮಹಿಳೆಯರಿಗೆ ಹೆಚ್ಚಿನ ಆದ್ಯತೆ ನೀಡಿಲ್ಲ. ಅವರನ್ನು ಸೆಟ್‌ನಲ್ಲಿ ಮೂರನೇ ವ್ಯಕ್ತಿಯಂತೆ ಪರಿಗಣಿಸಲಾಗುತ್ತದೆ. ಅಲ್ಲಿ ಹಲವು ಬಾರಿ ತೊಂದರೆಗೆ ಸಿಲುಕಿದ್ದೆ. ಏನನ್ನೂ ಹೇಳದೆ ತಮಗೆ ಇಷ್ಟ ಬಂದಂತೆ ಚಿತ್ರೀಕರಣವನ್ನು ರದ್ದು ಮಾಡುತ್ತಾರೆ. ನನ್ನ ಅವಶ್ಯಕತೆ ಮಾತ್ರ ಇದೆ ಎಂದು ನಾನು ಅರಿತುಕೊಂಡೆ" ಎಂದು ಅವರು ಹೇಳಿದರು. ಇದರೊಂದಿಗೆ ಇದೀಗ ರಾಧಿಕಾ ಮಾಡಿರುವ ಕಾಮೆಂಟ್ಸ್ ವೈರಲ್ ಆಗುತ್ತಿದೆ.. ಟಾಲಿವುಡ್ ಸಿನಿಪ್ರೇಮಿಗಳು ಈ ನಾಯಕಿಯ ಮೇಲೆ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ರಾಧಿಕಾ ಆಪ್ಟೆ ಹಿಂದಿ, ತಮಿಳು ಮತ್ತು ತೆಲುಗು ಸೇರಿದಂತೆ ಹಲವಾರು ಭಾರತೀಯ ಭಾಷೆಗಳ ಚಿತ್ರಗಳಲ್ಲಿ ನಟಿಸಿದ್ದಾರೆ.. ತೆಲುಗಿನಲ್ಲಿ ಹಲವು ಸೂಪರ್ ಹಿಟ್ ಚಿತ್ರಗಳಲ್ಲಿ ನಟಿಸಿ ಹೆಸರು ಮಾಡಿದಳು. ಆದರೆ ಈಗ ಬಾಲಿವುಡ್ ಇಂಡಸ್ಟ್ರಿಯಲ್ಲಿ ನೆಲೆಯೂರಿದ್ದಾರೆ. ರಾಮ್ ಗೋಪಾಲ್ ವರ್ಮಾ ನಿರ್ದೇಶನದ ರಕ್ತ ಚರಿತ್ರ ಚಿತ್ರದಲ್ಲಿ ನಾಯಕಿಯಾಗಿ ತೆಲುಗು ತೆರೆಗೆ ಪರಿಚಯಿಸಲಾಯಿತು. ಅದರ ನಂತರ, ಅವರು ಲೆಜೆಂಡ್ ಮತ್ತು ಲಯನ್ ಚಿತ್ರಗಳಲ್ಲಿ ನಟಿಸಿದರು. ಇತ್ತೀಚೆಗೆ ಅವರು ವಿಜಯ್ ಸೇತುಪತಿ ಮತ್ತು ಕತ್ರಿನಾ ಕೈಫ್ ಅವರ ಮೆರ್ರಿ ಕ್ರಿಸ್ಮಸ್ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡರು. 

https://www.vijayavani.net/called-ias-factory-this-village-of-75-households-has-produced-51-ias-ips-officers

https://www.vijayavani.net/jabardasth-pavithra-love-breakup-her-boyfriend-santosh

https://www.vijayavani.net/actreess-nagma-reformation-fans-reaction-goes-viral

https://www.vijayavani.net/after-completing-wedding-rituals-bride-groom-reached-hospital

https://www.vijayavani.net/anushka-sharma-delivery-date-revealed-virat-kohli-wife-to-welcome-second-baby-in-london